1 Samel 25:26 - Maktub gə́ To gə Kəmee

²⁶ Ɓasinè mbai ləm, tɔgərɔ ya, Njesigənea̰ si kəmba ləm, i kara si kəmba ya ləm tɔ ndá to Njesigənea̰ ɓa wa jii ɔgi ne dɔ kila məs’g ya. Bèe ndá maji kar njéba̰je ləi gə deḛ gə́ saŋg loo ra majel gə mbai ləm lé tel to to gə́ Nabal bèe ya tɔ.

1 Samel 25:26 ပူးပေါင်းရင်းမြစ်များ

Gḭ-Néje 20:6

Ala ulá gə ni pana: Ma m’gər gao to gə́ i ra né gə məəi gə́ àr ŋgad-ŋgad ya. Yee ɓa ma nja m’ɔgi ne dɔ ra kaiya gə́ a gə kɔsm ne rəw lé. Gelee gə́ nee ɓa m’ya̰ loo m’ari ɔrɔ ne rəa el gə mbəa.

2 Samel 18:32

Mbai dəji dəw gə́ Etiopi lé pana: See ŋgon gə́ basa gə́ Absalɔm lé si gə́ majee ya wa. Dəw neelé tel ilá keneŋ pana: Maji kar dee-deḛ lai gə́ to njéba̰je lə mbai ləm, gə deḛ lai gə́ d’ḭ gə mba rɔ səi gə mba ra ne səi némajel ləm tɔ lé to to gə́ basa neelé ya.

2 Mbaije 2:2

Eli ula Elije pana: Aar loo gə́ nee’g, mbata Njesigənea̰ ulam njal gə́ Betel ɓəi. Elije tel ilá keneŋ pana: Njesigənea̰ to Njesikəmba ləm, i kara si kəmba ya ləm tɔ ndá, m’a kubai kya̰’i nda̰ el. Bèe ɓa deḛ d’aw na̰’d Betel tɔ.

2 Mbaije 4:6

Loo gə́ ubu lé rusu kuje neelé télélé-télélé ndá yeḛ ula ŋgonee pana: Am ku gə́ raŋg ya ɓəi. Nɛ yeḛ tel ilá keneŋ pana: Ku gə́ raŋg godo. Bèe ɓa gel ubu lé kara gaŋg ŋgəji tɔ.

Pakɔsje 44:3

Ji siŋgamoŋ ləi gə́ ɓar mèr-mèr lé I tuba ne ginkoji dəwje gə raŋg Ya̰ loo unda dəwje ləi keneŋ ləm, I tɔl ginkoji dəwje gə raŋg Ya̰ loo ar dəwje ləi taa loo keneŋ pəl-pəl ləm tɔ.

Gosota-Kəmkàrje 31:12

Ndɔje lai gə́ yeḛ si ne kəmba lé Yeḛ ra səa némaji ɓó né gə́ majel el.

Jeremi 29:22

D’a to kasəna gə ta kila ndɔl dɔ dəw mbuna deḛ lai gə́ d’wa dee gə́ ɓərje ɓee gə́ Juda d’aw sə dee Babilɔn ndá d’a pana: Maji kar Njesigənea̰ ra səi to gə́ ra gə Sedesias gə Ahab gə́ mbai gə́ Babilɔn roo dee pər’d bèe!

Loo gə́ killa rea kəm Daniel’g 4:19

Ǝi mbai, kag neelé to i nja gə́ teḛ boo ləm, siŋgai to keneŋ ləm tɔ, dɔmoŋ ləi ḭ dɔ maree’g aw njal teḛ mee dara’g ləm, dumdɔloo ləi kara aw njal ɔr rudu naŋg nee ləm tɔ.

Ǝbrəje 10:30

Mbata yeḛ gə́ pana: Dal ba̰ to kama, ma ɓa m’a dal bea̰ lé jeḛ n’gəree gao ya. Tɔɓəi yeḛ pana: Mbaidɔmbaije a gaŋg-rəwta dɔ koso-dəwje’g ləa.

1 Samel 1:26

An pana: Mbai ləm, ar məəi oso lemsé dɔm’g! To tɔgərɔ ya, gə goo kisi kəmba ləi lé ya, ma lé ɓa m’to dené gə́ ndɔ gən m’isi mbɔri’g nee m’ra tamaji ta Njesigənea̰’g lé.

1 Samel 2:9

Yeḛ a tɔs kəmee dɔ panjaa njé’g ləa’g Gə́ yeḛ unda dee dan kəmee’g, Nɛ njémeeyèrje d’a tuji pugudu-pugudu Dan loo gə́ ndul njudu-njudu’g. Mbata dəw lé askəm kun baŋga Gə goo siŋgamoŋ ləa-yeḛ el.

1 Samel 20:16

Mbata Jonatan lé man rəa ar njémeekəije lə Dabid pana: Maji kar Njesigənea̰ dal ba̰ lə Dabid dɔ njéba̰je’g ləa.

1 Samel 20:3

Dabid pa ya tɔɓəi gə rɔkubu pana: Bɔbije gər gao to gə́ ma m’taa kəmi rəgm ndá yeḛ a pana: Maji kar dee d’ar Jonatan oo el nà a kar mée ea̰. Nɛ to gə́ Njesigənea̰ si kəmba ləm, i ya kara si kəmba ya ləm tɔ ndá ma kulai to gə́ ta yoom nai tebdé ba bèe ya.

1 Samel 22:3

Dabid ḭ lée’g neelé aw Mispé mee ɓeeko̰ gə́ Moab. Yeḛ ula mbai gə́ Moab lé pana: M’ra ndòo rɔi’g, maji kari ya̰ loo ar bɔmje gə kɔmje ree d’isi rɔi’g nee saar kam m’oo né gə́ Ala a ra mbata ləm ɓa.

1 Samel 25:25

Maji kar mbai ləm unda mee dɔ Nabal mbə-dəw’g neelé el mbata yeḛ to to gə́ ria bèe. Nabal ɓa gə́ ria ndá yeḛ lé néra mbə ɓa uru kəi mée’g. Ma kura ləi gə́ dené lé m’oo basaje gə́ mbai ləm ula dee lé el.

1 Samel 25:39

Dabid oo to gə́ Nabal wəi ndá yeḛ pana: Maji kar dɔ ri Njesigənea̰ ai səgərə mbata yeḛ ɔr kəm ta ləm dan boo-rɔkul gə́ Nabal ila dɔm’g, ɔgm ne ma kura ləa dɔ ra majel’g lé! Njesigənea̰ ar némajel lə Nabal tel oso dəa-yeḛ’g ya. Yen ŋga Dabid ula njékulaje rɔ Abigayil’g dəjee mba karee tel to dené ləa.

1 Samel 26:10

Dabid pana: Njesigənea̰ si kəmba ya! Ndá to ta lə Njesigənea̰ ya kára ba gə mba ra səa né ya, banelə ndɔ ləa a kas ndá a kwəi əsé a kaw loo-rɔ’g ɓa a kwəi keneŋ ɓəi.