1 Samel 25:1 - Maktub gə́ To gə Kəmee

¹ Samel lé wəi, ndá Israɛlje lai mbo̰ dɔ na̰ no̰ yée ləm, dubee ɓee kojee’g Rama ləm tɔ. Togə́bè ɓa Dabid ḭ aw dɔdilaloo gə́ Paran.

1 Samel 25:1 ပူးပေါင်းရင်းမြစ်များ

Gḭ-Néje 14:6

deḛ dum dɔ Hɔrije dɔ mbal’g lə dee gə́ Seir njal teḛ kag-sɛnə’g lə Paran gə́ to mbɔr dɔdilaloo’g dəb ləm tɔ.

Gḭ-Néje 21:21

Yeḛ si dɔdilaloo gə́ Paran ndá kea̰je taa dené mee ɓee gə́ Ejiptə ɓa aree.

Gḭ-Néje 23:2

Sara wəi ɓee gə́ Kirjat-Arba gə́ to Ebro̰ dɔ naŋg ɓee gə́ Kana̰. Ndá Abrakam ree mba kwa ndòo yoo Sara ləm, gə mba no̰ neán ləm tɔ.

Gḭ-Néje 50:11

Njéɓeeje gə́ to Kana̰je lé d’oo ndu no̰ gə́ ɓar loo-kunda-kó gə́ Atad ndá deḛ pana: To ndu no̰-yoo gə́ boo lə njé gə́ Ejiptə ya. Gelee gə́ nee ɓa deḛ d’unda ne ri loo-kunda-kó neelé gə́ to kel turá, gir baa gə́ Jurdɛ̰ lé lə Abel-Misrayim (tel ta koji sí pana): Ndoo-yoo lə njé gə́ Ejiptə.

1 Mbaije 2:34

Benaja, ŋgolə Jeojoda aw unda Joab tɔlee ndá yeḛ dubee dan mee kəi’g ləa gə́ to dɔdilaloo’g lé.

2 Mbaije 21:18

Manasə wəi ndá deḛ dubee mee gadloo ma̰a kagje gə́ to mbɔr kəi’g ləa gə́ to gadloo ma̰a kagje’g lə Uja. Ndá ŋgonee Amo̰ ɓa o̰ ɓee toree’g tɔ.

2 Sôrta Gḭka Israɛlje 33:20

Manasə wəi ndá deḛ dubee mee kəi’g ləa. Ndá ŋgonee gə́ Amo̰ ɓa o̰ ɓee toree’g tɔ.

Pakɔsje 120:5

Kisi gə́ m’isi Mesek lé ləm, Gə kisi gə́ m’isi mbuna kəi-kubuje’g lə njé gə́ Kedar ləm tɔ lé Kəm to ne ndòo keneŋ yaa̰.

Esai 14:18

Mbaije lə ginkoji dəwje gə raŋg lai lé deḛ lai ya Dubu dee dan rɔnduba’g lə dee Ar nana kara d’ilá mee bwa-dubee’g tɔ.

Jakari 1:5

See ka síje-je lé d’əd ra ɓəi wa. See njéteggintaje d’askəm si kəmba saar gə no̰ wa.

Bula lə Israɛlje 10:12

Israɛlje d’ḭ dɔdilaloo gə́ Sinai d’ɔd d’aw gə goo rəw njaa lə dee gə́ d’wɔji njaŋg lé. Mum lé aar naŋg dɔdilaloo gə́ Paran.

Bula lə Israɛlje 12:16

Gée gə́ gogo ndá koso-dəwje lé d’ḭ Haserot d’aw d’isi dɔdilaloo gə́ Paran tɔ.

Bula lə Israɛlje 13:26

Loo gə́ deḛ tel ree mba̰ ndá d’aw rɔ Moyis gə Aaro̰ gə rɔ koso-dəwje’g lə Israɛlje lai mee ɓee gə́ Kades dɔdilaloo gə́ Paran. Ndá deḛ d’ɔr goo ta néje gə́ d’oo lé d’ar dee ləm, deḛ tɔji dee kandə néje gə́ mee ɓee’g neelé ləm tɔ.

Bula lə Israɛlje 13:3

Moyis ar dəwje neelé d’ḭ dɔdilaloo gə́ Paran d’aw gə goo ndukun lə Njesigənea̰, dəwje gə́ lai neelé to dəw dɔ Israɛlje ya.

Bula lə Israɛlje 20:29

Loo gə́ koso-dəwje lai d’oo to gə́ kəmə lə Aaro̰ godo mba̰ ndá njémeekəije lə Israɛl lai lé no̰ d’wa ne ndòo yoo Aaro̰ as ndɔ dee rɔ-munda tɔ.

Néra Njékaḭkulaje 8:2

Njémeendaje gə́ na̰je ɓa dubu Etien. Ndoo Etien wa dee ar dee no̰ gèr-gèr ya.

Tel tura Godndu 34:8

Israɛlje no̰ yoo Moyis as ndɔ dee rɔ-munda mee ndag-looje’d gə́ Moab saar kar rudu ndɔje neelé un ne ɗiao.

1 Samel 1:19

Deḛ d’ḭ gə ndɔ rad tɔɓəi loo gə́ d’aw d’unda barmba no̰ Njesigənea̰’g mba̰ ndá deḛ tel d’aw mee kəi’g lə dee gə́ to Rama lé. Elkana to gə An gə́ dené ləa lé ndá Njesigənea̰ ar mee olé dəa’g.

1 Samel 28:3

Samel lé wəi mba̰. Israɛlje mbo̰ dɔ na̰ no̰ yée ləm, dubee dɔ naŋg’d ləa gə́ Rama ləm tɔ. Sawul lé tuba njéɓar ndil dəwje gə́ d’wəi ləm, gə njéndo̰-ərje ləm tɔ mee ɓeeko̰’g ləa lai.

1 Samel 7:17

Tɔɓəi yeḛ tel ree Rama loo gə́ kəi ləa to keneŋ. Lée neelé yeḛ gaŋg rəwta lə Israɛlje keneŋ ləm, yeḛ ra loo-nékinjaməs keneŋ ar Njesigənea̰ ləm tɔ.