1 Samel 22:23 - Maktub gə́ To gə Kəmee

²³ Maji kari si səm nee ya ɓó ɓəl el mbata dəw gə́ saŋg loo mba tɔlm lé ndá ndigi tɔli-i ya tɔ. Mbata loo gə́ mbɔrm’g lé d’a kaa dɔi keneŋ maji ya.

1 Samel 22:23 ပူးပေါင်းရင်းမြစ်များ

2 Samel 9:7

Dabid ulá pana: Maji kari ɓəl el mbata ma m’ndigi ra səi meemaji mbata Jonatan gə́ bɔbije lé ya. M’a kari dɔ naŋgje lai gə́ to ka̰ kaije Sawul ləm, tɔɓəi i a sɔ né səm na̰’d ta-ta ləm tɔ.

1 Mbaije 1:7

Deḛ gə Joab, ŋgolə Seruja gə Abiatar njekinjanéməs d’o̰ juma̰ na̰’d ləm, d’ɔm səa na̰’d dɔ’g ləm tɔ.

1 Mbaije 2:26

Mbai lé ula Abiatar, njekinjanéməs tɔɓəi pana: Ɔd aw Anatot dɔ naŋgje’g ləi mbata i lé kəm kari wəi ya tɔ, nɛ m’a kari wəi ɓogənè el mbata i un sa̰duk-manrɔ lə Mbaidɔmbaije gə́ Njesigənea̰ no̰ bɔm Dabid’g ləm, nékəmndooje lai gə́ ra bɔm lé rai səa ləm tɔ.

Matiyo 24:9

Yen ŋga d’a kwa sí kula kəm sí ndòo ləm, d’a kar sí uduje ne ləma, ginkoji dəwje gə raŋg lai d’a kḛji sí bəḭ-bəḭ gə mba rim-ma lé ləm tɔ.

Tagə́maji gə́ Ja̰ ndang 15:20

Arje meḛ sí olé dɔ ta gə́ ma m’ula sí’g lé: Kura lé a kur dɔ ɓéeje’g el. Ɓó lé deḛ d’ula kəm-ma ndòo ndá d’a kula kəm sí-seḭ ndòo tɔ, ɓó lé d’aa dɔ ta ləm kər-kər ndá d’a kaa dɔ ta lə sí-seḭ kər-kər tɔ.

Tagə́maji gə́ Ja̰ ndang 17:12

Loo gə́ ma m’nai sə dee dɔ naŋg nee ɓəi lé ma m’ŋgəm dee gə rii nja. Deḛ gə́ i am dee lé ma m’ŋgəm dee m’ar dəw kára kara ndəm igi el nɛ ŋgon lə njetuji ɓa igi gə mba kar ta gə́ ndaŋg mee maktub gə́ to gə kəmee lé aw ne lée’g béréré ya.

Tagə́maji gə́ Ja̰ ndang 18:9

Yeḛ pa togə́bè mba kar ta gə́ yeḛ pa kédé lé aw ne lée’g béréré mbata yeḛ pana: Deḛ gə́ i am dee lé m’ar dəw kára kara mbuna dee’g igi el.

1 Samel 23:17

ndá yeḛ ulá pana: Ɓəl el mbata ji bɔm Sawul a kɔrɔ rɔi el. I a ko̰ɓee dɔ Israɛlje’g ndá m’a to yeḛ gə́ njekɔm’g joo ləi mba si mbɔri’g tɔ. Bɔm Sawul kara gər togə́bè ya tɔ.