1 Samel 24:14 - Maktub gə́ To gə Kəmee

¹⁴ Gosɔta lə njé gə́ ləw pana: Néra gə́ majel ḭ rɔ njéra némajelje’g. Togə́bè ɓa m’a kun jim kɔrɔ ne rɔi el.

1 Samel 24:14 ပူးပေါင်းရင်းမြစ်များ

2 Samel 16:9

Yen ŋga Abisai, ŋgolə Seruja dəji mbai pana: See gelee ban ɓa yoo-bisi nee aar ila ndɔl dɔ mbai’g bèe wa. Ya̰ loo am m’aw m’tuga dəa m’gaŋg.

2 Samel 3:8

Mee Abner ḭ səa jugugu dɔ ta gə́ Is-Boset pa’g lé aree ilá keneŋ pana: See ma m’to gə́ bisi gə́ m’ɔm na̰’d gə Judaje gə goo ŋgəḭ wa. Ɓogənè lé m’ra meemaji gə njé’g lə bɔbije Sawul ləm, gə ŋgakea̰je ləma, gə baokuraje ləa ləm tɔ ɓó ma m’ilai ji Dabid’g el tɔ. Ŋga see gelee ban ɓa ɓogənè i ila ta gə́ wɔji dɔ dené neelé dɔm’g wa.

2 Samel 6:20

Dabid tel aw gə mba kaw tɔr ndia dɔ njémeekəije’g ləa ndá Mikal, ŋgolə Sawul gə́ dené lé teḛ iŋgá. Yeḛ dəjee pana: Rɔnduba gə́ ban ɓa d’ula dɔ mbai lə Israɛlje’g ɓogənè ɓa aree tɔr ne kubu rəa’g kəm ŋganjélookisije’g ləa gə́ dené gə diŋgam to gə́ lə dəw gə́ kari ba ɓa tɔr kubu rəa’g bèe nee wa.

2 Samel 9:8

Mepiboset unda barmba ndá yeḛ pana: Ma kura ləi gə́ m’to m’asəna gə yoo-bisi bèe nee ya, see mbai ləm oom gə́ né kəmee’g bèe wa.

1 Mbaije 21:7

Yen ŋga dené ləa lé dəjee pana: See to i nja ɓa gə́ njeko̰ɓee gə́ Israɛl lé el wa. Ḭta, taa nésɔ sɔ ndá ar məəi to lɔm, ma ya m’a kari ndɔ-nduú lə Nabot, dəw gə́ Jisreel lé.

Ojee 10:13

Seḭ ndɔje kandə néra gə́ majel ləm, Seḭ injaje néra gə́ kori-korije ləma, Seḭ sɔje kandə néŋgɔmje ləm tɔ. Mbata seḭ ɔmje meḛ sí dɔ rəw-kaw síje’g ləm, Gə dɔ bao-rɔje’g lə sí gə́ bula digi-digi ləm tɔ.

1 Samel 17:43

Dəw gə́ Pilisti lé dəji Dabid pana: See m’to bisi ɓa i ree rɔm’g gə ɗuguru-kagje wa. Tɔɓəi loo gə́ dəw gə́ Pilisti lé ubu magəje ləa dəa’g mba̰ ndá

1 Samel 26:20

Wai! Maji kar məsm ɔm naŋg əw gə Njesigənea̰ el. Mbata mbai lə Israɛlje ɔr rɔ aw saŋg ndisa ba ya to gə́ d’aw ne ndo̰ kɛrɛ dɔ mbalje’g bèe.