1 Samel 24:21 - Maktub gə́ To gə Kəmee

²¹ Ɓasinè aa oo, ma m’gər gao to gə́ i a ko̰ɓee tɔgərɔ ya ləm, ɓeeko̰ lə Israɛlje kara a to meḛ jii’g ya ləm tɔ.

1 Samel 24:21 ပူးပေါင်းရင်းမြစ်များ

Gḭ-Néje 21:23

Ɓasinè, maji kari un ndui gə ri Ala gə mba kər kəm el ləm, gə kəm ŋganəmje el ləma, gə kəm ŋgakamje el ləm tɔ, gə mba kar meemaji gə́ ma m’ra səi lé i kara a ra səm bèe ləm, a ra bèe gə dɔ naŋg gə́ i si keneŋ nee ya ləm tɔ.

Gḭ-Néje 31:48

Laba̰ pana: Maji kar kugu mbal neelé to nékɔrkəmta mbuna síjeḛ səi’g ɓogənè! Gelee gə́ nee ɓa deḛ d’unda ne ria lə Galed.

Gḭ-Néje 31:53

Maji kar Ala lə Abrakam gə Naɔr ləm, gə Ala lə bɔ deeje ləm tɔ lé to njegaŋ-rəwta mbuna sí’g ya. Jakob un ndia aree gə ri yee gə́ Isaak ɓəlee lé.

Ǝbrəje 6:16

Mbata dəwje manrɔ dee gə ri njekur dɔ dee’g ndá manrɔ lé to né gə́ tɔl ne tamaḭ lə dee bém.

1 Samel 23:17

ndá yeḛ ulá pana: Ɓəl el mbata ji bɔm Sawul a kɔrɔ rɔi el. I a ko̰ɓee dɔ Israɛlje’g ndá m’a to yeḛ gə́ njekɔm’g joo ləi mba si mbɔri’g tɔ. Bɔm Sawul kara gər togə́bè ya tɔ.

1 Samel 25:28

M’ra ndòo rɔi’g, ar məəi oso lemsé dɔ néra gə́ majel’g lə kura ləi gə́ dené mbata Njesigənea̰ a kar kəi lə mbai ləm kiriŋ naŋg kiriŋ-kiriŋ ya. Ar məəi oso lemsé ya mbata i mbai ləm tɔ njekɔs gel rɔje lə Njesigənea̰ ndá dəw a kiŋga néra gə́ majel məəi’g nda̰ el.

1 Samel 25:30

Loo gə́ Njesigənea̰ a ra gə mbai ləm némajije lai gə́ yeḛ ulai taree lé ndá yeḛ a kundai gə́ mbai dɔ Israɛlje’g ya