1 Samel 25:28 - Maktub gə́ To gə Kəmee

²⁸ M’ra ndòo rɔi’g, ar məəi oso lemsé dɔ néra gə́ majel’g lə kura ləi gə́ dené mbata Njesigənea̰ a kar kəi lə mbai ləm kiriŋ naŋg kiriŋ-kiriŋ ya. Ar məəi oso lemsé ya mbata i mbai ləm tɔ njekɔs gel rɔje lə Njesigənea̰ ndá dəw a kiŋga néra gə́ majel məəi’g nda̰ el.

1 Samel 25:28 ပူးပေါင်းရင်းမြစ်များ

2 Samel 5:2

Kédé gə́ ləw lé loo gə́ Sawul to ne mbai lə sí lé ya kara to i ɓa ɔr no̰ Israɛlje aw sə dee raga ləm, gə tel sə dee ɓée ləm tɔ. Tɔɓəi Njesigənea̰ ulai pana: I a kul koso-dəwje lə neḛ gə́ Israɛl ləm, i a to mbai dɔ Israɛlje’g ləm tɔ.

2 Samel 7:11

mee ndəa gə́ m’unda ne njégaŋ-rəwtaje dɔ koso-dəwje ləm gə́ Israɛl lé el ŋga ləm tɔ. Ma m’ari loo-kwa-rɔi loo gə́ m’ɔri ji njéba̰je’g ləi lai ləm tɔ. Tɔɓəi Njesigənea̰ ulá pana: Ma Njesigənea̰ ya m’a ra kəi kari tɔ.

2 Samel 7:16

Kəi ləa gə ɓeeko̰ ləa d’a to njaŋg gə no̰ ləm, kalimbai ləa kara a to njaŋg gə no̰ ləm tɔ.

2 Samel 7:27

Mbata i Njesigənea̰ gə́ njeboo-néje lé ya, Ala lə Israɛlje lé ɓa riba dɔ rɔi ar kura ləi pana: I a ra kəi kam! Gelee gə́ nee ɓa ma kura ləi m’wa ne rɔm kɔgərɔ m’ra ne tamaji nee tai’d gə mbəa.

1 Mbaije 15:3

Yeḛ ya̰ rəa yag dan kaiyaje lai gə́ bɔbeeje ra kédé nea̰’g lé ndá yeḛ ar mée gə́ tḛ́ bèe ya kara to dɔ Njesigənea̰, Ala’g lé ləa to gə́ keaje Dabid bèe el.

1 Mbaije 15:5

Mbata Dabid ra né gə́ danasur kəm Njesigənea̰’g loo gə́ yeḛ si ne gə kəmə ɓəi lé, godnduje lai lé yeḛ un kára kara telee raŋg el nɛ ta gə́ wɔji dɔ Uri, dəw gə́ Het lé ɓa.

1 Mbaije 9:5

m’a kar kalimbai gə́ ka̰ ɓeeko̰ lə Israɛlje a to saar-saar gə no̰, to gə́ m’pa ne njaŋg m’ar bɔbije Dabid m’pana: I a lal njetaa tori dɔ kalimbai’g lə Israɛlje lé nda̰ el lé.

1 Sôrta Gḭka-Israɛlje 17:10

to gə́ mee ndəa gə́ m’unda ne njégaŋ-rəwtaje dɔ koso-dəwje’g ləm gə́ Israɛl lé el ŋga ləm tɔ. Ma m’ar njéba̰je ləi lai d’oso kul d’aw ŋguna-ŋguna nɔḭ’g. Tɔɓəi ma m’ulá pana: Ma Njesigənea̰ m’a kar ŋgakaije d’ɔs goo na̰ gə́ kédé-kédé.

1 Sôrta Gḭka-Israɛlje 17:25

Mbata əi Ala ləm, i nja riba dɔ rɔi ar kura ləi pana: I a kar ŋgakamje d’ḭ dɔ maree’d gə́ kédé-kédé. Gelee gə́ nee ɓa ma kura ləi m’ra ne tamaji neelé nɔḭ’d gə mbəa ya.

2 Sôrta Gḭka Israɛlje 20:15

Ndá Jahajiel lé pana: Maji kar sí tugaje mbi sí, seḭ lai gə́ Juda gə njé gə́ Jerusalem, gə i mbai Josapat tɔ. Njesigənea̰ pata togə́bè ar sí pana: Ɓəlje el ləm, ndəbje no̰ njérɔje gə́ bula digi-digi’g lé el ləm tɔ mbata to seḭ ɓa a rɔje el nɛ Ala ɓa a rɔ sə dee ya.

Pakɔsje 7:3

Nà banelə d’a tim mbidi-mbidi To gə́ toboḭ gə́ si gaŋg da sɔ Ar dəw kára kara taa təa’g el bèe.

Pakɔsje 89:29

N’a ra səa meemaji gə́ kédé-kédé Ɓó n’a kya̰ gée el ləm, Manrɔ gə́ neḛ man ne rɔ neḛ n’aree lé N’a karee to njaŋg gə no̰ ləm tɔ.

Bula lə Israɛlje 23:21

Yeḛ oo néra kori-kori rɔ Jakob’g el ləm, Yeḛ oo néra gə́ lal najee rɔ Israɛlje’g el ləm tɔ. Njesigənea̰, Ala ləa nai səa ləm, Yeḛ to mbai ləa ləma, gə gin rɔkal ləa ləm tɔ.

Matiyo 5:16

Maji kar néndogó lə sí kara ndogó kəm dəwje’g jol-jol. Bèe ɓa d’a koo néra maji lə sí ndá d’a kula ne rɔnduba dɔ Bɔ síje gə́ si dara lé ya.

Lugu 23:41

Jeḛ səi lé ta gə́ deḛ gaŋg dɔ sí’g lé deḛ gaŋg lée’g ya mbata néra sí ɓa gaŋgta ɔm dɔ sí’g ya, nɛ yeḛ neelé ra né gə́ majel kára kara el.

Lugu 23:47

Loo gə́ ɓé-njérɔje oo né gə́ teḛ togə́bè lé ndá yeḛ pidi Ala pana: Tɔgərɔ ya, dəw neelé to gə́ njemeekarabasur ya.

1 Samel 15:28

Ndá Samel ulá pana: Ɓogənè, Njesigənea̰ wa ɓeeko̰ lə Israɛlje jii’g wɔgədɔ ɔr ndá yeḛ ar mari gə́ raŋg gə́ maji undai lé gə́ né kea̰ yeḛ ya tɔ.

1 Samel 17:47

Bèe ɓa koso-dəwje lai neelé d’a gər ne to gə́ kiambas əsé niŋga ɓa Njesigənea̰ aji ne dəw el. Mbata kun baŋga lé to ka̰ Njesigənea̰, yeḛ gə́ ɔm sí ji sí’g lé ya.

1 Samel 18:17

Sawul ula Dabid pana: Aa oo, m’a kari Merab, ŋgondərm gə́ dené ləi. Maji kari wa rɔi gə́ diŋgam ya ra né am ləm, rɔ rɔje lə Njesigənea̰ ləm tɔ. Nɛ Sawul pa mée’g pana: Ma m’ndigi kun jim kɔrɔ ne rəa el, nɛ maji kar ji Pilistije ɓa ɔrɔ rəa.

1 Samel 2:35

N’a kunda njekinjanéməs lə neḛ gə́ to majikoji keneŋ, yeḛ gə́ a ra né to gə́ mee neḛ wɔji. N’a kar ŋgakeaje d’ɔs goo na̰ gə́ kédé-kédé ndá yeḛ a njaa no̰ yeḛ gə́ n’wa dəa gə ubu’g lé ta-ta ya.

1 Samel 22:14

Ahimelek tel ila mbai’g pana: See na̰ ɓa mbuna kuraje’g ləi gə́ kəm kwɔji ne njekila ŋgonkoji to gə́ Dabid, yeḛ gə́ to məəm mbaije ləm, gə njera tornduije karee ɔr rɔd ləma, gə gə́ d’ila riɓar dəa’g mee kəi’g ləi ləm tɔ wa.

1 Samel 24:11

I nja oo gə kəmi ɓasinè to gə́ Njesigənea̰ ilai jim’g ɓogənè mee bolè mbal’g ya. D’ɔsm ɓɔḭ-ɓɔḭ gə mba kam m’tɔli nɛ ma m’ya̰’i m’pana: M’a kun jim kɔrɔ ne rɔ mbai ləm el, mbata yeḛ to dəw gə́ Njesigənea̰ wa dəa gə ubu lé ya.

1 Samel 24:17

Loo gə́ Dabid tɔl taje ləa gə́ yeḛ ula Sawul neelé bém ndá Sawul pana: See to ndui-i ya wa, ŋgonəm Dabid! Ndá Sawul tel ɔr ndia gə́ tar wəl gə no̰ tɔ.

1 Samel 24:21

Ɓasinè aa oo, ma m’gər gao to gə́ i a ko̰ɓee tɔgərɔ ya ləm, ɓeeko̰ lə Israɛlje kara a to meḛ jii’g ya ləm tɔ.

1 Samel 24:4

Yeḛ ree loo-kaar-badje gə́ to mbɔr rəw’g dəb. Lée neelé bolè mbal to keneŋ ndá Sawul andə aw keneŋ mba tel mú. Nɛ Dabid gə njérɔje ləa d’isi duu bolè mbal’g lé ya tɔ.

1 Samel 25:24

Tɔɓəi yeḛ oso gel gɔlee’g pana: Mbai ləm, majel lé wa dɔm-ma ya! Nɛ ya̰ loo ar kura ləi gə́ dené ulai ta ləm, oo ta lə kura ləi gə́ dené ləm tɔ.

1 Samel 29:3

Mbaije lə Pilistije dəjee pana: See ɗi ɓa Ǝbrəje gə́ nee ree ra loo gə́ nee’g wa. Ndá Akis ila mbaije lə Pilistije lé keneŋ pana: See to Dabid, kura lə Sawul, mbai gə́ Israɛl lé el wa. Yeḛ si səm ləw ba ya nɛ ma m’oo né gə́ tḛ́ bèe kára kara mba kila ne ta dəa’g un kudee ndɔ ree’g ləa ya saar teḛ ɓogənè lé el.

1 Samel 30:26

Loo gə́ Dabid tel ree Siklag ndá yeḛ un ges nébanrɔ ula ne ar ŋgatɔgje gə́ Juda gə́ to baokuraje ləa ula dee ne taje nee pana: Aa ooje, ta nébanrɔ gə́ m’taa ji njéba̰je’g lə Njesigənea̰ ɓa m’wa ne sə sí noji nee ya.