1 Samel 27:12 - Maktub gə́ To gə Kəmee

¹² Akis ɔm mée dɔ Dabid’g ndá yeḛ pana: Tɔgərɔ Dabid tel to né gə́ to kḛji kəm dəwje’g ləa gə́ Israɛl ya. Bèe ɓa yeḛ a to kura ləm ya saar gə no̰.

1 Samel 27:12 ပူးပေါင်းရင်းမြစ်များ

Gḭ-Néje 34:30

Yen ŋga Jakob ula Simeo̰ gə Ləbi pana: Seḭ ɓa arje məəm to kəgəgə, amje m’tel to né gə́ ə̰də majel əm njéɓeeje gə́ nee, gə əm Kana̰je’g ləm, gə əm Peresje’g ləm tɔ. Ma lé m’aw gə dəwje bula el ndá deḛ lé d’a mbo̰ na̰ dɔm’g kɔsm rəw kundam tɔlm, ma gə njémeekəije ləm lai ya.

2 Samel 10:6

Amo̰je lé d’oo to gə́ deḛ tel to kḛji kəm Dabid’g ndá deḛ tuga goŋ-rɔje gə́ Aram gə́ Bet-Reob gə njé gə́ Aram gə́ Soba as tɔl-dɔg-loo-rɔ-joo (20.000) ləm, gə deḛ gə́ njérɔje lə mbai gə́ Maaka d’as tɔl-dɔg (1.000) ləma, gə njérɔje gə́ Tɔb d’as tɔl-dɔg-loo dɔg giree joo (12.000) gə́ yeḛ wɔji mba kar dee lar ləm tɔ.

Teḛ-Raga 5:21

Deḛ d’ula dee pana: Maji kar Njesigənea̰ orè kəmee dɔ sí’g ləm, maji karee ɔr kəm taree ləm tɔ! Seḭ ya ɓa tel síje gə́ né gə́ to kḛji kəm Parao̰’g ləm, gə kəm kuraje’g ləa ləm tɔ, to seḭ ya ɓa ulaje kiambas ji dee’g mba kar dee tuji sí ne ya.

1 Samel 13:4

Israɛlje lai d’oo to gə́ deḛ pana: Sawul dum dɔ kudu njérɔje lə Pilistije ndá Israɛlje tel to kḛji kəm Pilistije’g. Bèe ɓa deḛ ɓar njérɔje d’ar dee mbo̰ dɔ na̰ rɔ Sawul’g Gilgal.

1 Samel 27:11

Dabid ya̰ diŋgam əsé dené kára kara kəmba mba kaw sə dee Gat el mbata yeḛ ə̰ji mée’g pana: D’a kaskəm pata kila dɔ neḛje’g pana: Dabid ra togə́bè. Mee ndɔje lai gə́ yeḛ si ne mee ɓee’g lə Pilistije lé yeḛ ra togə́bè bèe ya.

1 Samel 28:1

Mee ndəa’g neelé Pilistije mbo̰ kudu-njérɔje lə dee dɔ na̰’d mba kar dee to njérɔje gə́ gel kára ɓa mba kaw rɔ ne gə Israɛlje. Yen ŋga Akis ula Dabid pana: Maji kari gər to gə́ i seḭ gə njérɔje ləi a gə kawje səm na̰’d loo-rɔ’g ya.