1 Samel 23:26 - Maktub gə́ To gə Kəmee

²⁶ Sawul aw dəb mbal gə́ kára’g nɛ Dabid gə njérɔje ləa d’aw dəb mbal gə́ kelee gə́ raŋg’d tɔ. Dabid aḭ kalaŋ mba taa ne rəa ji Sawul’g. Nɛ Sawul gə njérɔje ləa d’aḭ dɔ Dabid gə njé’g ləa mba kwa dee

1 Samel 23:26 ပူးပေါင်းရင်းမြစ်များ

2 Samel 15:14

Yen ŋga Dabid ula kuraje ləa gə́ d’isi səa Jerusalem lé pana: Ḭje tar ar sí j’aḭje mbata j’a kiŋga loo kaji rɔ sí no̰ Absalɔm’g el. Ɔsje rɔ sí ɓad mba kaw. Ɓó lé bèe el ndá yeḛ lé a tila gə́ tila el nɛ a kuba sí naŋg bus kar némeeko̰ teḛ dɔ sí’g ləm, yeḛ a rɔ ɓee-boo gə kiambas gə́ adə làm-làm ləm tɔ.

2 Sôrta Gḭka Israɛlje 20:12

Ǝi Ala lə sí, see i a gaŋgta dɔ dee’g el wa. Mbata jeḛ lé siŋga sí gə mba rɔ ne gə njérɔje gə́ bula digi-digi gə́ d’aw gə́ nee lé godo ar sí n’gərje né gə́ kəm ra el nɛ kəm sí to gə́ dɔi-i’g ya.

Pakɔsje 17:11

Deḛ lé d’un dɔ gɔl sí d’aḭ dɔ sí sub ləm, Deḛ d’um sí gə mba tuba sí naŋg mbajila-mbajila ləm tɔ

Pakɔsje 17:9

Ajim ne ji njémeeyèrje gə́ d’ula kəm ndòo ləm, Gə ji njéba̰je ləm gə́ gugu dɔm sub d’aw ne səm rèm-rèm ləm tɔ.

Pakɔsje 22:12

Loo gə́ néurti ree pər gə́ rɔm’g, Loo gə́ dəw kára kara ree mba la səm el lé ndá Maji kari unda rɔi ŋgərəŋ səm el.

Pakɔsje 22:16

Siŋgam tudu kurum-kurum to gə́ a̰ji bèe ləm, Ndo̰m tia̰ kilm’g ndərəg-ndərəg ləm tɔ, I telm gə́ nduji naŋg gə́ ka̰ yoo bèe.

Pakɔsje 31:22

Maji kar dɔ ri Njesigənea̰ ai səgərə! Mbata yeḛ riba səm dɔ meenoji ləa Am m’isi ne asəna gə dəw gə́ si mee ɓee-boo gə́ d’ula ŋgalaŋ gugu ne dəa bèe.

2 Njé gə́ Kɔrḭtə 1:8

Tɔgərɔ ŋgako̰ síje, jeḛ ndigi kya̰ sí məg el. Néurti gə́ teḛ dɔ sí’g Asi lé guru sí rug-rug al dɔ siŋga sí ya ar sí j’ə̰ji meḛ sí’g m’pana: J’a teḛ dəw el.

Loo gə́ killa rea kəm Ja̰’g 20:9

Deḛ d’aw taa loo dɔ naŋg nee pəl-pəl ləm, deḛ gugu gir loo-si lə deḛ gə́ to gə kəmee gə ɓee-boo gə́ d’unda dan kəm dee’g ləm tɔ. Nɛ pər ḭ dara oso dɔ dee’g roo dee dula-dula.

Njéga̰g-Rəwtaje 16:2

D’ula dəwje gə́ Gaja pana: Samso̰ ree loo gə́ nee’g. Deḛ d’ḭ d’aḭ dəa sub d’umee loondul’g tarəw ɓee-boo’g. Loondul’g neelé deḛ d’aar régégé, deḛ pana: Loo gə́ loo a gə kàr yərərə lé ndá j’a tɔlee.

1 Samel 19:12

Togə́bè ɓa Mikal ar Dabid teḛ gə́ kəmbolè ur naŋg aḭ aw. Bèe ɓa yeḛ taa ne rəa ya.

1 Samel 20:38

Yeḛ ra né wəl tɔɓəi pana: Ɔs rɔi ɓad aw kalaŋ ɓó aar naŋg el! Ndá ŋgon lə Jonatan lé odo kandə ɓandaŋgje lé ɔd aw ne rɔ ɓéeje’g.

1 Samel 23:25

Sawul gə njérɔje ləa d’aw mba saŋg Dabid lé. Nɛ d’ɔr soree d’ar Dabid oo ndá yeḛ ḭ dɔ mbal’g aw si dɔdilaloo gə́ Maon. Loo gə́ Sawul oo taree ndá yeḛ un dɔ gɔl Dabid dɔdilaloo gə́ Maon tɔ.

1 Samel 23:27

ɓa njekaḭkula kára ree ula Sawul pana: Ɔs rɔi ɓad gə mba tel ree mbata Pilistije d’ur mee ɓee’g taa loo pəl-pəl.