1 Samel 24:13 - Maktub gə́ To gə Kəmee

¹³ Njesigənea̰ a to njegaŋ-rəwta mbuna síjeḛ səi’g ləm, Njesigənea̰ ɓa a dal ba̰ ləm ləm tɔ. Nɛ ma ɓa yḛ̀ m’a kun jim kɔrɔ ne rɔi el.

1 Samel 24:13 ပူးပေါင်းရင်းမြစ်များ

Gḭ-Néje 16:5

Sarai ula Abram pana: Néra majel ləm gə́ m’ra lé maji karee oso dɔi’g ya. Mbata ma m’ila ɓər ləm gə́ dené lé kaari’g. Loo gə́ yeḛ oo rəa to gə́ aw gə kèm ndá yeḛ oom-ma lé gə́ dəw gə́ əḭ kəmee’g el. Maji kar Njesigənea̰ gaŋgta mbuna sí jeḛ səi’g ya.

1 Sôrta Gḭka-Israɛlje 12:18

Dabid teḛ aar no̰ dee’g un ta pa ar dee pana: Ɓó lé seḭ reeje rɔm’g gə takə̰ji gə́ maji mba la ne səm ndá məəm a kɔm sə sí na̰’d ya nɛ ɓó lé seḭ reeje gə mba kərmje kilamje ji njéba̰je’g ləm lal né gə́ majel kára gə́ m’ra ndá maji kar Ala lə ka síje-je ɓa oo gée gə mba kar bo̰ néra sí ɔs ta sí’g tɔ.

Ejekel 16:44

Aa ooje, deḛ gə́ njépa gosotaje lé d’a pa gosota nee kwɔji ne dɔi pana: Néra ko̰ ŋgon to bèe lé ndá néra ŋgonee gə́ dené kara to togə́bè ya tɔ.

Matiyo 15:19

Mbata takə̰ji gə́ majel ləm, gə tɔl gə́ dəw tɔl maree ləm, gə mɔdkaiya ləm, gə kaw gə́ balgogé ləm, gə ɓogo ləm, gə ta gə́ kɔr gaŋg dəa badə-badə ləma, gə tɔr maji rɔ mari’g rɔd-rɔd ləm tɔ lé to néje d’ḭ mee dəw’g gə́ kəi.

Matiyo 7:20

Bèe ndá kandə deeje ɓa seḭ a gər deeje ne ya.

Njéga̰g-Rəwtaje 11:27

Ma lé m’ra səi majel el nɛ i ɓa ra səm majel mbata i rɔ səm. Maji kar Njesigənea̰ gə́ njegaŋ-rəwta lé ɓa gaŋg rəwta mbuna Israɛlje gə Amo̰je’g ɓogənè ya.