1 Samel 29:6 - Maktub gə́ To gə Kəmee

⁶ Akis ɓar Dabid ulá pana: Njesigənea̰ si kəmba ya! I lé to dəw gə́ danasur gə́ ar rɔm lelm mba koo gə́ m’ooi loo kaw səm na̰’d loo rɔ’g ləm, gə loo tel gə́ tel səm na̰’d loo-si sí’g ləm tɔ, mbata m’oo né gə́ majel kára kara rɔi’g un kudee mee ndəa gə́ i ree ne rɔm’g saar teḛ ɓogənè lé el. Nɛ mbaije ɓa i taa kəm dee el.

1 Samel 29:6 ပူးပေါင်းရင်းမြစ်များ

Gḭ-Néje 16:6

Abram ila Sarai keneŋ pana: Aa oo, ɓər ləi gə́ dené lé si meḛ jii’g ɓəi. I nja a ra səa né to gə́ məəi ndigi. Yen ŋga Sarai ra səa kədərə saar ar Agar aḭ nea̰’g aw raŋg.

2 Samel 3:25

I gər Abner, ŋgolə Ner gao! Yeḛ ree gə mba su kəmi ləm, gə mba gər rəw-kabije ləma, gə mba gər néje lai gə́ i ra ləm tɔ.

2 Mbaije 19:27

Nɛ neḛ n’gər loo gə́ i si naŋg ləm, Gə loo gə́ i teḛ raga əsé andə kəi ləma, Gə loo gə́ məəi ḭ səi jugugu dɔ neḛ’g ləm tɔ.

Pakɔsje 121:8

Njesigənea̰ a kaa dɔi loo-kabi’g ləm, gə loo-teli’g ləm tɔ, Un kudee ɓasinè saar gə no̰.

Esai 37:28

Nɛ neḛ n’gər loo gə́ i si naŋg ləm, Gə loo gə́ i teḛ raga əsé andə kəi ləma, Gə loo gə́ məəi ḭ səi jugugu dɔ neḛ’g ləm tɔ.

Esai 65:16

Yeḛ gə́ a ndiŋga rəa Mba kiŋga ndutɔr mee ɓee’g neelé Yeḛ a ndiŋga rəa kar Ala gə́ tɔgərɔ Ɓa tɔr ndia dəa’g, Yeḛ a kubu rəa mee ɓee’g nee Ndá a kubu rəa gə ri Ala gə́ tɔgərɔ ya tɔ. Mbata nékəmndoo gə́ ləw lé Meḛ dəwje a kwəi dɔ’g ləm, D’a kiya rɔ dee kəm’g kág ləm tɔ.

Jeremi 12:16

Ɓó lé deḛ ndoo panjaa koso-dəwje lə neḛ ləm, ɓó lé deḛ manrɔ dee gə ri neḛ pa ne pana: Njesigənea̰ to Njesikəmba to gə́ deḛ ndoo koso-dəwje lə neḛ d’ar dee manrɔ dee gə ri Baal ləm tɔ lé ndá d’a si dan rɔlel’g mbuna koso-dəwje’g lə neḛ ya.

Bula lə Israɛlje 27:17

mba karee teḛ no̰ dee’g aw raga ləm, gə tel no̰ dee’g ree ɓee ləm tɔ, mba karee ɔr no̰ dee teḛ sə dee raga ləm, ɔr no̰ dee tel sə dee ɓee ləm tɔ, bèe ɓa mba kar koso-dəwje lə Njesigənea̰ lé d’a to kasəna gə badje gə́ njekul dee godo lé bèe el.

Matiyo 5:16

Maji kar néndogó lə sí kara ndogó kəm dəwje’g jol-jol. Bèe ɓa d’a koo néra maji lə sí ndá d’a kula ne rɔnduba dɔ Bɔ síje gə́ si dara lé ya.

Tel tura Godndu 10:20

Seḭ a ɓəlje Ala lə sí gə́ Njesigənea̰ ləm, seḭ a raje né kaareeje ləm, seḭ a kɔmje səa na̰’d ləma, seḭ a manje rɔ sí gə ria ləm tɔ.

Jujé 22:30

Loo gə́ Pines gə́ to njekinjanéməs, gə mbaije lə koso-dəwje gə́ to mbai dɔ koso-dəwje lə Israɛlje gə́ tɔl-dɔg-dɔg (1.000) lé d’oo ta gə́ Rubḛje, gə Gadje, gə Manasə pa lé ndá meḛ dee oso naŋg po̰.

1 Piɛrə 2:12

Njaaje gə́ majee dan njépole-magəje’g mba kar deḛ gə́ d’oo sí gə́ njéra majelje d’im sí ne lé ndá d’a koo néra maji lə sí ɓa d’a kula ne rɔnduba dɔ Ala’g mee ndəa gə́ yeḛ a teḛ dɔ sí’g ɓəi.

1 Piɛrə 3:16

Raje néje lai gə́ a kar meḛ sí oso naŋg lemsé gə́ majee dɔ rɔ sí’g mba kar deḛ gə́ səg sí, taji sí dɔ néra gə́ maji gə́ seḭ raje gin Kristi’g lé rɔ dee a kul ne.

1 Samel 20:3

Dabid pa ya tɔɓəi gə rɔkubu pana: Bɔbije gər gao to gə́ ma m’taa kəmi rəgm ndá yeḛ a pana: Maji kar dee d’ar Jonatan oo el nà a kar mée ea̰. Nɛ to gə́ Njesigənea̰ si kəmba ləm, i ya kara si kəmba ya ləm tɔ ndá ma kulai to gə́ ta yoom nai tebdé ba bèe ya.

1 Samel 28:10

Sawul man rəa gə ri Njesigənea̰ aree pana: Njesigənea̰ si kəmba ya! Némajel a rai gə mbəa el.

1 Samel 29:3

Mbaije lə Pilistije dəjee pana: See ɗi ɓa Ǝbrəje gə́ nee ree ra loo gə́ nee’g wa. Ndá Akis ila mbaije lə Pilistije lé keneŋ pana: See to Dabid, kura lə Sawul, mbai gə́ Israɛl lé el wa. Yeḛ si səm ləw ba ya nɛ ma m’oo né gə́ tḛ́ bèe kára kara mba kila ne ta dəa’g un kudee ndɔ ree’g ləa ya saar teḛ ɓogənè lé el.

1 Samel 29:7

Bèe ndá maji kari tel aw gə meekulɔm ɓó gə mba ra né kára kara gə́ taa kəm mbaije lə Pilistije el lé bèe el.

1 Samel 5:8

Deḛ d’ula kula ɓar mbaije lə Pilistije d’ar dee ree mbo̰ dɔ na̰ rɔ dee’g ndá deḛ dəji dee pana: See ɗi ɓa j’a ra gə sa̰duk-manrɔ lə Ala lə Israɛlje lé wa. Mbaije lé tel d’ila dee keneŋ pana: Maji kar dee d’un sa̰duk-manrɔ lé d’aw ne Gat. Deḛ d’un sa̰duk-manrɔ lə Ala lə Israɛlje lé d’aw ne keneŋ ya tɔ.