1 Samel 25:19 - Maktub gə́ To gə Kəmee

¹⁹ ndá yeḛ ula kuraje ləa pana: Ɔdje nɔm’g kédé ndá m’a korè goo sí. Nɛ yeḛ ula ŋgabeeje Nabal taree el.

1 Samel 25:19 ပူးပေါင်းရင်းမြစ်များ

Gḭ-Néje 32:16

ko̰ jambalje rɔ-munda gə ŋgan deeje gə́ d’aw d’il mbà dee ləm, ko̰ maŋgje rɔ-sɔ gə bɔ maŋgje dɔg ləma, ko̰-mulayḛ̀je-je rɔ-joo gə bɔ mulayḛ̀je-je dɔg ləm tɔ.

Gḭ-Néje 32:19

Ndá i a kilá keneŋ pana: To gə́ ka̰ kura ləi gə́ Jakob. To nénoji gə́ yeḛ ula ne ar mbai ləm Esawu ndá aa oo, yeḛ nja kara aw ree goo sí’g nee ya tɔ.

Gḭ-Néje 32:20

Yeḛ un ndia togə́bè ar yeḛ gə́ njekɔm’g joo ləm, gə yeḛ gə́ njekɔm’g munda ləm tɔ ula dee-deḛ lai gə́ d’aw goo koso-nékulje’g neelé pana: Ta gə́ nee ɓa seḭ a kulaje mbai ləm Esawu, loo gə́ seḭ a kiŋgaje kəmee lé.

Gḭ-Néje 32:21

Seḭ a pajena: Aa oo, kura ləi Jakob kara si ree goo sí gən tɔ. Mbata Jakob pana: M’a gɔl mée gə nénoji neelé gə́ m’ula ne kédé nɔm’g. Gée gə́ gogo ɓa m’a koo kəmee ɓəi ndá banelə yeḛ a kwam gə́ rəa’g gə́ majee ya.

Gosota-Kəmkàrje 31:27

Yeḛ si kəmba dɔ néje gə́ dəs mee kəi’g ləa ləm, Yeḛ o̰ muru rɔkas el ləm tɔ.

1 Samel 14:1

Ndɔ kára bèe Jonatan, ŋgolə Sawul ula basa gə́ njekodo nérɔje ləa pana: Gə́ ree ar sí j’aw saar n’teḛje loo-si Pilistije gə́ to kel loo gə́ nu. Nɛ yeḛ ula bɔbeeje taree el.

1 Samel 25:20

Yeḛ uba mulayḛ̀je ndá un rəw gə́ kàr mbal’g aw ar mbal on dəa. Nɛ aa oo, Dabid gə njérɔje ləa ree d’wɔji dəa njoroŋ ndá yeḛ iŋga dee tɔ.

1 Samel 25:36

Abigayil tel ree rɔ Nabal’g. Nɛ aa oo, yeḛ ra naḭ gə́ boo mee kəi’g ləa asəna gə naḭ gə́ ka̰ mbai bèe. Mee Nabal lelee ləm, kido rəa yaa̰ ləm tɔ. Abigayil ulá ta né gə́ lam əsé gə́ boi kára kara el saar ar loo àr.