1 Samel 24:16 - Maktub gə́ To gə Kəmee

¹⁶ Njesigənea̰ a gaŋg rəwta kɔr ne kəm ta mbuna síjeḛ səi’g. Yeḛ a koo ləm, a kɔr ta ləm ləma, a gaŋg rəwta ləm gə dɔ najee taam ne jii’g kilam tar ləm tɔ.

1 Samel 24:16 ပူးပေါင်းရင်းမြစ်များ

Gḭ-Néje 16:5

Sarai ula Abram pana: Néra majel ləm gə́ m’ra lé maji karee oso dɔi’g ya. Mbata ma m’ila ɓər ləm gə́ dené lé kaari’g. Loo gə́ yeḛ oo rəa to gə́ aw gə kèm ndá yeḛ oom-ma lé gə́ dəw gə́ əḭ kəmee’g el. Maji kar Njesigənea̰ gaŋgta mbuna sí jeḛ səi’g ya.

Gḭ-Néje 2:2

Ndɔ gə́ njekɔm’g siri lé kula ra Ala gə́ yeḛ ra lé yeḛ tɔlee bém ya. Ndá ndɔ gə́ njekɔm’g siri lé yeḛ wa rəa dɔ kula reaje’g lai gə́ yeḛ ra lé tɔ .

Gḭ-Néje 33:4

Esawu aiŋgwɔd tila kəmee. Yeḛ wá kaaree’g sud, tuga gwɔbee kea̰’g, wá kaaree’g sud tɔ. Deḛ no̰ gə mán-no̰ kəm dee’g.

1 Sôrta Gḭka-Israɛlje 12:18

Dabid teḛ aar no̰ dee’g un ta pa ar dee pana: Ɓó lé seḭ reeje rɔm’g gə takə̰ji gə́ maji mba la ne səm ndá məəm a kɔm sə sí na̰’d ya nɛ ɓó lé seḭ reeje gə mba kərmje kilamje ji njéba̰je’g ləm lal né gə́ majel kára gə́ m’ra ndá maji kar Ala lə ka síje-je ɓa oo gée gə mba kar bo̰ néra sí ɔs ta sí’g tɔ.

Maktub gə́ wɔji dɔ Jɔb 6:25

Ta gə́ tɔgərɔ lé siŋgá to ya, Nɛ ta gə́ seḭ ilaje dɔm’g lé see gelee to ɗi wa.

Pakɔsje 119:154

Maji kari oso gelm’g ɓó gə ugam ne Gə mba karm m’isi ne kəmba gə goo ndukun ləi lé ya.

Gosota-Kəmkàrje 15:1

Ta kila’g gə́ kul yururu lé Tɔl meekḭ jugugu bujuru, Nɛ ta gə́ pa kədərə lé Ɔs gel oŋg gə́ kɔs.

Gosota-Kəmkàrje 25:11

Ta gə́ dəw pa gə goo rəbee lé To asəna gə larlɔr gə́ ndaji ne kandə kag Gə́ d’ɔm mee ŋgon karè’d Gə́ ra gə larnda bèe.

Lugu 21:15

Mbata ma nja m’a kula ta ta sí’g ləm, m’a kula kəmkàr meḛ sí’g ɓəi ləm tɔ ndá njéba̰je lə sí d’a koo loo kɔs ta sí’g rəw el ləm, d’a dum sí gə tamaḭ el ləm tɔ.

Néra Njékaḭkulaje 6:10

Nɛ kəmkàr ləa gə ta gə́ Ndil ula mée’g aree pa ne ta lé d’oma̰ ne səa pi.

Njéga̰g-Rəwtaje 11:27

Ma lé m’ra səi majel el nɛ i ɓa ra səm majel mbata i rɔ səm. Maji kar Njesigənea̰ gə́ njegaŋ-rəwta lé ɓa gaŋg rəwta mbuna Israɛlje gə Amo̰je’g ɓogənè ya.

1 Samel 26:17

Sawul gər ndu Dabid ndá yeḛ pana: Ŋgonəm Dabid, see to ndui-i ya wa. Dabid tel ilá keneŋ pana: Ǝi mbai gə́ to mbai ləm, to ndum-ma ya.

1 Samel 26:24

To gə́ ɓogənè si kəmba ləi to né gə́ gadee to yaa̰ kəm’g lé si kəmba ləm-ma kara gadee a to yaa̰ kəm Njesigənea̰’g tɔ, tɔɓəi yeḛ a kɔrm dan néurtije’g lai tɔ.