1 Samel 28:18 - Maktub gə́ To gə Kəmee

¹⁸ Mbata i ila koji dɔ torndu Njesigənea̰’g el ləm, i ar Amalek oo boo-oŋg lə Njesigənea̰ gə́ nuŋga kəd-kəd el ləm tɔ. Gelee gə́ nee ɓa Njesigənea̰ ra ne səi né gə́ togə́bè ɓogənè gə mbəa.

1 Samel 28:18 ပူးပေါင်းရင်းမြစ်များ

1 Mbaije 20:42

Yeḛ ula mbai lé tɔɓəi pana: Njesigənea̰ pa togə́bè pana: Mbata i ya̰ dəw nee gə́ ma man rɔm gə mba tujee pugudu lé aree si kəmba ndá i nja a kwəi toree’g ləm, dəwje ləi kara d’a taa tor dəwje ləa ləm tɔ.

1 Sôrta Gḭka-Israɛlje 10:13

Sawul wəi mbata yeḛ al ta ta Njesigənea̰’g aa ne dɔ ta ləa el ləm, mbata yeḛ aw dəji deḛ gə́ to njéɓar ndil dəwje gə́ d’wəi lé ɓa ta ləm tɔ.

Jeremi 48:10

Ndɔl wa dɔ yeḛ gə́ ra kula Le Njesigənea̰ orè gə ndam ləm, Ndɔl wa dɔ yeḛ gə́ ɔg kiambas ləa Ndum dəwje mburug-mburug ləm tɔ.

1 Samel 13:9

Yen ŋga Sawul pana: Reeje gə nékinjaməs gə́ ka̰ roo ləm, gə nékinjaməs gə́ ka̰ kiŋga meelɔm ləm tɔ amje. Ndá yeḛ inja nékinjaməs gə́ ka̰ roo lé.

1 Samel 15:20

Sawul ila Samel keneŋ pana: Ma m’oo ndu Njesigənea̰ maji ya ləm, m’un rəw gə́ Njesigənea̰ ulam keneŋ ya ləm tɔ. Ma m’ree gə Agag, mbai gə́ Amalek kəmba nɛ Amalekje ndá m’tɔl dee mbad-mbad ya.

1 Samel 15:28

Ndá Samel ulá pana: Ɓogənè, Njesigənea̰ wa ɓeeko̰ lə Israɛlje jii’g wɔgədɔ ɔr ndá yeḛ ar mari gə́ raŋg gə́ maji undai lé gə́ né kea̰ yeḛ ya tɔ.

1 Samel 15:9

Nɛ Sawul gə njérɔje d’ya̰ Agag ləm, gə badje gə́ maji-maji ləm, gə bɔ maŋgje gə́ maji-maji ləm, gə da-kulje gə́ maji-maji ləm, gə ŋgan badje gə́ rɔ dee to ndəb-ndəb ləma, gə néje lai gə́ maji ləm tɔ lé kəmba. Deḛ ndigi tɔl dee el nɛ deḛ lai gə́ rɔ dee maji sur el əsé d’əŋ kəŋ-kəŋ ɓa deḛ tɔl dee ya.