1 Samel 26:8 - Maktub gə́ To gə Kəmee

⁸ Yen ŋga Abisai ula Dabid pana: Ɓogənè Ala ila njeba̰ ləi meḛ jii’g. M’ra ndòo rɔi’g, ya̰ loo am m’ɔsee gə ko̰-niŋga ya, m’a kɔsee ji kára ba ya kɔree naŋg ɓó m’a tel kɔsee ji joo el.

1 Samel 26:8 ပူးပေါင်းရင်းမြစ်များ

2 Samel 16:9

Yen ŋga Abisai, ŋgolə Seruja dəji mbai pana: See gelee ban ɓa yoo-bisi nee aar ila ndɔl dɔ mbai’g bèe wa. Ya̰ loo am m’aw m’tuga dəa m’gaŋg.

Pakɔsje 31:8

Mbɔl dɔ meenoji ləi ɓa M’a si ne dan rɔkal’g gə dan rɔlel’g ləm tɔ Mbata i oo ndòo koo ləm gao ləm, I gər néɓəŋgərəti ləm gao ləm tɔ.

Jeremi 40:15

Yen ɓa Jokana, ŋgolə Karea ula Gedalia ta mee ɓee gə́ Mispa gə goo ŋgəḭ pana: Ya̰ loo am m’aw m’tɔl Ismael, ŋgolə Netania. Dəw kára kara a koo taree el. See a tɔli gə mba ɗi wa. See gə mba ɗi ɓa Judaje gə́ mbo̰ dɔ na̰ rɔi’g lé d’a sané na̰ ləm, ges Judaje d’a kudu bo̰ ləm tɔ wa.

Nahum 1:9

See ta ɗi ɓa seḭ la̰jije meḛ sí’g Mba kɔs ne Njesigənea̰ rəw wa. To yeḛ nja tuji loo pugudu-pugudu. Néurti lé a teḛ gɔl joo el.

Njé gə́ Rɔmə 11:32

Mbata Ala lé mbo̰ dəwje lai gin kalta’g ɓa gə mba mbo̰ deḛ lai gin meekɔrjol’g ləa ɓəi.

Tel tura Godndu 32:30

Ɓó lé yeḛ gə́ to mbal lə dee Uba dee ya̰ dee el ləm, Ɓó lé Njesigənea̰ ya̰ dee ji dee’g el ləm tɔ ndá, See dəw kára ba a tuba goo dəwje gə́ tɔl-dɔg (1.000) to gə́ ban wa, Esé see dəwje joo ba d’a kar dəwje gə́ tɔl-dɔg-loo-dɔg (10.000) d’aḭ to gə́ ban wa.

Jujé 21:44

Njesigənea̰ ar dee d’isi lɔm mee looje lai gə́ gugu dɔ dee lé to gə́ yeḛ man ne rəa ar ka deeje lé, dəw kára kara mbuna njéba̰je’g lə dee askəm kaar naŋg gəs no̰ dee’g el ndá Njesigənea̰ ɔm deḛ lai ji dee’g ya.

Njéga̰g-Rəwtaje 1:4

Judaje d’ḭ d’aw ndá Njesigənea̰ ya̰ Kana̰je gə Peresje ji dee’g tɔ, deḛ tɔl dəwje tɔl-dɔg-loo-dɔg (10.000) mee ɓee’d gə́ Bejek ya.

1 Samel 23:14

Dabid aw si dɔdilaloo’g mee looje gə́ siŋ siŋ-siŋ’d tɔɓəi yeḛ si dɔ mbal’g mee dɔdilaloo gə́ Jip tɔ. Sawul saŋgee gə ndɔje ndɔje ya nɛ Ala ilá jia’g el.

1 Samel 24:4

Yeḛ ree loo-kaar-badje gə́ to mbɔr rəw’g dəb. Lée neelé bolè mbal to keneŋ ndá Sawul andə aw keneŋ mba tel mú. Nɛ Dabid gə njérɔje ləa d’isi duu bolè mbal’g lé ya tɔ.

1 Samel 24:5

Njérɔje lə Dabid d’ulá pana: Aa oo, ndɔ gə́ Njesigənea̰ ulai pana: Neḛ n’ila njeba̰ ləi jii’g lé teḛ mba̰. Maji kari ra səa né to gə́ məəi ndigi. Dabid ḭ aw inja ta kubu lə Sawul gə́ boi yul jan-jan gaŋg.

1 Samel 26:23

Njesigənea̰ a ra gə nana kara gə goo nérea gə́ gə dɔ najee ləm, gə goo ŋgonkoji ləa ləm tɔ mbata Njesigənea̰ ilai jim’g ɓogənè nɛ ma ɓa m’ndigi kun jim kɔrɔ ne rɔ yeḛ gə́ Njesigənea̰ wa dəa gə ubu lé el.

1 Samel 26:7

Dabid gə Abisai d’aw loo-si njérɔje’g loondul’g. Nɛ aa oo, Sawul toɓi dan dee’g dana bab ndá yeḛ ɔs ko̰-niŋga ləa naŋg mbɔr négəd dəa’g. Abner gə kudu-njérɔje ɓa to gugu dəa sub.

1 Samel 26:9

Nɛ Dabid ula Abisai pana: Tɔlee el! Mbata see na̰ ɓa a kaskəm kun jia kɔrɔ ne rɔ yeḛ gə́ Njesigənea̰ wa dəa gə ubu lé lal kar bo̰ nérea ɔs təa’g wa.