1 Samel 29:4 - Maktub gə́ To gə Kəmee

⁴ Nɛ meḛ mbaije lə Pilistije o̰ dee dɔ Akis’g ar dee d’ulá pana: Tɔb dəw neelé aree tel aw loo gə́ i aree si keneŋ ɓó aree aw sə sí loo-rɔ’g el nà yeḛ a tel to njeba̰ lə sí loo-rɔ’g. See ɗi ɓa dəw neelé a kaw ra mba taa ne kəm ɓéeje wa. See mbɔl dɔ tɔl gə́ yeḛ a gə tɔl njérɔje lə sí lé el wa.

1 Samel 29:4 ပူးပေါင်းရင်းမြစ်များ

1 Sôrta Gḭka-Israɛlje 12:19

Amasai yeḛ gə́ kára mbuna ɓé-njérɔje gə́ ur dɔ mareeje’g lé ndil Ala dəb dəa’g aree pana: Dabid, jeḛ n’to kaḭ, Jeḛ n’to kaḭ, I gə́ to ŋgolə Isai! Meelɔm, meelɔm nai səi ləm, Meelɔm nai gə deḛ gə́ to njéla seḭje ləm tɔ Mbata Ala ləi la səi ya! Bèe ɓa Dabid wa dee ne gə́ rəa’g ɔm dee mbuna ɓé-njérɔje’g ləa tɔ.

1 Sôrta Gḭka-Israɛlje 12:20

Manasəje gə́ na̰je ree d’ɔm na̰’d gə Dabid loo gə́ yeḛ aw gə Pilistije gə mba kaw rɔ ne gə Sawul lé. Nɛ deḛ d’iŋga rəw gə mba la gə Pilistije lé el, mbata loo gə́ mbaije lə Pilistije d’wɔji na̰ ta ndá deḛ tuba Dabid pana: Yeḛ a tel kɔm na̰’d gə ɓéeje Sawul gə mba ndogo sí.

Teḛ-Raga 1:10

Yen! ar sí n’ra deeje gə kəmkàree j’ɔg deeje loo koji na̰ gə́ kédé-kédé nà banelə ɓó lé rɔ a tɔ ndá d’a kɔm gel njéba̰je’g lə sí gə mba rɔ sə sí ləm, gə mba teḛ kya̰ ɓee gə́ nee lé ləm tɔ.

Lugu 16:8

Loo gə́ ɓéeje oo goso lə njekaa dɔ néje ləa gə́ to majikoji el lé yeḛ ɔree ndəŋ ɔs ne gajee. Mbata ŋganje gə́ ɓasinè lé goso lə dee gə́ deḛ ra wɔji ne dɔ mar deeje lé dum ka̰ ŋgan lookàrje ya.

1 Samel 14:21

Ǝbrəje gə́ kédé d’oso gel Pilistije’g d’aw sə dee na̰’d loo-si dee’g ləm, d’isi mbuna dee’g looje gə́ ɓəd-ɓəd ləm tɔ lé nja tel d’ɔm na̰’d gə Israɛlje gə́ d’aw gə Sawul gə Jonatan lé.

1 Samel 27:6

Togə́bè ɓa mee ndəa’g nee ya Akis aree Siklag. Gelee gə́ nee ɓa Siklag to ne ka̰ mbaije gə́ Juda saar teḛ mee ndəa gən lé ya.

1 Samel 29:9

Akis ila Dabid keneŋ pana: M’gər ya, mbata i taa kəm rəgm asəna gə kura lə Ala gə́ dara bèe. Nɛ mbai dɔ Pilistije-je ɓa pana: Yeḛ neelé a kaw sə sí loo-rɔ’g el.

1 Samel 30:1

Mee ndɔ gə́ njekɔm’g munda’g lé loo gə́ Dabid gə njérɔje ləa ree Siklag ndá Amalekje ree wai par gə́ dɔkɔl lə ɓee neelé ləm, gə d’ila rɔ dɔ Siklag’d ləm tɔ ndá, deḛ tuji ɓee gə́ Siklag pugudu-pugudu ləm, rée pər ləm tɔ.