1 Samel 23:20 - Maktub gə́ To gə Kəmee

²⁰ Ǝi mbai, ɓó lé məəi ndigi ndá maji kari ree ɓa a to ta lə síjeḛ gə mba kilá ji mbai’g ɓəi.

1 Samel 23:20 ပူးပေါင်းရင်းမြစ်များ

2 Samel 3:21

Abner ula Dabid pana: M’a kḭ kaw mbo̰ Israɛlje lai rɔ mbai’g ləm gə́ to mbai lé. D’a manrɔ dee kari ndá i a ko̰ɓee dɔ Israɛlje’g lai to gə́ məəi wɔji lé ya. Dabid ya̰ Abner aree aw gə meekulɔm.

Pakɔsje 112:10

Njemeeyèr lé aa loo ée ndá Oŋg ḭ səa pu ləm, Yeḛ sɔ ŋgaŋgee dəa’g pəgərə-pəgərə ɓa Lée dumee təs ɓəi ləm tɔ. Néje gə́ njémeeyèrje ndiŋga lé Tel to né gə́ kari ba.

Pakɔsje 54:3

Ǝi Ala, maji kari ajim gə goo rii gə́ ɓar ləm, Maji kari ra rəwta ləm gə goo siŋgamoŋ ləi ləm tɔ.

Gosota-Kəmkàrje 11:23

Né gə́ njémeekarabasurje ndiŋga lé To némaji ya kára ba, Nḛ́gina lə njémeeyèrje lé To gə́ meekḭ jugugu ɓa.

Gosota-Kəmkàrje 24:15

Maji kum loo gə meeyèr loo-si njemeekarabasur’g el ləm, Tuji loo-siée gə́ yeḛ wa rəa keneŋ el ləm tɔ.

Gosota-Kəmkàrje 29:26

Dəwje bula saŋg loo taa kəm njeko̰ɓee, Nɛ Njesigənea̰ ɓa to njekɔrkəmta lə nana kara gə goo rəbee.

Tel tura Godndu 18:6

Loo gə́ dəw gə́ ginkoji’g lə Ləbi a gə kḭ kya̰ loo gə́ yeḛ sí keneŋ, gə́ to mee ɓee gə́ Israɛl mba kaw ra ɓee loo gə́ wa mée yaa̰’d gə́ to loo gə́ Njesigənea̰ a mbər lé ləm,

1 Samel 23:12

Dabid dəji Njesigənea̰ ya tɔɓəi pana: See dəwje gə́ Keyila d’a kilam-ma gə njérɔje ləm ji Sawul’g wa. Ndá Njesigənea̰ tel ilá keneŋ pana: D’a kilai jia’g ya.

1 Samel 23:21

Sawul pana: Maji kar Njesigənea̰ tɔr ndia dɔ sí’g mbata seḭ ooje kəmtondoo ləm.