29 Ɓó lé dəw kára ḭ tuba gooi gə mba tɔli ndá Ala ləi gə́ Njesigənea̰ a kulai pḛ́ rəa’g mbuna njésikəmbaje’g nɛ njéba̰je ləi ɓa yeḛ a kila dee əw to gə́ dəw ila ne né gə yɔroŋ-dooje bèe.
Loo gə́ ta néje neelé dəs mba̰ ndá né gə́ mḭdi ɓa Njesigənea̰ teḛ ne dɔ Abram’g un ta ulá ne pana: Abram, ɓəl el. Ma m’to dər-rɔ ləi ndá nédɔji ləi a kal dɔ loo.
Njesigənea̰ gə́ njeboo-néje lé pana: D’a to koso-dəwje gə́ to ka̰ ma ya mee ndəa gə́ m’wa dɔ gɔlee’g lé. M’a koo kəmtondoo lə dee to gə́ dəw oo ne kəmtondoo lə ŋgonee gə́ ra né aree bèe.
mba kar dee d’ɔm ne meḛ dee na̰’d sad to gə́ jeḛ səi-i Bɔm j’ɔm ne meḛ sí na̰’d sad bèe tɔ, togə́bè ɓa deḛ kara d’a kɔm ne meḛ dee na̰’d sad sə sí mba kar dəwje gə́ dɔ naŋg nee d’ɔm meḛ dee dɔm’g to gə́ i nja gə́ njekulam lé ya.
Ma lé m’isi meḛ dee’g ləm, i kara si məəm’g ləm tɔ, yee ɓa d’a kɔm na̰’d kára ba téréré ya ndá njé gə́ naŋg nee lé d’a gər gao to gə́ i ɓa gə́ njekulam ləm, i unda dee dan kəmi’g to gə́ i undam-ma dan kəmi’g bèe ya ləm tɔ.
Israɛlje d’isi dan rɔlel’g! See na̰ ɓa to tana sə sí wa. Seḭ toje koso-dəwje gə́ Njesigənea̰ aji dee ləm, Yeḛ to dər gə́ la sə sí ləm, Gə kiambas gə́ to baŋga lə sí ləm tɔ. Njéba̰je lə sí d’a kunda barmba no̰ sí’g Ndá seḭ a tubaje dɔ looje lə dee gə́ d’ḭta lé gə gɔl sí tɔ.
Yeḛ a tɔs kəmee dɔ panjaa njé’g ləa’g Gə́ yeḛ unda dee dan kəmee’g, Nɛ njémeeyèrje d’a tuji pugudu-pugudu Dan loo gə́ ndul njudu-njudu’g. Mbata dəw lé askəm kun baŋga Gə goo siŋgamoŋ ləa-yeḛ el.