1 Samel 25:23 - Maktub gə́ To gə Kəmee

²³ Loo gə́ Abigayil oo Dabid ndá yeḛ ḭ gə tɔgee dɔ mulayḛ̀je’g ləa ur naŋg unda barmba dəb kəmee naŋg no̰ Dabid’g.

1 Samel 25:23 ပူးပေါင်းရင်းမြစ်များ

2 Samel 1:2

Ndɔ gə́ njekɔm’g munda ndá dəw kára ḭ loo-si njérɔje’g lə Sawul. Kubuje gə́ rəa’g ŋgisi ləm, kor wa dəa lub-lub ləm tɔ. Loo gə́ yeḛ ree aar no̰ Dabid’g ndá yeḛ oso naŋg bəbərə dəb kəmee naŋg.

2 Samel 14:4

Dené gə́ Tekoa lé aw pata ar mbai lé. Yeḛ oso naŋg bəbərə unda barmba dəb kəmee naŋg ndá yeḛ pana: Ǝi mbai, maji kari la səm ya kari!

2 Samel 18:28

Ahimaas ra né wəl ndá ula mbai pana: Loo to maji ɓəi! Yeḛ rəm unda barmba dəb kəmee naŋg no̰ mbai’g ndá yeḛ pana: Maji kar dɔ ri Ala ləi gə́ Njesigənea̰ ai səgərə, yeḛ gə́ ar dəwje gə́ d’un ji dee rɔ ne gə mbai ləm d’udu guduru lé.

2 Samel 9:6

Mepiboset, ŋgolə Jonatan gə́ to ŋgolə Sawul lé ree rɔ Dabid’g ndá yeḛ oso naŋg bəbərə unda barmba dəb kəmee naŋg nea̰’g. Dabid ɓaree pana: Mepiboset! Yeḛ ndigi təa’g pana: To ma kura ləi ya.

1 Sôrta Gḭka-Israɛlje 21:21

Loo gə́ Dabid ree pər gə́ rɔ Ornan’g ndá Ornan un kəmee oo Dabid, tɔɓəi yeḛ ɔd loo-kunda-kó’g neelé aw iŋga Dabid ndá, yeḛ unda barmba dəb kəmee naŋg nea̰’g.

Jujé 15:18

Loo gə́ Aksa ree kəi lə Otniel mba̰ ndá yeḛ ɔsee ɓɔḭ-ɓɔḭ mba karee dəji bɔbeeje loo-ndɔ. Loo gə́ yeḛ ḭ dɔ mulayḛ̀je’g ləa ur naŋg ndá Kaleb dəjee pana: See ɗi ɓa i ndigi wa.

Njéga̰g-Rəwtaje 1:14

Loo gə́ yeḛ ree kəi lə ŋgabeeje Otniel mba̰ ndá yeḛ ɔsee ɓɔḭ-ɓɔḭ mba karee dəji bɔbeeje loo-ndɔ. Yeḛ ḭ dɔ mulayḛ̀je’g ləa ur naŋg ndá Kaleb dəjee pana: See ɗi ɓa i ndigi wa.

Rudu 2:10

Togə́bè Rudu oso naŋg bəbərə unda barmba nea̰’g ulá pana: See mbata ɗi ɓa ma gə́ m’to dəw gə́ dɔ ɓee’g nee ya i ila kəm toro’g ləm, i ə̰ji dɔm’g ləm tɔ bèe wa.

1 Samel 20:41

Loo gə́ ŋgon lé ɔd aw mba̰ ndá Dabid ḭ dəb loo gə́ kára gə́ to par gə́ dɔkɔl, tɔɓəi yeḛ oso bəbərə dəb kəmee naŋg naŋg as gɔl munda. Ndá Kuramar-na̰je gə́ joo neelé d’wa na̰ kar na̰’g sud ləm no̰ na̰’d ləm tɔ, nɛ Dabid ɓa no̰ ɓugudu-ɓugudu unda maree ya.

1 Samel 24:8

Gə goo taje neelé ɓa Dabid ila ne njérɔje ləa kag ɔg dee dɔ kḭ ɓugu na̰ dɔ Sawul’g ya. Sawul ḭta unda loo mee bolè mbal’g lé teḛ ndá un rəw ləa aw ya.

1 Samel 25:24

Tɔɓəi yeḛ oso gel gɔlee’g pana: Mbai ləm, majel lé wa dɔm-ma ya! Nɛ ya̰ loo ar kura ləi gə́ dené ulai ta ləm, oo ta lə kura ləi gə́ dené ləm tɔ.

1 Samel 25:41

Yeḛ ḭ unda barmba dəb kəmee naŋg ndá yeḛ pana: Aa ooje, ma kura ləi gə́ dené m’a to ɓər mba togo gɔl kuraje lə mbai ləm ya.