1 Samel 25:7 - Maktub gə́ To gə Kəmee

⁷ Ɓasinè ma m’oo to gə́ njékḭja bḭ badje ləi d’isi rɔi’gən ya. Nɛ njékulbadje ləi d’isi sə síjeḛ nee ndá jeḛ n’ra sə dee némajel kára kara el ləm, né lə dee kára kara tuji looje lai gə́ d’isi ne Karmel lé el ləm tɔ.

1 Samel 25:7 ပူးပေါင်းရင်းမြစ်များ

2 Samel 13:23

Ləb joo goo’g ndá loo gə́ njékḭja bḭ badje d’aw ra kula lə Absalɔm mee ɓee gə́ Baal-Hasor mbɔr Eprayim’g dəb ndá Absalɔm ɓar ŋgalə mbaije lai loo-nésɔ’g.

2 Samel 13:24

Absalɔm aw rɔ mbai’g ulá pana: Aa oo, njékḭja bḭ badje d’isi ra kula lə kura ləi, maji kar mbai gə kuraje ləa ree kəi lə kura ləi.

Lugu 3:14

Deḛ gə́ njérɔje tɔ ŋga dəjee pana: Ŋga jeḛ lé see j’a ra ba̰ to wa. Yeḛ ila dee keneŋ pana: Maji kar sí taaje lar lə dəw kára kara dɔ buguru el ləm, seḭ a kilaje taŋgɔm dɔ dəw’g el ləm tɔ. Nékoga-dɔ-ji sí lé ɓa seḭ a kundaje meḛ sí dɔ’g ya.

Njé gə́ Pilibə 2:15

Togə́bè ɓa seḭ a sije gə ta kára kara dɔ sí’g el ləm, meḛ sí a kila ɓal el ləm tɔ. Yee ɓa seḭ a toje ŋgan-Alaje gə́ njémeekarabasurje mbuna ginkoji dəwje gə́ to njékaw kori-korije gə njéndɔji pɔdɔdɔje ləm, seḭ a ndoḭje dan dee’g asəna gə pərŋgel gə́ ndogó loondul’g ləma,

Njé gə́ Pilibə 4:8

Ŋgakɔmje, ges ta gə́ nai lé ɓa nee: Ta gə́ rara gə́ to gə́ kankəmta ləm, əsé riɓar gə́ maji gə́ rara ləm, əsé né gə́ rara gə́ to gə dɔ najee ləm, əsé né gə́ rara gə́ àr ŋgad-ŋgad ləm, əsé né gə́ rara gə́ taa kəm dəwje ləm, əsé né gə́ rara gə́ kəm ndigi sə dee dɔ’g ləma, əsé néje lai gə́ maji dum gə́ kəm kiŋga pidi ləm tɔ lé maji kar sí waje meḛ sí dɔ’g bururu ya.

1 Samel 22:2

Deḛ lai gə́ to njénékəmndooje ləm, gə deḛ lai gə́ ɓaŋg to dɔ dee’g ləma, gə deḛ lai gə́ meḛ dee lel dee el ləm tɔ lé mbo̰ dɔ na̰ rəa’g ndá yeḛ tel to mbai dɔ dee. Togə́bè deḛ lai gə́ d’ɔm gelee’g lé d’as dəwje tɔl-sɔ (400).

1 Samel 25:21

Dabid lé pa kédé pana: Tɔgərɔ néje lə dəw nee gə́ ma m’ŋgəm dee dɔdilaloo’g m’ar né kára kara tuji el lé tel to né gə́ kari ba. Nɛ yeḛ ra səm majel tor maji gə́ ma m’ra səa’g.