1 Samel 26:25 - Maktub gə́ To gə Kəmee

²⁵ Yen ŋga Sawul ula Dabid pana: Maji kar dɔ ŋgonəm Dabid ai səgərə! I a teḛkɔr dɔ kula raije’g ya. Bèe ɓa Dabid un rəw ləa aw ləm, Sawul kara tel aw kəi ləa ləm tɔ.

1 Samel 26:25 ပူးပေါင်းရင်းမြစ်များ

Gḭ-Néje 32:28

Yeḛ dəjee pana: See rii lə nawa. Jakob ilá keneŋ pana: Rim lə Jakob.

Gosota-Kəmkàrje 26:25

Loo gə́ yeḛ pata gə ndia gə́ kul yururu lé Ɔm məəi dɔ’g el, Mbata néje gə́ mina̰ siri to mée’g.

Esai 54:17

Nérɔje lai gə́ dəwje ra mba rɔ ne səi lé D’a tel to né gə́ kari ba, Tapaje lai gə́ gaŋg ne rəwta dɔi’g lé I ɓa a kɔr ta kwa dee ne. Yee ɓa gə́ nédɔji lə kuraje lə Njesigənea̰, Yee ɓa gə́ kaji gə́ a kḭ rɔm’g teḛ rɔ dee’g, Njesigənea̰ ɓa pa bèe.

Ojee 12:4

Loo gə́ Jakob nai mee kea̰je’g ɓəi lé Yeḛ wa gel gɔl ŋgokea̰ ləm, Loo gə́ yeḛ tel to diŋgam ndá Yeḛ uba mula gə Ala ləm tɔ .

Njé gə́ Rɔmə 8:35

Meenoji lə Kristi gə́ kúla kum sí səa na̰’d lé see na̰ ɓa gə́ njega̰gee wa. See némeeko̰, əsé néurti, əsé nékəmndoo, əsé ɓoo, əsé kaw kudu dum, əsé néyooje gə́ d’aḭ dɔ sí sub, əsé kiambas, see néje gə́ togə́bè ɓa d’askəm gaŋg kúla meenoji lé wa.

Njé gə́ Rɔmə 8:37

Nɛ mbɔl dɔ yeḛ gə́ njekunda sí dan kəmee’g lé néje neelé lai gə́ ra sí lé gə ges néje gə́ raŋg ɓəi kara jeḛ dum dee ne gə lèlé ba.

1 Samel 24:19

Ɓogənè i riba dɔ meemaji ləi gə né gə́ i ra səm lé mbata Njesigənea̰ ilam jii’g ya nɛ i tɔlm el.

1 Samel 24:20

Ɓó lé dəw iŋga njeba̰ ləa rəw’g ndá see a kyá̰ karee aw loo ləa gə meekulɔm wa. Maji kar Njesigənea̰ daai gə né mbata maji gə́ i ra səm ɓogənè lé.

1 Samel 24:22

Ɓasinè, maji kari man rɔi gə ri Njesigənea̰ am to gə́ i a tuji ŋgakamje gə́ goom’g el ləm, gə i a kar rim udu mbuna njémeekəije’g lə bɔmje el ləm tɔ ɓa.