1 Samel 22:6 - Maktub gə́ To gə Kəmee

⁶ Sawul oo to gə́ dəwje gər ta gə́ wɔji dɔ Dabid gə dɔ dəwje gə́ d’isi səa. Mee ndəa’g neelé Sawul si gel mas’g mee ɓee gə́ Gibea gə́ to dɔdərloo’g. Ko̰-niŋga ləa to jia’g ləm, kuraje ləa lai mbo̰ dɔ na̰ d’aar mbɔree’g ləm tɔ.

1 Samel 22:6 ပူးပေါင်းရင်းမြစ်များ

Gḭ-Néje 21:33

Abrakam maan kagje gə́ ɓar dee tamarisje Beer-Seba. Lée neelé ɓa yeḛ pidi Njesigənea̰, Ala gə́ Njesi gə ləbee-ləbee gə nea̰ keneŋ.

Njéga̰g-Rəwtaje 4:5

Yeḛ si gel tumbur’d gə́ ɓaree tumbur lə Debora gə́ to mbuna Rama gə Betel’g lé ɓa si gaŋg rəwta, kaar mbal’g lə Eprayim, ndá Israɛlje ree rəa’g mba karee gaŋg rəwta lə dee.

1 Samel 14:2

Sawul si ŋgaŋ ɓee gə́ Gibea gel kag gə́ to tana gə dḭ gə́ aar Migro̰ ndá njérɔje gə́ d’aw səa na̰’d lé d’as tɔl-misa̰ (600) jén bèe.

1 Samel 18:10

Bèlè lookàree ndá ndil gə́ yèr gə́ Ala ulá lé ree ula kəm Sawul ndòo aree si aa loo gəl-gəl mee kəi’g ləa. Dabid lé si im né to gə́ yeḛ im ne né ndɔje gə́ kédé’g ləm, Sawul si gə ko̰-niŋga ləa jia’g ləm tɔ.

1 Samel 19:9

Ndɔ kára bèe loo gə́ Dabid si im kṵdu-ko̰dè ləa ndá ndil gə́ majel gə́ Njesigənea̰ ulá lé dəb dɔ Sawul’g loo gə́ yeḛ wa ko̰-niŋga ləa jia’g si ne mee kəi’g ləa lé.

1 Samel 20:33

Yen ŋga Sawul un ko̰-niŋga ləa tɔjee ne mba kuree ne. Ndá Jonatan gər to gə́ bɔbeeje wɔji mée’g njaŋg mba tɔl Dabid ya.

1 Samel 31:13

Deḛ d’odo siŋga dee d’aw dubu dee gel mas’g ɓee gə́ Jabɛs ndá deḛ d’ɔg meḛ dee ɓoo as ndɔ siri.