1 Samel 25:8 - Maktub gə́ To gə Kəmee

⁸ Dəji kuraje ləi ndá d’a kulai ya. Maji kar basaje neelé taa kəmi rəgm ya, mbata jeḛ n’reeje mee ndɔ rɔlel’g ya. M’ra ndòo rɔi’g gə mba kar lé né gə́ ban-ban ya gə́ to meḛ jii’g ndá kara ar kuraje ləi gə ŋgoni Dabid ya.

1 Samel 25:8 ပူးပေါင်းရင်းမြစ်များ

Este 9:19

Gelee gə́ nee ɓa Jibje gə́ mee ɓee-kogoje’d gə́ wala gə́ lal ndògo-bɔrɔ lé ndɔ gə́ njekɔm’g dɔg-giree-sɔ mee naḭ Adar’g lé deḛ d’aree to ndɔ rɔlel ləm, gə ndɔ muru-gad ləma, gə ndɔ ra naḭje ləm tɔ, tɔɓəi deḛ d’ula gə nénojije d’ar na̰ yo gə́ nee tɔ.

Este 9:22

To mee ndɔje neelé ɓa deḛ d’iŋga loo-kwa-rɔ dee loo gə́ deḛ taa ne rɔ dee ji njéba̰je’g lə dee ndá d’a ra naḭ gə́ wɔji dɔ kəmndoo gə́ d’isi keneŋ gə́ tel to rɔlel ləm, gə ndɔ némeeko̰ lə dee gə́ tel to ndɔ ra naḭ ləm tɔ. Bèe ɓa ndɔje neelé a to ndɔ muru-gad ləm, gə ndɔ rɔlel ləm, d’a kar na̰ nénojije yo gə́ nee ləma, d’a kai njéndooje né keneŋ ləm tɔ.

Njekillamber 11:2

Kai nébaoje ləi ar dəwje loo sirije əsé loo jinaijooje’n bèe mbata i gər némeeko̰ gə́ a ree dɔ naŋg neelé el.

Lugu 11:41

Néje gə́ to ŋgaw meḛ sí’g ɓa waje arje njénékəmtondooje ɓa néje lai a to néje gə́ àr mbata lə sí ɓəi tɔ.

1 Samel 24:11

I nja oo gə kəmi ɓasinè to gə́ Njesigənea̰ ilai jim’g ɓogənè mee bolè mbal’g ya. D’ɔsm ɓɔḭ-ɓɔḭ gə mba kam m’tɔli nɛ ma m’ya̰’i m’pana: M’a kun jim kɔrɔ ne rɔ mbai ləm el, mbata yeḛ to dəw gə́ Njesigənea̰ wa dəa gə ubu lé ya.

1 Samel 25:9

Loo gə́ basaje lə Dabid lé ree ndá deḛ ndaji taje nee lai d’ar Nabal gə ri Dabid. Tɔɓəi deḛ tel d’isi ɗəŋ.

1 Samel 3:6

Njesigənea̰ tel ɓar Samel gogo ya ɓəi. Ndá Samel ḭ aw rɔ Eli’g pana: Yḛ̀ m’aar nee, mbata i ɓarm. Eli ilá keneŋ pana: Ŋgonəm, ma m’ɓari el. Tel aw to naŋg.