1 Samel 22:7 - Maktub gə́ To gə Kəmee

⁷ Sawul ula kuraje ləa gə́ d’aar mbɔree’g lé pana: Ooje maji, seḭ Bḛjamije! See ŋgolə Isai lé a kar sí-seḭ lai loo-ndɔje gə loo-ndɔ-nduúje wa. See a kar sí-seḭ lai toje mbai dɔ dəwje gə́ tɔl-dɔg-dɔg (1.000) gə mbai dɔ dəwje gə́ tɔl-tɔl (100) wa.

1 Samel 22:7 ပူးပေါင်းရင်းမြစ်များ

2 Samel 18:1

Dabid tən njérɔje gə́ d’aw səa na̰’d lé ndá yeḛ unda njékaa dɔ mar deeje gə́ tɔl-dɔg-dɔg (1.000) ləm, gə njékaa dɔ njé gə́ tɔl-tɔl (100) ləm tɔ.

2 Samel 20:1

Lée neelé dəw gə́ njemeeyèr kára si keneŋ ria lə Seba, ŋgolə Bikri, dəw gə́ Bḛjami. Yeḛ lé im to̰to̰ ndá yeḛ pana: Jeḛ lé né lə sí kára kara to rɔ Dabid’g el ləm, Nédɔji lə sí to rɔ ŋgolə Isai’g el ləm tɔ! Seḭ Israɛlje lé maji kar nana kara tel aw kəi-kubu’g ləa-ləa ya.

1 Mbaije 12:16

Loo gə́ Israɛlje lai d’oo to gə́ mbai lé oo ta lə dee el ndá koso-dəwje tel d’ila mbai’g lé pana: See ɗi lə síjeḛ ɓa to rɔ Dabid’g wa. Nénduba lə síjeḛ to na̰’d gə ka̰ ŋgolə Isai el! Israɛl, awje kəi-kubuje’g lə sí. Seḭ njé’g lə Dabid, raje né gə mbata lə gin bauje lə sí. Bèe ɓa Israɛlje lai tel d’aw mee kəi-kubuje’g lə dee ya tɔ.

1 Sôrta Gḭka-Israɛlje 12:16

Deḛje neelé ɓa gaŋg baa gə́ Jurdɛ̰ mee naḭ gə́ dɔtar loo gə́ mán rusu koŋgo ruba raga pɔ-pɔ lé ndá deḛ tuba deḛ lai gə́ d’isi mee wəl-looje gə́ bər əsé dɔ-gó d’ar dee d’aḭ d’aw əw lé.

Esai 11:1

Tɔɓəi barkəmrɔ Isai a kidi dɔ jigee’g ləm, Barkəmee a tuba dɔ ŋgiraje’g ləm tɔ.

Esai 11:10

Mee ndəa’g neelé barkəmrɔ Isai A kaar keneŋ asəna gə nétɔji mbata lə koso-dəwje, Ginkoji dəwje gə raŋg d’a tel kəm dee gə́ rəa’g Ndá rɔnduba ɓa a taa loo-siée pəl-pəl ya.

1 Samel 18:14

Yeḛ teḛkɔr dɔ kula reaje’g lai mbata Njesigənea̰ nai səa ya.

1 Samel 20:27

Bèlè lookàree, ndɔ gə́ njekɔm’g joo mee ndɔ ra naḭ gə́ teḛ sigi’g lé loo-si Dabid to kari ba ya ɓəi. Sawul dəji ŋgonee Jonatan pana: See gelee ban ɓa ŋgolə Isai lé ree ta nésɔ’g tagə́nè el ləm, gə ɓogənè el ləm wa.

1 Samel 20:30

Oŋg lə Sawul ḭ səa pu dɔ Jonatan’g aree ulá pana: I ŋgon gə́ njedum gə njekɔsta-rəw lé kwa gə́ i wa kura gə ŋgolə Isai aree to nérɔkul ləi gə nérɔkul lə kɔinje to lé see ma m’gər el wa.

1 Samel 22:13

Sawul dəjee pana: See ban ɓa seḭ gə ŋgolə Isai o̰je njumam mba kɔsmje ne rəw wa. See ban ɓa i aree muru gə kiambas ləm, i dəji Ala ta gə mbata ləa mba karee ḭ səm gə umum ne rəw to gə́ yeḛ ra ɓogənè bèe lé ləm tɔ wa.

1 Samel 22:9

Doɛg, dəw gə́ Edɔm gə́ aar mbuna kuraje’g lə Sawul lé ilá keneŋ pana: Ma m’oo ŋgolə Isai gə́ ree Nob, rɔ Ahimelek’g, gə́ to ŋgolə Ahitub lé.

1 Samel 25:10

Nabal tel ila kuraje’g lə Dabid lé pana: See Dabid ɓa gə́ nawa. See na̰ ɓa to ŋgolə Isai wa. Ɓasinè kuraje bula d’ḭ rɔ ɓée deeje’g d’aḭ.