1 Samel 25:24 - Maktub gə́ To gə Kəmee

²⁴ Tɔɓəi yeḛ oso gel gɔlee’g pana: Mbai ləm, majel lé wa dɔm-ma ya! Nɛ ya̰ loo ar kura ləi gə́ dené ulai ta ləm, oo ta lə kura ləi gə́ dené ləm tɔ.

1 Samel 25:24 ပူးပေါင်းရင်းမြစ်များ

Gḭ-Néje 44:18

Yen ŋga Juda rəm pər gə́ rɔ Jisəb’g ulá pana: Ǝi Mbai ləm, m’ra ndòo rɔi’g mba kari ya̰ loo ar kura ləi pata ari oo ɓó ar oŋg ləi ḭ dɔ kura’g ləi el! Mbata i lé to asəna gə Parao̰ ya.

2 Samel 14:12

Dené lé pana: Mbai ləm, maji kari ya̰ loo ar kura ləi gə́ dené pata kára ya ɓəi. Ndá yeḛ pana: Pa ta ya.

2 Samel 14:9

Dené gə́ Tekoa lé ula mbai lé pana: Ǝi mbai ləm, bo̰ néra gə́ majel neelé a kɔs tam-ma’g gə ta njémeekəije’g lə bɔmje ɓó mbai gə kalimbai ləa lé ta kára kara a kwa dɔ dee-deḛ el.

2 Samel 20:17

Joab ree pər gə́ rəa’g ndá dené lé dəjee pana: See i ya to Joab lé wa. Yeḛ ilá keneŋ pana: To ma ya. Ndá yeḛ ulá pana: Maji kari oo ta lə kura ləi gə́ dené ya kari! Yeḛ tel ilá keneŋ pana: M’oo ya.

2 Mbaije 4:37

Yeḛ aw oso naŋg gel gɔlee’g unda barmba dəb kəmee naŋg ɓa taa ŋgonee lé ɔd aw səa ɓəi.

Este 8:3

Tɔɓəi Este pata gə́ raŋg no̰ mbai’g ya ɓəi. Yeḛ oso naŋg neaŋ gel gɔlee’g no̰ ra ndòo rəa’g mba karee ɔg némeeyèrje lə Aman, dəw gə́ Agag ləm, gə kwɔji gə́ yeḛ wɔji mba koma̰ gə Jibje lé ləm tɔ.

Gosota-Kəmkàrje 25:15

Kar oŋg ḭ səi kalaŋ el ɓa gə́ kuma̰ ndəd ne mbai ləm, Ta gə́ kul yururu ɓa askəm təd siŋga dəw ləm tɔ.

Njekillamber 10:4

Ɓó lé oŋg lə mbai ḭ səa pu dɔi’g ndá ya̰ loo-sii el mbata si lɔm lé ɓa gə́ kuma̰ dum dɔ boo-néje gə́ to lée’g el lé.

Matiyo 18:29

Baokura ləa rəm bəbərə oso naŋg gɔlee’g ra ndòo rəa’g pana: Ar məəi oso lemsé dɔm’g ndá m’a kogai ɓaŋg ləi ya ɓəi.

1 Samel 24:8

Gə goo taje neelé ɓa Dabid ila ne njérɔje ləa kag ɔg dee dɔ kḭ ɓugu na̰ dɔ Sawul’g ya. Sawul ḭta unda loo mee bolè mbal’g lé teḛ ndá un rəw ləa aw ya.

1 Samel 25:23

Loo gə́ Abigayil oo Dabid ndá yeḛ ḭ gə tɔgee dɔ mulayḛ̀je’g ləa ur naŋg unda barmba dəb kəmee naŋg no̰ Dabid’g.

1 Samel 25:25

Maji kar mbai ləm unda mee dɔ Nabal mbə-dəw’g neelé el mbata yeḛ to to gə́ ria bèe. Nabal ɓa gə́ ria ndá yeḛ lé néra mbə ɓa uru kəi mée’g. Ma kura ləi gə́ dené lé m’oo basaje gə́ mbai ləm ula dee lé el.

1 Samel 25:28

M’ra ndòo rɔi’g, ar məəi oso lemsé dɔ néra gə́ majel’g lə kura ləi gə́ dené mbata Njesigənea̰ a kar kəi lə mbai ləm kiriŋ naŋg kiriŋ-kiriŋ ya. Ar məəi oso lemsé ya mbata i mbai ləm tɔ njekɔs gel rɔje lə Njesigənea̰ ndá dəw a kiŋga néra gə́ majel məəi’g nda̰ el.