1 Samel 26:24 - Maktub gə́ To gə Kəmee

²⁴ To gə́ ɓogənè si kəmba ləi to né gə́ gadee to yaa̰ kəm’g lé si kəmba ləm-ma kara gadee a to yaa̰ kəm Njesigənea̰’g tɔ, tɔɓəi yeḛ a kɔrm dan néurtije’g lai tɔ.

1 Samel 26:24 ပူးပေါင်းရင်းမြစ်များ

Gḭ-Néje 48:16

Maji kar kura lə Ala gə́ dara gə́ njekɔrm dan némajelje’g lai lé Tɔr ndia dɔ basaje’g neelé! Maji kar rim to dɔ dee’g, Gə ri bɔmje-je gə́ Abrakam gə Isaak ləm, Maji kar dee tel bula d’ḭ ne dɔ maree’d gə́ kédé-kédé Mbuna njé gə́ naŋg neelé ləm tɔ!

2 Samel 4:9

Dabid tel ila Rekab gə ŋgokea̰ Baana, deḛ gə́ to ŋgalə Rimo̰ gə́ Beerot lé keneŋ pana: Njesigənea̰ gə́ to njekɔrm dan néyooje’g lai lé to Njesikəmba ya!

Pakɔsje 144:2

Yeḛ to njera səm maji gə kəi-kaar-kɔgərɔ ləm ləm, Yeḛ to loo ləm gə́ to tar sab gə njetaa dɔm ləm, Yeḛ to gə́ dər-rɔ ləm gə njo̰loo-kula-dɔ ləm lé ləma, Yeḛ nja ar koso-dəwje ləm d’oso gelm’g ləm tɔ.

Pakɔsje 18:1

Pa lə Dabid gə́ ar bao-pa mba karee ɔs sə dee lé. Dabid, ŋgonjelookisi lə Njesigənea̰ ɔs pa neelé pidee ne loo gə́ yeḛ ɔree ji njéba̰je’g ləa lai ləm, gə ji Sawul’g ləm tɔ.

Pakɔsje 18:25

Njesigənea̰ am né wɔji ne goo meekarabasur ləm ya, Yeḛ ra səm gə goo kàr lə jim gə́ àr ŋgad-ŋgad lé tɔ.

Pakɔsje 18:48

Ala gə́ njedalba̰ ləm ləm, Gə njekar koso-dəwje d’oso kul nɔm’g ləma,

Pakɔsje 34:20

Némeeko̰je bula teḛ dɔ njemeekarabasur’g ya, Nɛ Njesigənea̰ ɔree keneŋ ta-ta tɔ.

Pakɔsje 54:7

Némajel lé a tel koso dɔ njékoma̰ səmje’g, Maji kari tuji dee pugudu gə goo kankəmta ləi.

Matiyo 5:7

Deḛ gə́ d’oo kəmtondoo lə mar deeje lé rɔ dee lel dee, Mbata d’a koo kəmtondoo lə dee-deḛ tɔ.

Matiyo 7:2

Mbata ta gə́ seḭ gaŋgje lé nja tɔ d’a gaŋg ne ta dɔ sí’g ləm, nékwɔji né gə́ seḭ wɔjije ne né lé nja tɔ d’a kwɔji ne né kar sí tɔ.

Néra Njékaḭkulaje 14:22

Deḛ d’ula diŋgam meḛ njékwakiláje’g ndəji dee gə mba kar dee d’ai meḛ dee sam-sam dɔ meekun’g lə dee pana: Némeeko̰je gə́ gə ria-ria ɓa gə́ kuma̰ kar sí j’andə ne mee ɓeeko̰’g lə Ala lé.

2 Njé gə́ Tesalonikə 3:2

gə mba kar sí n’kida rɔ sí n’sa ne rɔ sí ji njémeeyèrje’g gə njḛ́juma̰je’g, mbata deḛ lai to njémeekunje el.

Loo gə́ killa rea kəm Ja̰’g 7:14

Ma m’ula m’pana: Mbai ləm, i gər gao ya. Yeḛ ilam keneŋ pana: Deḛ lé d’ḭ dan némeeko̰ gə́ boo ya, deḛ togo kubuje lə dee ndá məs Ŋgonbad ɓa d’ar kubuje lə dee àr ne raŋg-raŋg.

1 Samel 18:30

Mbaije gə́ Pilisti teḛ d’aw loo-rɔ’g mba rɔ gə Israɛlje. Nɛ gə ndɔje kára-kára lai gə́ d’aw loo-rɔ’g lé Dabid dum dɔ dee ur dɔ kuraje’g lə Sawul lai ndá ria ɓar ne yaa̰ tɔ.

1 Samel 24:16

Njesigənea̰ a gaŋg rəwta kɔr ne kəm ta mbuna síjeḛ səi’g. Yeḛ a koo ləm, a kɔr ta ləm ləma, a gaŋg rəwta ləm gə dɔ najee taam ne jii’g kilam tar ləm tɔ.