1 Samel 25:42 - Maktub gə́ To gə Kəmee

⁴² Léegəneeya Abigayil ḭ uba mulayḛ̀je aw ar ŋgama̰dje mi danee. Yeḛ orè goo njékulaje lə Dabid, aw tel to dené ləa tɔ.

1 Samel 25:42 ပူးပေါင်းရင်းမြစ်များ

2 Samel 2:2

Dabid ḭ aw keneŋ gə denéje ləa gə́ joo gə́ ri dee lə Ahinoam, dəw gə́ Jisreel ləm, gə Abigayil, dəw gə́ Karmel gə́ kédé to dené lə Nabal lé ləm tɔ.

2 Samel 3:2

Ŋganje gə́ diŋgam gə́ Dabid oji dee Ebro̰ lé ɓa nee: Amno̰ to ŋgondəree gə́ yeḛ ojee gə Ahinoam, dəw gə́ Jisreel,

2 Samel 3:3

njekɔm’g joo to Kiləab gə́ yeḛ ojee gə Abigayil, dəw gə́ Karmel gə́ kédé to dené lə Nabal lé, njekɔm’g munda lə dee to Absalɔm gə́ yeḛ ojee gə́ Maaka gə́ to ŋgolə Talmai, mbai gə́ Gesur,

1 Samel 27:3

Dabid gə dəwje ləa d’isi Gat mbɔr Akis’g. Deḛ lé nana kara si gə njémeekəije ləa-ləa, tɔɓəi Dabid si gə denéje ləa gə́ joo gə́ ri dee lə Ahinoam, dəw gə́ Jisreel ləm, gə Abigayil gə́ Karmel gə́ to dené lə Nabal kédé lé ləm tɔ.

1 Samel 30:5

Deḛ t’wa denéje lə Dabid gə́ ri dee lə Ahinoam dəw gə́ Jisreel ləm, gə Abigayil dəw gə́ Karmel gə́ kédé to dené lə Nabal lé ləm tɔ joo bɔr d’aw sə dee tɔ.