1 Samel 27:9 - Maktub gə́ To gə Kəmee

⁹ Dabid tuji ɓeeje neelé pugudu-pugudu. Yeḛ ya̰ diŋgam əsé dené kára kara kəmba el ndá yeḛ ɔr badje gə maŋgje gə jambalje gə kubuje tɔ, tel aw ne ɓee lə Akis lé.

1 Samel 27:9 ပူးပေါင်းရင်းမြစ်များ

Gḭ-Néje 16:7

Kura lə Njesigənea̰ gə́ dara iŋgá mbɔr kəm-rəw-mán gə́ to dɔdilaloo’g, mbɔr kəm-rəw-mán gə́ to rəw gə́ aw gə́ Sur.

Gḭ-Néje 25:18

Ŋganeeje ra ɓee un kudee Habila saar teḛ Sur gə́ to no̰ Ejiptə’g loo gə́ aw par gə́ Asiri lé. Yeḛ ra ɓee ləa kəm ŋgakea̰je’g lai tɔ.

Maktub gə́ wɔji dɔ Jɔb 1:3

Badje ləa d’as tɔl-dɔg-loo-siri (7.000) ləm, jambalje ləa d’as tɔl-dɔg-loo-munda (3.000) ləm, maŋgje ləa gə́ d’wa dee na̰’d joo-joo d’as loo tɔl-mi (500) ləm, ko̰-mulayḛ̀je-je ləa d’as tɔl-mi (500) ləma, kuraje ləa bula digi-digi ləm tɔ. Dəw neelé ria ɓar ur dɔ dəwje lai gə́ d’isi Bər.

Teḛ-Raga 15:22

Moyis ar Israɛlje d’ḭ ta baa-boo gə́ ria lə Baa-Kas lé d’aw. Deḛ d’un rəw gə́ par gə́ dɔdilaloo gə́ Sur, deḛ njaa dɔdilaloo’g as ndɔ dee munda nɛ d’iŋga mán el.

Jujé 6:21

Deḛ tuji néje lai-lai gə́ to mee ɓee’g neelé gə kiambas, diŋgamje gə denéje ləm, ŋganje gə ɓugaje ləma, maŋgje gə badje gə mulayḛ̀je-je kara ləm tɔ.

1 Samel 15:3

Ɓasinè, ɔd aw tɔl Amalekje tɔɓəi tuji néje lai gə́ to ka̰ dee lé pugudu-pugudu. I a kya̰ dee kəmba el nɛ i a tɔl diŋgamje gə denéje ləm, gə ŋganje gə́ tɔg gə deḛ gə́ ta mbà’g ləma, gə maŋgje, gə badje, gə jambalje, gə mulayḛ̀je-je ləm tɔ.

1 Samel 15:7

Sawul tɔl Amalekje un kudee ɓee gə́ Habila saar teḛ ne Sur gə́ wɔji dɔ Ejiptə njoroŋ lé.

1 Samel 15:8

Yeḛ wa Agag, mbai lə Amalekje kəmba, tɔɓəi yeḛ tuji koso-dəwje lai gə kiambas tɔ.