1 Samel 24:2 - Maktub gə́ To gə Kəmee

² Loo gə́ Sawul ḭ loo tuba goo Pilistije’g tel ndá d’ulá pana: Aa oo, Dabid si mee dɔdilaloo gə́ En-Gedi’g.

1 Samel 24:2 ပူးပေါင်းရင်းမြစ်များ

2 Samel 22:2

Yeḛ pana: Njesigənea̰ to biri mbal ləm ləm, Gə kəi-kaar-kɔgərɔ ləm ləma, Gə njetaa dɔm ləm tɔ!

Maktub gə́ wɔji dɔ Jɔb 39:1

See i gər kàr gə́ bya̰je gə́ wala d’oji ne ŋgan deeje wa. See loo gə́ arkasje d’aar d’oji ŋgan deeje lé i aa dee gərərə wa.

Pakɔsje 104:18

Mbalje gə́ to tar sab lé To mbata lə bàl bya̰je gə́ wala ləm, Kɔr mbalje lé to mba kar yəg-wurije d’iya rɔ dee mbuna dee’g ləm tɔ.

Pakɔsje 141:6

Maji kar dee tila njégaŋ-rəwtaje lə dee kaar biri mbalje’g Bèe ɓa d’a koo ne taje ləm lé Mbata to taje gə́ taa kəm loo rəgm ya.

Pakɔsje 37:32

Njemeeyèr lé Um njemeekarabasur gə goo ŋgəḭ ba ləm, Yeḛ saŋg loo gə mba tɔlee ləm tɔ.

Pakɔsje 38:12

Baokuraje ləm gə deḛ gə́ gərm kara D’unda rɔ dee ɓad rɔm’g mbata lə doo ləm, Njé’g ləm gə́ pər ya kara D’aar ŋgərəŋ səm ləm tɔ.

1 Samel 13:2

Tɔɓəi Sawul mbər njérɔje gə́ Israɛl as tɔl-dɔg-loo-munda (3.000) ndá ar deḛ gə́ tɔl-dɔg-loo-joo (2.000) d’isi səa Mikmas ləm gə dɔ mbal gə́ Betel ləm, ar deḛ gə́ tɔl-dɔg (1.000) d’isi gə Jonatan mee ɓee gə́ Gibea gə́ ka̰ Bḛjamije ləm tɔ. Ndá yeḛ ya̰ ges koso-dəwje gə́ nai lé ar nana kara aw kəi-kubu’g ləa-ləa.

1 Samel 23:28

Togə́bè ɓa Sawul ya̰ ne goo Dabid ndá tel aw iŋga Pilistije rɔ sə dee. Gelee gə́ nee ɓa d’unda ne ri loo neelé lə Sela-Hamaklekot lé tɔ.

1 Samel 26:2

Togə́bè ɓa Sawul ḭ aw dɔdilaloo’d gə́ Jip gə njérɔje gə́ Israɛl gə́ siŋga dee to kɔgərɔ-kɔgərɔ gə́ d’ur dɔ mar deeje’g d’as tɔl-dɔg-loo-munda (3.000) mba saŋg ne Dabid dɔdilaloo gə́ Jip lé.