1 Samel 28:4 - Maktub gə́ To gə Kəmee

⁴ Pilistije mbo̰ dɔ na̰ ree d’wa loo-si dee Sunem ləm, Sawul mbo̰ njérɔje gə́ Israɛl ar dee ree d’wa loo-si dee Gilboa ləm tɔ.

1 Samel 28:4 ပူးပေါင်းရင်းမြစ်များ

2 Samel 1:21

Mbalje gə́ Gilboa lé Maji kar tàl əsé ndi oso keneŋ teŋ el ləm, Maji kar ndɔje gə dɔ koje gə́ doŋgɔr Gə́ to nékarje lé kara godo keneŋ ləm tɔ! Mbata lé neelé ɓa D’ɔm dərje gə́ bao-rɔje keneŋ ləm, Dər lə Sawul ləm tɔ, D’a kwa dee gə ubu gogo el ŋga.

2 Samel 1:6

Ndá basa gə́ njekulá taje neelé tel ilá keneŋ pana: Ma m’aar dɔ mbal gə́ Gilboa ndá aa oo, Sawul man rəa dɔ niŋga-ndəi’g ləa tɔɓəi aa oo, pusu-rɔje gə njérɔ gə kundaje ree gə́ rəa’g.

2 Samel 21:12

Ndá Dabid aw odo siŋga Sawul gə siŋga ŋgonee, Jonatan mee ɓee’g lə Jabɛsje gə́ Galaad gə́ d’odo dee Bet-Səan loo gə́ Pilistije tɔ dee tar mee ndəa gə́ deḛ tɔl ne Sawul mee ɓee gə́ Gilboa lé.

1 Mbaije 1:3

Deḛ saŋg ŋgoma̰də gə́ ma̰də yaa̰ mee ɓee gə́ Israɛl’g lai ndá d’iŋga Abisag, ŋgoma̰də gə́ Sunem ɓa ree səa rɔ mbai’g lé.

2 Mbaije 4:8

Ndɔ kára bèe Elije dəs mee ŋgon ɓee gə́ Sunem. Ndá dené gə́ njenékiŋga kára si keneŋ. Yeḛ ɔsee ɓɔḭ-ɓɔḭ mba karee sɔ né kəi ləa. Ta-ta lé loo gə́ yeḛ dəs keneŋ ndá yeḛ aw kəi ləa aw sɔ né sɔ né.

Jujé 19:18

Rəw-nim dɔ naŋg lə dee dəs par gə́ Jisreel, gə Kesulot, gə Sunem,

1 Samel 28:5

Loo gə́ Sawul oo loo-si Pilistije ndá ɓəl undá badə gaŋgee ar ɓəŋgəree ɓar ɗigi-ɗigi tɔ.

1 Samel 31:1

Pilistije d’ɔr rɔ d’aw rɔ gə Israɛlje ndá Israɛlje d’aḭ no̰ Pilistije’g ndá njé gə́ na̰je bula toso d’wəi dɔ mbal’d gə́ Gilboa.

1 Samel 31:8

Bèlè lookàree ndá Pilistije ree mba tɔr néje gə́ to rɔ dee gə́ d’wəi’g lé ndá deḛ d’iŋga nin Sawul gə ŋganeeje gə́ munda gə́ to naŋg dɔ mbal’d gə́ Gilboa lé.