1 Samel 25:36 - Maktub gə́ To gə Kəmee

³⁶ Abigayil tel ree rɔ Nabal’g. Nɛ aa oo, yeḛ ra naḭ gə́ boo mee kəi’g ləa asəna gə naḭ gə́ ka̰ mbai bèe. Mee Nabal lelee ləm, kido rəa yaa̰ ləm tɔ. Abigayil ulá ta né gə́ lam əsé gə́ boi kára kara el saar ar loo àr.

1 Samel 25:36 ပူးပေါင်းရင်းမြစ်များ

2 Samel 13:23

Ləb joo goo’g ndá loo gə́ njékḭja bḭ badje d’aw ra kula lə Absalɔm mee ɓee gə́ Baal-Hasor mbɔr Eprayim’g dəb ndá Absalɔm ɓar ŋgalə mbaije lai loo-nésɔ’g.

2 Samel 13:28

Absalɔm un ndia ar kuraje ləa pana: Ooje maji, loo gə́ kido tɔl Amno̰ ar rəa lelee aree aw al rəa mbata kido ɓa m’a kula si pana: Tɔlje Amno̰! Ndá tɔleeje ya ɓó ɓəlje el, see to ma ɓa gə́ njekun ndum kar sí el wa. Aarje njaŋg ɓó gə waje diŋgam meḛ sí’g to!

2 Samel 3:20

Yeḛ aw gə dəwje rɔ-joo rɔ Dabid’g mee ɓee’d gə́ Ebro̰ ndá Dabid ar dee koro muru-gad mbata Abner gə dəwje gə́ d’aw səa lé.

1 Mbaije 20:16

Kàr aar daŋdɔ ɓa deḛ teḛ raga ɓəi. Ben-Adad ai kido aree rəa mee kəi-kubuje’g gə mbaije gə́ rɔ-munda-gir-dee-joo gə́ to njéla səaje lé.

Pakɔsje 112:5

Rɔlel nai gə dəw gə́ oo kəmtondoo lə maree Ya̰ goo né ləa aree ndimá ləm, Yeḛ gə́ gɔl nérea wɔji ne dɔ néra gə́ gə dɔ najee lé ləm tɔ.

Gosota-Kəmkàrje 20:1

Man-nduú gə́ mḭ to njekula sul dɔ loo’g ləm, Nékaije gə́ mḭ ar njekaiee ra ne né tar ɓəgəgə-ɓəgəgə ləm tɔ, Nana ɓa gə́ ra ɓəree ndá kəmkàr lalee.

Njekillamber 10:19

Dəw lé ra muru-gad gə mba ndam ne ləm, mán-nduú aree al rəa ləma, lar ɓa to nékwa dɔ gɔl néje lai ləm tɔ.

Esai 28:3

Ɓee-boo gə́ Samari Gə́ to dɔgugu-beelé lə Eprayimje Gə́ to njéra ɓər lə kidoje lé D’a tubá naŋg gə gɔl dee,

Esai 5:11

Meeko̰ a koso dɔ deḛ gə́ teḛ gə ndɔ rad ya Ndoné goo nékai gə́ mḭ’g ləm, Gə deḛ gə́ ɓad ɓa kar loondul ɓəi ndá Man-nduú gə́ mḭ ɓa ula pər meḛ dee’g ləm tɔ.

Jeremi 51:57

M’a kar nékai ra njékaa dɔ ɓeeko̰je ləa ləm, gə njékəmkàrje ləa ləm, gə njéguburuɓeeje ləa ləm, gə mbaije ləa ləma, gə bao-rɔje ləa ləm tɔ. D’a koso gə ɓi gə́ to gə no̰ pərəg ɓó d’a ndel dɔ ɓi’g neelé el ŋga. Mbai gə́ ria lə Njesigənea̰ gə́ njeboo-néje lé ɓa pa bèe.

Ojee 4:11

Mɔdkaiya, gə mán-nduú gə́ mḭ gə mán-nduú gə́ sigi lé Ar dɔ dəw tel wagəsa.

Nahum 1:10

Mbata deḛ to d’asəna gə kunje gə́ d’ula na̰’d siŋ-siŋ ləm, To d’asəna gə dəwje gə́ kido tɔl dee ləm tɔ Ndá pər a roo dee dula-dula To gə́ mu gə́ tudu kurum-kurum bèe.

Matiyo 10:16

Aa ooje, m’ula sí asəna gə badje bèe mbuna jagmjərje’g. Bèe ndá awje yururu asəna gə lije bèe ləm, awje lɔm to gə́ dərndaje bèe ləm tɔ.

Lugu 14:12

Tɔɓəi Jeju ula yeḛ gə́ njeɓaree ɓar nésɔ lé pana: Loo gə́ i ɓar-ɓar nésɔ dan kàrá əsé gə loondul’g lé ndá maji kari ɓar baokuraje ləi el ləm, əsé ŋgakɔḭje el ləm, əsé njénojije ləi el ləma, əsé njé gə́ to bao marije el ləm tɔ, nà banelə d’a tel ɓari ɓar nésɔ godə maree’g ləi ya ɓəi tɔ.

Lugu 21:34

Meḛ sí dɔ rɔ sí’g nà banelə meḛ sí a to dɔ nésɔ’g gə dɔ nékai’g ya ɓa bururu ləm, gə dɔ néje lai gə́ dɔ naŋg nee gə́ njékar meḛ sí pélé wəs-wəsje ləm tɔ ɓa ndəa neelé a kuba sí naŋg bus.

Njé gə́ Rɔmə 13:13

Ar sí njaaje danasur asəna gə dəw gə́ njaa dan kàrá. Ɓər lə kido ləm, gə néraje gə́ ndəl-ndəl ləm, gə kəmnda ləm, gə mɔdkaiya ləm, gə kɔl na̰ ləma, gə kəmkəḭ ləm tɔ, néje neelé saaje rɔ sí keneŋ rəw.

Njé gə́ Epesə 5:14

Gelee gə́ nee ɓa, yeḛ pa ne pana: I gə́ toɓi lé teḛ kəmi, Unda loo teḛ dan njé gə́ d’wəi’g Ndá Kristi a ndogó nɔḭ’g.

Njé gə́ Epesə 5:18

Arje mán-nduú tɔs sí naŋg el mbata yee ɓa siŋga sí a yɔ ne. Nɛ maji kar Ndil ɓa taa meḛ sí yal-yal.

1 Samel 25:19

ndá yeḛ ula kuraje ləa pana: Ɔdje nɔm’g kédé ndá m’a korè goo sí. Nɛ yeḛ ula ŋgabeeje Nabal taree el.

1 Samel 25:37

Nɛ loo gə́ loo àr gə ndɔ ndá kido lé ḛ kəm Nabal’g ɓa dené ləa ɔr sor néje gə́ dəs lé aree ɓəi. Né ra ɓəŋgərə Nabal as yoo aree si dḭdiri tel to asəna gə kɔr mbal bèe.