1 Samel 27:8 - Maktub gə́ To gə Kəmee

⁸ Dabid gə njérɔje ləa d’aw wai ɓee lə Gesurje ləm, gə Girjije ləma, gə Amalekje ləm tɔ. Mbata ginkoji dəwje lé d’isi dɔ naŋg’d nee ləw ba wɔji dɔ kel loo gə́ Sur saar teḛ ne dɔ naŋg ɓee gə́ Ejiptə tɔ.

1 Samel 27:8 ပူးပေါင်းရင်းမြစ်များ

2 Samel 14:23

Togə́bè ɓa Joab ḭ aw Gesur ndá yeḛ tel ree gə Absalɔm Jerusalem tɔ.

2 Samel 14:32

Absalɔm tel ila Joab’g pana: Aa oo, ma m’ula kula rɔi’g m’pana: Maji kari ree nee am m’ulai rɔ mbai’g gə mba kari dəjee pana: See mbata ɗi ɓa am m’ḭ ne Gesur m’ree né nee wa. Kam m’nai maji unda ree ləm gə́ m’ree ya. Ɓasinè ma m’ndigi koo kəm mbai lé, ŋga ɓó lé oo néra gə́ majel gə́ to rɔm’g ndá kəm karee am m’wəi ya.

2 Samel 15:8

Mbata ma kura ləi m’un ndum loo gə́ m’isi ne Gesur gə́ Aram lé m’pana: Ɓó lé Njesigənea̰ am m’tel m’ree Jerusalem ndá m’a ra né kar Njesigənea̰ ya.

2 Samel 3:22

Aa ooje, Joab gə njé’g lə Dabid d’ḭ loo-wai’g ree gə boo-nébanrɔje. Abner nai rɔ Dabid’g ɓee gə́ Ebro̰ el ŋga mbata Dabid yá̰ aree aw gə meekulɔm.

2 Samel 3:3

njekɔm’g joo to Kiləab gə́ yeḛ ojee gə Abigayil, dəw gə́ Karmel gə́ kédé to dené lə Nabal lé, njekɔm’g munda lə dee to Absalɔm gə́ yeḛ ojee gə́ Maaka gə́ to ŋgolə Talmai, mbai gə́ Gesur,

2 Samel 8:12

yee ɓa wɔji dɔ Aramje ləm, gə Moabje ləm, gə Amo̰je ləm, gə Pilistije ləma, gə Amalekje ləm tɔ. Yeḛ ra togə́bè gə nébanrɔ gə́ yeḛ taa ji Adadéjer, mbai gə́ Soba lé tɔ.

1 Sôrta Gḭka-Israɛlje 2:23

Gesurje gə Aramje taa ɓee-kogoje lə Jayir ləm, gə Kenat gə ɓee-booje gə́ gugu dəa lé as rɔ-misa̰ ləm tɔ. Deḛ lai neelé to ŋgalə Makir gə́ to bɔ Galaadje lé.

Teḛ-Raga 15:22

Moyis ar Israɛlje d’ḭ ta baa-boo gə́ ria lə Baa-Kas lé d’aw. Deḛ d’un rəw gə́ par gə́ dɔdilaloo gə́ Sur, deḛ njaa dɔdilaloo’g as ndɔ dee munda nɛ d’iŋga mán el.

Teḛ-Raga 17:8

Amalekje rɔ gə Israɛlje mee ɓee gə́ Repidim.

Bula lə Israɛlje 13:29

Amalekje d’isi par gə́ dɔkɔl, Hetje, gə Yebusje gə Amɔrje d’isi dɔ mbal’g, tɔɓəi Kana̰je d’isi mbɔr baa-boo-kad’g ləm, gə dɔ koŋgo baa gə́ Jurdɛ̰’g ləm tɔ.

Bula lə Israɛlje 14:45

Ndá Amalekje gə Kana̰je gə́ d’isi dɔ mbal’g neelé d’ḭ sə dee, tɔɓəi deḛ dum dɔ dee ləm, ti dee mbidi-mbidi ləm tɔ, saar teḛ ne Ɔrma.

Jujé 12:5

Yeḛ o̰ ɓee un kudee dɔ mbal gə́ Hermo̰ ləm, gə Salka ləm, gə Basan’g lai saar teḛ ne rəw-nim-ɓee’g lə Gesurje gə Maakatje ləma, gə dəb loo gə́ Galaad gə́ to rəw-nim-ɓee’g lə Siho̰, mbai gə́ Esbon ləm tɔ.

Jujé 13:13

Nɛ Israɛlje lé tuba Gesurje gə Maakatje el, ar dee d’isi mbuna Israɛlje’g saar teḛ ne mee ndɔ gə́ ɓogənè.

Jujé 13:2

Ges ɓeeje gə́ nai lé ɓa nee: Dəb ɓeeko̰je lə Pilistije lai ləm, gə dɔ naŋg ɓee lə Gesurje ləm tɔ,

Jujé 16:10

Deḛ tuba Kana̰je gə́ d’isi Gejer el ndá d’ar Kana̰je d’isi mbuna Eprayimje’g saar teḛ ne mee ndɔ gə́ ɓogənè, nɛ deḛ d’ar dee d’uga dɔ rɔ dee ɓa d’isi ne ɓəi.

Njéga̰g-Rəwtaje 1:29

Eprayimje tuba Kana̰je gə́ d’isi Gejer el, ndá Kana̰je d’isi mbuna Eprayimje’g mee ɓee gə́ Gejer tɔ.

1 Samel 29:6

Akis ɓar Dabid ulá pana: Njesigənea̰ si kəmba ya! I lé to dəw gə́ danasur gə́ ar rɔm lelm mba koo gə́ m’ooi loo kaw səm na̰’d loo rɔ’g ləm, gə loo tel gə́ tel səm na̰’d loo-si sí’g ləm tɔ, mbata m’oo né gə́ majel kára kara rɔi’g un kudee mee ndəa gə́ i ree ne rɔm’g saar teḛ ɓogənè lé el. Nɛ mbaije ɓa i taa kəm dee el.

1 Samel 30:1

Mee ndɔ gə́ njekɔm’g munda’g lé loo gə́ Dabid gə njérɔje ləa ree Siklag ndá Amalekje ree wai par gə́ dɔkɔl lə ɓee neelé ləm, gə d’ila rɔ dɔ Siklag’d ləm tɔ ndá, deḛ tuji ɓee gə́ Siklag pugudu-pugudu ləm, rée pər ləm tɔ.