1 Samel 23:14 - Maktub gə́ To gə Kəmee

¹⁴ Dabid aw si dɔdilaloo’g mee looje gə́ siŋ siŋ-siŋ’d tɔɓəi yeḛ si dɔ mbal’g mee dɔdilaloo gə́ Jip tɔ. Sawul saŋgee gə ndɔje ndɔje ya nɛ Ala ilá jia’g el.

1 Samel 23:14 ပူးပေါင်းရင်းမြစ်များ

2 Sôrta Gḭka Israɛlje 11:8

gə Gat, gə Maresa, gə Jip,

Pakɔsje 32:7

I ɓa to loo-kula-rɔm keneŋ ləm, I nja ɓa gə́ njekɔgm dɔ koso dan ndòo’g ləm tɔ, I aḭ dɔm sub gə pa taa ne dɔm.

Pakɔsje 55:7

Ma m’pana: Wai! Ɓó lé bagm to keneŋ to gə́ dərnda bèe ndá M’a kuba naŋg kḭ nar kaw ne loo-kwa-rɔm’g ya.

Gosota-Kəmkàrje 1:16

Mbata gɔl dee un dee pélé-pélé gə́ loo néra gə́ majel’g ləm, Deḛ d’ɔs rɔ dee ɓad Gə mba kila məs ləm tɔ.

Gosota-Kəmkàrje 21:30

Kəmkàr əsé gosonégər əsé takwɔji-kəmkàr gə́ askəm kaar no̰ Njesigənea̰’g lé godo.

Gosota-Kəmkàrje 4:16

Mbata deḛ toɓi el ya saar njen Ra né gə́ majel ya ɓa, Ɓi oso kəm dee’g el ya saar njen D’ar dəw kára oso ya ɓa tɔ,

Jeremi 36:26

Mbai lé un ndia ar Jerameel, ŋgolə mbai ləm, gə Seraja, ŋgolə Asriel ləma, gə Selemia, ŋgolə Abdeel ləm tɔ mba kar dee d’wa Baruk, njendaji-maktub lə Jeremi gə Jeremi njetegginta lé. Nɛ Njesigənea̰ iya dee kág.

Njé gə́ Rɔmə 8:31

See j’a pa ban dɔ ta’g neelé ɓəi wa. Ɓó lé Ala nai sə sí ndá see na̰ ɓa a koma̰ sə sí gə dɔrea wa.

2 Timote 3:11

gə nékəmndooje gə némeekonje gə́ teḛ dɔm’g ləm tɔ. Némeeko̰je gə́ teḛ dɔm’g Antiɔs, gə Ikɔnə, gə Listrə ləm, gə nékəmndooje gə́ ram yaa̰ ləm tɔ lé i gər gao ya tɔ. Nɛ Mbaidɔmbaije taa dɔm ya.

Jujé 15:24

gə Jip, gə Telem, gə Bealot,

Jujé 15:55

Maon, gə Karmel, gə Jip, gə Juta,

1 Samel 23:15

Dabid oo to gə́ Sawul teḛ aw saŋg loo mba tɔlee ndá yeḛ nai dɔdilaloo gə́ Jip mee kag-kɔr’g.

1 Samel 23:7

D’ula Sawul ta teḛ gə́ Dabid teḛ Keyila ndá yeḛ pana: Ala ilá jim’g mba̰ mbata yeḛ ree ula rəa dan mee ɓee-boo gə́ pəgərəje to ta rəw-kɔgje’g ləa ya.

1 Samel 24:11

I nja oo gə kəmi ɓasinè to gə́ Njesigənea̰ ilai jim’g ɓogənè mee bolè mbal’g ya. D’ɔsm ɓɔḭ-ɓɔḭ gə mba kam m’tɔli nɛ ma m’ya̰’i m’pana: M’a kun jim kɔrɔ ne rɔ mbai ləm el, mbata yeḛ to dəw gə́ Njesigənea̰ wa dəa gə ubu lé ya.

1 Samel 27:1

Dabid ə̰ji mée’g pana: Ma neelé ndɔ kára ndá Sawul a tujim ya ɓəi. Né gə́ maji yaa̰ gə́ kəm ra ndá, kam m’aḭ m’aw mee ɓee’g lə Pilistije ɓa. Bèe ɓa Sawul a kya̰ goo korə gə́ yeḛ aw kɔrəm dɔ naŋg ɓee’g lə Israɛlje lé ya. Togə́bè ɓa m’a taa ne rɔm jia’g tɔ.