1 Samel 26:10 - Maktub gə́ To gə Kəmee

¹⁰ Dabid pana: Njesigənea̰ si kəmba ya! Ndá to ta lə Njesigənea̰ ya kára ba gə mba ra səa né ya, banelə ndɔ ləa a kas ndá a kwəi əsé a kaw loo-rɔ’g ɓa a kwəi keneŋ ɓəi.

1 Samel 26:10 ပူးပေါင်းရင်းမြစ်များ

Gḭ-Néje 47:29

Loo gə́ ndɔ kwəi lə Israɛl nai dəb ndá yeḛ ɓar ŋgonee gə́ Jisəb ulá pana: Ɓó lé ma m’taa kəmi rəgm ndá ma m’ra ndòo rɔi’g mba kari ula jii gel biŋgim’g un ne ndui mba ra səm némeemaji ləm, gə ŋgonkoji ləm tɔ. Ma m’ra ndòo rɔi’g mba kari dubum mee ɓee gə́ Ejiptə neelé el!

Maktub gə́ wɔji dɔ Jɔb 14:14

Dəw gə́ wəi lé see a tel si kəmba wa. M’a kunda məəm yel m’ŋgina ne mee ndɔje lai gə́ m’oo ko̰-né keneŋ Saar kar né gə́ wɔji dɔm lé teḛ.

Maktub gə́ wɔji dɔ Jɔb 14:5

Ɓó lé i wɔji ndɔje ləa njaŋg ləm, ɓó lé i tura bula lə naḭje ləa ləma, Ɓó lé i wɔji ŋgaŋ loo ləa gə́ yeḛ askəm dəs el ləm tɔ ndá

Maktub gə́ wɔji dɔ Jɔb 7:1

See dəw gə́ dɔ naŋg nee lé kəmə ləa asəna gə ka̰ njerɔ bèe el wa. See ndɔje ləa to d’asəna gə ka̰ njera kula lar bèe el wa.

Pakɔsje 37:10

Waga ndá njemeeyèr lé a godo, I a kaa loo gə mba kée loo-siée’g Nɛ yeḛ sané pá mba̰.

Pakɔsje 37:13

Mbaidɔmbaije kogo njemeeyèr lé Mbata yeḛ oo to gə́ ndɔ ləa si ree dəb ŋga.

Pakɔsje 94:23

Yeḛ a kar néra dee gə́ yèr lé tel oso dɔ dee’g gogo ya ləm, Yeḛ a kar dee d’udu bo̰ gə goo meeyèr lə dee lé ya ləm tɔ, Ala lə sí gə́ Njesigənea̰ lé a kar dee d’udu bo̰ gə no̰ ya.

Njekillamber 3:2

Ndɔ koji dəw to keneŋ ləm, ndɔ kwəi lə dəw to keneŋ ləm tɔ, ndɔ dubu né to keneŋ ləm, ndɔ tɔr né gə́ dubu lé to keneŋ ləm tɔ,

Lugu 18:7

See Ala lé a ra rəwta lə dəwje ləa gə́ yeḛ ɔr dee unda dee gə kəmee gə́ to təa’g pəgə-pəgə dan kàrá gə loondul’g lé bel wa. See yeḛ a tila gə́ tila dɔ dee’g wa.

Njé gə́ Rɔmə 12:19

Seḭ gə́ ma m’unda sí dan kəm’g lé maji kar sí tel dalje ba̰ né gə́ ra sí el nɛ ya̰je rəw arje oŋg lə Ala ya doŋgɔ doi. Mbata deḛ ndaŋg mee maktub’g pana: Dalba̰ néra lé wɔji dɔ neḛ nja, Neḛ nja ɓa n’a kar bea̰ ɔs ta loo’g. Mbaidɔmbaije lé pa bèe.

Tel tura Godndu 31:14

Njesigənea̰ ula Moyis pana: Aa oo, ndɔje nai dəb ba kari a gə kwəi. Maji kari ɓar Juje ndá aw aarje mee kəi-kubu-kiŋga-na̰’g. M’a gə kun ndum karee. Moyis gə Juje d’aw d’aar mee kəi-kubu-kiŋga-na̰’g lé ya tɔ.

Tel tura Godndu 32:35

Dalba̰ gə bo̰ néra lé wɔji dɔm ma nja, Loo gə́ gɔl dee a gə kunda ndolé, Mbata ndɔ nékəmndooje lə dee nai dəb ləm, Né gə́ to ŋgina dee lé kara A tila gə́ tila el ləm tɔ.

Ǝbrəje 10:30

Mbata yeḛ gə́ pana: Dal ba̰ to kama, ma ɓa m’a dal bea̰ lé jeḛ n’gəree gao ya. Tɔɓəi yeḛ pana: Mbaidɔmbaije a gaŋg-rəwta dɔ koso-dəwje’g ləa.

Ǝbrəje 9:27

Tɔɓəi to gə́ dəwje d’wəi gɔl kára ba ɓa ndɔ gaŋg-rəwta teḛ dɔ dee’g ɓəi gə goo rəw gə́ Ala ɓa wɔji,

Loo gə́ killa rea kəm Ja̰’g 18:8

Gelee gə́ nee ɓa tuji-booje d’a koso ne dəa’g mee ndɔ gə́ kára ba’g ya as bèe: yoo ləm, gə kəmndooyoo ləma, gə yoo-ɓoo ləm tɔ ndá pər ɓa d’a rée ne. Mbata Mbaidɔmbaije Ala gə́ njesiŋgamoŋ lé gaŋg rəwta dəa’g ya.

1 Samel 24:12

Bɔm, maji kari oo ta kubu ləi gə́ boi yul gə́ to jim’g nee. To gə́ ma m’inja ta kubu ləi gə́ boi yul nɛ m’tɔli el ndá maji kari ə̰ji gər ləm, ar kəmi inja dɔ’g ləm tɔ, to gə́ né gə́ majel əsé kɔs ta rəw godo rɔm’g ləm, m’ra kaiya m’ɔsi ne rəw el ləm tɔ. Nɛ i nja ɓa i umum rəw’g gə mba tɔlm ya.

1 Samel 24:15

See na̰ ɓa mbai lə Israɛlje aw mba rɔ səa wa.

1 Samel 25:26

Ɓasinè mbai ləm, tɔgərɔ ya, Njesigənea̰ si kəmba ləm, i kara si kəmba ya ləm tɔ ndá to Njesigənea̰ ɓa wa jii ɔgi ne dɔ kila məs’g ya. Bèe ndá maji kar njéba̰je ləi gə deḛ gə́ saŋg loo ra majel gə mbai ləm lé tel to to gə́ Nabal bèe ya tɔ.

1 Samel 25:38

As ndɔ dɔg gogo ndá Njesigənea̰ unda Nabal aree wəi.

1 Samel 25:39

Dabid oo to gə́ Nabal wəi ndá yeḛ pana: Maji kar dɔ ri Njesigənea̰ ai səgərə mbata yeḛ ɔr kəm ta ləm dan boo-rɔkul gə́ Nabal ila dɔm’g, ɔgm ne ma kura ləa dɔ ra majel’g lé! Njesigənea̰ ar némajel lə Nabal tel oso dəa-yeḛ’g ya. Yen ŋga Dabid ula njékulaje rɔ Abigayil’g dəjee mba karee tel to dené ləa.

1 Samel 31:4

Yen ŋga Sawul ula njekodo nérɔje ləa pana: Ɔr kiambas ləi ɔsm ne tɔlm nà njépole-magəje d’a ree kula sul dɔm’g. Nɛ njekodo nérɔje ləa lé mbad kɔḭ mbata ɓəl undá badə gaŋgee. Ndá Sawul ya ɔr kiambas ləa mbad rəa piriŋ oso dɔ’g.

1 Samel 31:6

Togə́bè ɓa Sawul gə ŋganeeje gə́ munda ləm, gə njekodo nérɔje ləa ləma, gə njérɔje ləa lai ləm tɔ lé d’wəi na̰’d mee ndəa’g neelé.