1 Samel 29:3 - Maktub gə́ To gə Kəmee

³ Mbaije lə Pilistije dəjee pana: See ɗi ɓa Ǝbrəje gə́ nee ree ra loo gə́ nee’g wa. Ndá Akis ila mbaije lə Pilistije lé keneŋ pana: See to Dabid, kura lə Sawul, mbai gə́ Israɛl lé el wa. Yeḛ si səm ləw ba ya nɛ ma m’oo né gə́ tḛ́ bèe kára kara mba kila ne ta dəa’g un kudee ndɔ ree’g ləa ya saar teḛ ɓogənè lé el.

1 Samel 29:3 ပူးပေါင်းရင်းမြစ်များ

Gḭ-Néje 14:13

Dəw kára gə́ teḛ ta rɔ’g pəd-pəd lé ree rɔ Abram gə́ to Ǝbrə gə́ ra ɓee mbuna kag-sɛnəje’g lə Mamré, dəw gə́ Amɔr gə́ to ŋgoko̰ Eskol gə ŋgoko̰ Aner, deḛ gə́ d’ɔm ta lə dee na̰’d gə Abram kédé lé.

1 Sôrta Gḭka-Israɛlje 12:19

Amasai yeḛ gə́ kára mbuna ɓé-njérɔje gə́ ur dɔ mareeje’g lé ndil Ala dəb dəa’g aree pana: Dabid, jeḛ n’to kaḭ, Jeḛ n’to kaḭ, I gə́ to ŋgolə Isai! Meelɔm, meelɔm nai səi ləm, Meelɔm nai gə deḛ gə́ to njéla seḭje ləm tɔ Mbata Ala ləi la səi ya! Bèe ɓa Dabid wa dee ne gə́ rəa’g ɔm dee mbuna ɓé-njérɔje’g ləa tɔ.

1 Sôrta Gḭka-Israɛlje 12:20

Manasəje gə́ na̰je ree d’ɔm na̰’d gə Dabid loo gə́ yeḛ aw gə Pilistije gə mba kaw rɔ ne gə Sawul lé. Nɛ deḛ d’iŋga rəw gə mba la gə Pilistije lé el, mbata loo gə́ mbaije lə Pilistije d’wɔji na̰ ta ndá deḛ tuba Dabid pana: Yeḛ a tel kɔm na̰’d gə ɓéeje Sawul gə mba ndogo sí.

Loo gə́ killa rea kəm Daniel’g 6:5

Togə́bè ɓa mbaije neelé gə njékaa dɔ dəb ɓeeko̰je lé saŋg loo mba kun ta néje gə́ wɔji dɔ ɓeeko̰ gə mba kila taree dɔ Daniel’g. Nɛ d’iŋga lé kára kara el ləm, d’iŋga né kára kara mba ndaŋgee ne el ləm tɔ, mbata yeḛ to majikoji ndá d’oo ta kára kara gə́ wa dəa el ləm, d’oo né gə́ majel kára kara rəa’g el ləm tɔ.

Tagə́maji gə́ Ja̰ ndang 19:6

Loo gə́ mbai dɔ njékinjanéməsje-je gə njékaa dɔ looje d’aa loo ɓèd d’ée ndá deḛ ra né u-u-u pana: Ɗaree kaar kag’d gə́ ɗar ya. Ɗaree kaar kag’d gə́ ɗar ya. Pilatə tel ula dee pana: Seḭ nja teaaje aw ɗareeje, mbata ma lé m’oo ta kára kara gə́ wa dəa lé el.

Njé gə́ Rɔmə 12:17

Deḛ gə́ ra sə sí né gə́ majel lé tel raje sə dee majel kəm maree’g el. Saŋje rəw né gə́ maji gə mba ra no̰ dəwje’g lai.

1 Piɛrə 3:16

Raje néje lai gə́ a kar meḛ sí oso naŋg lemsé gə́ majee dɔ rɔ sí’g mba kar deḛ gə́ səg sí, taji sí dɔ néra gə́ maji gə́ seḭ raje gin Kristi’g lé rɔ dee a kul ne.

1 Samel 14:11

Deḛ d’ḭ joo bɔr d’aw loo-si Pilistije’g ndá Pilistije pana: Aa ooje, Ǝbrəje gə́ d’unda loo mee bwaje gə́ d’iya rɔ dee keneŋ lé teḛ d’aar’n.

1 Samel 25:28

M’ra ndòo rɔi’g, ar məəi oso lemsé dɔ néra gə́ majel’g lə kura ləi gə́ dené mbata Njesigənea̰ a kar kəi lə mbai ləm kiriŋ naŋg kiriŋ-kiriŋ ya. Ar məəi oso lemsé ya mbata i mbai ləm tɔ njekɔs gel rɔje lə Njesigənea̰ ndá dəw a kiŋga néra gə́ majel məəi’g nda̰ el.

1 Samel 27:1

Dabid ə̰ji mée’g pana: Ma neelé ndɔ kára ndá Sawul a tujim ya ɓəi. Né gə́ maji yaa̰ gə́ kəm ra ndá, kam m’aḭ m’aw mee ɓee’g lə Pilistije ɓa. Bèe ɓa Sawul a kya̰ goo korə gə́ yeḛ aw kɔrəm dɔ naŋg ɓee’g lə Israɛlje lé ya. Togə́bè ɓa m’a taa ne rɔm jia’g tɔ.

1 Samel 27:7

Dabid si ne ɓee’g lə Pilistije lé as ləb kára gə naḭ sɔ.

1 Samel 29:6

Akis ɓar Dabid ulá pana: Njesigənea̰ si kəmba ya! I lé to dəw gə́ danasur gə́ ar rɔm lelm mba koo gə́ m’ooi loo kaw səm na̰’d loo rɔ’g ləm, gə loo tel gə́ tel səm na̰’d loo-si sí’g ləm tɔ, mbata m’oo né gə́ majel kára kara rɔi’g un kudee mee ndəa gə́ i ree ne rɔm’g saar teḛ ɓogənè lé el. Nɛ mbaije ɓa i taa kəm dee el.

1 Samel 4:6

Kaa bula lə deḛ gə́ d’unda lé oso mbi Pilistije’g ndá deḛ pana: Kaa bula gə́ d’unda gə́ ɓar loo-si Ǝbrəje’g lé see gelee to ɗi wa. Ndá deḛ d’oo to gə́ deḛ ree gə sa̰duk-manrɔ lə Njesigənea̰ lé loo-si dee’g ya.