1 Samel 24:11 - Maktub gə́ To gə Kəmee

¹¹ I nja oo gə kəmi ɓasinè to gə́ Njesigənea̰ ilai jim’g ɓogənè mee bolè mbal’g ya. D’ɔsm ɓɔḭ-ɓɔḭ gə mba kam m’tɔli nɛ ma m’ya̰’i m’pana: M’a kun jim kɔrɔ ne rɔ mbai ləm el, mbata yeḛ to dəw gə́ Njesigənea̰ wa dəa gə ubu lé ya.

1 Samel 24:11 ပူးပေါင်းရင်းမြစ်များ

2 Samel 1:14

Dabid tel dəjee pana: See i ɓəl el ɓa un jii ɔrɔ ne rɔ yeḛ gə́ Njesigənea̰ wa dəa gə ubu lé ya aree wəi wa.

2 Mbaije 5:13

Nɛ kuraje ləa d’aw pər gə́ rəa’g d’ulá pana: Bɔm, ɓó lé njetegginta ulai gə mba kari ra né gə́ kədərə ya kara see i a ra el wa. Ŋga ɓəd ɓəi ɓa see loo gə́ yeḛ ulai pana: Aw ula rɔi mán ar rɔi àr ŋgad-ŋgad lé ɓəi wa.

Maktub gə́ wɔji dɔ Jɔb 10:16

Ɓó lé m’ndigi kɔr dɔm tar ndá i kɔrm to gə́ toboḭ bèe ləm, I tel kundam gə nédumkooje ləm,

Pakɔsje 119:161

Mbaije lé d’ula kəm ndòo lal né gə́ bèe, Nɛ ma lé taje ləi ya kára ba ɓa m’ndəb ndəbee.

Pakɔsje 140:11

Maji kar kɔr pər gə́ taa pər gəgəgə ya ɓugu dɔ dee’g wɔlɔg ləm, Maji karee ɓugu dee dan pər’g Gə dan bwa-wəlje gə́ d’a kḭ keneŋ teḛ raga gogo el ləm tɔ.

Pakɔsje 35:7

Mbata lal né gə́ bèe ya D’ɔm ne kam ta bwa’d gə mbam ləm, Lal né gə́ bèe ya D’uru ne bwa mba tɔlm ne ləm tɔ.

Pakɔsje 59:3

Ɔrm ji njéra némajelje’g lé ləm, Taam ji dəwje gə́ njékilaməs mar deeje’g lé ləm tɔ.

Pakɔsje 7:5

Ɓó lé m’tel m’ra majel gə yeḛ gə́ si lɔm səm ləma, Ɓó lé m’tɔr né rɔ yeḛ gə́ njekula kəm ndòo’g lal né gə́ bèe ləm tɔ ndá

Gosota-Kəmkàrje 15:1

Ta kila’g gə́ kul yururu lé Tɔl meekḭ jugugu bujuru, Nɛ ta gə́ pa kədərə lé Ɔs gel oŋg gə́ kɔs.

Nɔ̰-ndôo gə́ wɔji dɔ Jerusalem 4:18

Deḛ d’un godə gɔl sí Mba kɔg sí loo kaw looje’g lə sí, Rudu ndɔ lə sí aw gə́ nee dəb ŋga Ar ndɔje lə sí as lé mba̰. Ar ka̰ síjeḛ lé godo ŋga!

Ejekel 13:18

M’a pana: Mbaidɔmbaije gə́ Njesigənea̰ pa togə́bè pana: Meeko̰ a koso dɔ denéje gə́ njékɔs gajije kar dəwje lai nim dɔ kuru ji dee’gje ləm, gə dɔ njékṵji kubu gə́ wɔilɔje kar njé gə́ ŋgal əsé njé gə́ gwɔji d’ila dɔ dee’g mba karee to gum kwa dəwje lé ləm tɔ! See seḭ ə̰jije meḛ sí’g pajena: A kwaje koso-dəwje lə neḛ ŋga lal kwa sí-seḭ wa.

Misee 7:2

Dəw gə́ njemeemaji godo mee ɓee’g ləm, Dəw gə́ njera nédanasur godo mbuna dəwje’g ləm tɔ, Deḛ lai d’um loo gə mba kila məs, Ar nana kara iya gum gə mba kwa ne ŋgokea̰.

Tagə́maji gə́ Ja̰ ndang 15:25

Nɛ yee gə́ neelé teḛ togə́bè gə mba kar ta gə́ ndaŋg mee maktub godndu’g lə dee lé aw ne lée’g béréré ya, mbata ndaŋg pana: Deḛ d’ə̰jim bəḭ-bəḭ lal né gə́ bèe tɔ.

1 Samel 12:3

Ma ya m’aar nee! Ɔrje goo néramje no̰ Njesigənea̰’g ləm, gə no̰ yeḛ’d gə́ yeḛ wa dəa gə ubu lé ləm tɔ. See na̰ ɓa m’taa maŋg ləa əsé na̰ ɓa m’taa mulayḛ̀je ləa wa. See na̰ ɓa m’ula kəmee ndòo əsé m’ra səa né gə́ kədərə wa. See na̰ ɓa m’taa né jia’g ɓa m’un ne kəm dəa’g wa. Ndá m’a tel ne kar sí ya.

1 Samel 18:27

Kédé ɓa kar ndɔ gə́ d’wɔji as ɓəi ndá Dabid ḭ aw gə dəwje ləa aw tɔl ne diŋgamje tɔl-joo (200) mbuna Pilistije’g. Yeḛ ree gə ndar tamɔd dee ar mbai as dɔ lé gə́ yeḛ dəji lé gə mba tel to ne məəm mbaije lé. Togə́bè ɓa Sawul aree ne Mikal, ŋgonee gə́ dené lé gə́ dené ləa ya.

1 Samel 23:14

Dabid aw si dɔdilaloo’g mee looje gə́ siŋ siŋ-siŋ’d tɔɓəi yeḛ si dɔ mbal’g mee dɔdilaloo gə́ Jip tɔ. Sawul saŋgee gə ndɔje ndɔje ya nɛ Ala ilá jia’g el.

1 Samel 23:23

Tenje looje soo-soo gə mba gər looje lai gə́ yeḛ iya rəa keneŋ ɓa telje reeje rɔm’g ree ulamje taree gəd ndá m’a kḭ kaw sə sí na̰’d ɓəi. Ɓó lé yeḛ si mee ɓee’g ndá m’a saŋgee mbuna koso-dəwje gə́ tɔl-dɔg-dɔg’d (1.000) lé lai ya.

1 Samel 25:28

M’ra ndòo rɔi’g, ar məəi oso lemsé dɔ néra gə́ majel’g lə kura ləi gə́ dené mbata Njesigənea̰ a kar kəi lə mbai ləm kiriŋ naŋg kiriŋ-kiriŋ ya. Ar məəi oso lemsé ya mbata i mbai ləm tɔ njekɔs gel rɔje lə Njesigənea̰ ndá dəw a kiŋga néra gə́ majel məəi’g nda̰ el.

1 Samel 26:18

Tɔɓəi yeḛ pana: See gelee ban ɓa mbai ləm un goo kura ləi lad-lad wa. See ɗi ɓa m’ra wa. Esé see ta ɗi ɓa wa dɔm wa.

1 Samel 26:20

Wai! Maji kar məsm ɔm naŋg əw gə Njesigənea̰ el. Mbata mbai lə Israɛlje ɔr rɔ aw saŋg ndisa ba ya to gə́ d’aw ne ndo̰ kɛrɛ dɔ mbalje’g bèe.

1 Samel 26:23

Njesigənea̰ a ra gə nana kara gə goo nérea gə́ gə dɔ najee ləm, gə goo ŋgonkoji ləa ləm tɔ mbata Njesigənea̰ ilai jim’g ɓogənè nɛ ma ɓa m’ndigi kun jim kɔrɔ ne rɔ yeḛ gə́ Njesigənea̰ wa dəa gə ubu lé el.