1 Samel 26:6 - Maktub gə́ To gə Kəmee

⁶ Dabid un ta pa ar Ahimelek, dəw gə́ Het gə Abisai, ŋgolə Seruja gə́ to ŋgoko̰ Joab pana: See na̰ ɓa ndigi kaw səm rɔ Sawul’g loo-siée’g wa. Abisai ila keneŋ pana: Ma nja m’a kaw səi.

1 Samel 26:6 ပူးပေါင်းရင်းမြစ်များ

Gḭ-Néje 10:15

Kana̰ oji Sido̰ gə́ to ŋgondəree ləm, gə Het,

Gḭ-Néje 15:20

gə Hetje ləm, gə Peresje ləm, gə Repayimje ləm,

Gḭ-Néje 23:3

Abrakam uba naŋg ḭta dɔ yoo’g ləa ndá pata ar ŋgalə Het pana:

Gḭ-Néje 26:34

Esawu lé ləbee aḭ rɔ-sɔ ɓa yeḛ taa denéje ndá, yeḛ gə́ kára ria lə Judit, ŋgolə Beeri gə́ to ginkoji’g lə Het ləm, yeḛ gə́ raŋg ria lə Basmat, ŋgolə Helon gə́ to gə́ ginkoji’g lə Het ləm tɔ.

2 Samel 11:21

See na̰ ɓa tɔl Abimelek, ŋgolə Jerubeset lé wa. See to dené gə́ al dɔ ndògo-bɔrɔ ɓa ila kɔri mbal-kusu-né aree oso dəa’g aree wəi ne ɓee gə́ Tebes lé el wa. Ŋga see gelee ban ɓa seḭ awje pər gə́ mbɔr ndògo-bɔrɔ’g wa. Yen ŋga i a kulá pana: Kura ləi Uri, dəw gə́ Het lé kara wəi ya tɔ.

2 Samel 11:24

Njérɔ gə ɓandaŋgje lé d’aar dɔ ndògo-bɔrɔ’g ɓa t’ur kuraje ləi ar kuraje lə mbai d’wəi bula ləm, ar kura ləi Uri gə́ to dəw gə́ Het lé kara wəi ləm tɔ.

2 Samel 11:6

Yen ŋga Dabid ula kula rɔ Joab’g pana: Ar Uri gə́ to dəw gə́ Het lé ree iŋgam. Joab ula Uri lé aree aw iŋga Dabid.

2 Samel 12:9

See gelee ban ɓa i ə̰ji ta lə Njesigənea̰ bəḭ-bəḭ ra ne né gə́ majel kəmee’g togə́bè wa. I tɔl Uri, dəw gə́ Het gə kiambas ləm, i taa dené ləa aree tel to dené ləi ləm tɔ nɛ yeḛ lé i tɔlee gə kiambas lə Amo̰je ya.

2 Samel 18:5

Mbai un ndia ar Joab, gə Abisai, gə Itai pana: Gə goo ndigi gə́ seḭ ndigimje lé ndá raje gə goo rəbee mbata lə ŋgon gə́ basa gə́ Absalɔm lé. Ndá njérɔje lai d’oo ndukun lə mbai gə́ yeḛ un ar ŋgan-mbaije ləa lai gə́ wɔji dɔ Absalɔm lé tɔ.

2 Samel 2:13

Joab, ŋgolə Seruja gə njérɔje lə Dabid kara d’ɔr rɔ d’aw tɔ. Deḛ d’iŋga na̰ godə-ma̰ gə́ Gabao̰, deḛ gə́ kudu kára d’aar kel godə-ma̰ gə́ nee ləm, njé gə́ raŋg d’aar kelee gə́ nu ləm tɔ.

2 Samel 2:18

Lée neelé ŋgalə Seruja gə́ munda, Joab, gə Abisai, gə Ajael d’aar keneŋ. Ajael lé gɔlee wɔilɔ pélé-pélé to gə́ ndooi gə́ mee wala’g bèe.

2 Samel 23:18

Abisai, ŋgoko̰ Joab gə́ to ŋgolə Seruja lé yeḛ to mbai dɔ bao-rɔje gə́ munda neelé. Yeḛ wa niŋga-ndəi ləa tar tɔl ne dəwje rɔ-munda, yee ɓa ria ɓar ne mbuna deḛ gə́ munda’g lé.

2 Samel 23:34

gə Elipelet, ŋgolə Ahasbai, ŋgolə dəw kára gə́ to gə́ Maaka gə Eliam, ŋgolə Ahitopel, dəw gə́ Gilo,

2 Samel 23:39

gə Uri, dəw gə́ Het. Deḛ lai to rɔ-munda-gir-dee-siri.

1 Mbaije 10:29

gad pusu-rɔ kára gə́ d’ḭ ne Ejiptə’g ree ne lé ndá d’wɔji larnda tɔl-misa̰ (600) ləm, gad kunda kára ndá d’wɔji larnda as tɔl-dəa-rɔ-mi (150) ləm tɔ. Deḛ ree sə dee togə́bè mbata mbaije lə Hetje ləm, gə mbata lə mbaije gə́ Siri kara ləm tɔ.

2 Mbaije 7:6

Mbaidɔmbaije ar kaa pusu-rɔje gə kaa kundaje, gə ndu boo-njérɔje ɓar mee loo-si njérɔje gə́ Siri’g ndá deḛ d’ula na̰ ta yo gə́ nee pana: Aa ooje, mbai gə́ Israɛl uga mbaije gə́ Het, gə mbaije gə́ Ejiptə gə mba kar dee ree rɔ sə sí.

Jujé 3:10

Togə́bè ɓa Juje ula dee pana: Né neelé ɓa a kar sí gərje to gə́ Ala gə́ njesikəmba si mbuna sí’g ləm, yeḛ a gə tuba Kana̰je, gə Hetje, gə Hebje, gə Peresje, gə Girgasije, gə Amɔrje, gə Yebusje lé no̰ sí’g ləm tɔ.

1 Samel 26:7

Dabid gə Abisai d’aw loo-si njérɔje’g loondul’g. Nɛ aa oo, Sawul toɓi dan dee’g dana bab ndá yeḛ ɔs ko̰-niŋga ləa naŋg mbɔr négəd dəa’g. Abner gə kudu-njérɔje ɓa to gugu dəa sub.