1 Samel 22:2 - Maktub gə́ To gə Kəmee

² Deḛ lai gə́ to njénékəmndooje ləm, gə deḛ lai gə́ ɓaŋg to dɔ dee’g ləma, gə deḛ lai gə́ meḛ dee lel dee el ləm tɔ lé mbo̰ dɔ na̰ rəa’g ndá yeḛ tel to mbai dɔ dee. Togə́bè deḛ lai gə́ d’ɔm gelee’g lé d’as dəwje tɔl-sɔ (400).

1 Samel 22:2 ပူးပေါင်းရင်းမြစ်များ

2 Samel 17:8

Tɔɓəi Usai pana: I gər bɔbije gə njérɔje ləa gao, deḛ to bao-rɔje gə́ ra oŋg yaa̰ asəna gə da-urs gə́ mee wala’d gə́ dəw wa ŋganeeje bèe. Bɔbije to njerɔ ndá yeḛ a to na̰’d gə koso-dəwje loondul’g nee el.

2 Samel 5:2

Kédé gə́ ləw lé loo gə́ Sawul to ne mbai lə sí lé ya kara to i ɓa ɔr no̰ Israɛlje aw sə dee raga ləm, gə tel sə dee ɓée ləm tɔ. Tɔɓəi Njesigənea̰ ulai pana: I a kul koso-dəwje lə neḛ gə́ Israɛl ləm, i a to mbai dɔ Israɛlje’g ləm tɔ.

2 Mbaije 20:5

Maji kari tel aw ula Ejekias, mbai dɔ koso-dəwje ləm pana: Njesigənea̰, Ala lə bɔbije gə́ Dabid pa togə́bè pana: Ma m’oo tamaji ləi ya ləm, m’oo mán-no̰ gə́ to kəmi’g ya ləm tɔ, aa oo, m’a kari aji ya, ndɔ gə́ njekɔm’g munda ndá i a kaw mee kəi’g lə Njesigənea̰.

2 Mbaije 4:1

Dené kára mbuna denéje’g lə njéteggintaje ra ndòo rɔ Elije’g pana: Ŋgabmje gə́ to kura ləi lé wəi, nɛ i gər gao to gə́ yeḛ lé to njekwa Njesigənea̰ mée’g. Nɛ njeɓaŋ ree mba taa ŋganəmje gə́ joo gə mba kwa dee gə́ ɓərje ləa.

Gosota-Kəmkàrje 31:6

Kidoje gə́ mḭ lé maji kar dee d’ar dəw gə́ a gə tuji ləm, Man-nduú gə́ mḭ lé maji kar dee d’ar dəw gə́ mée adee mbag-mbag ləm tɔ ɓa,

Matiyo 11:12

Un kudee mee ndɔ’g lə Ja̰ Njera-batɛm saar ɓasinè lé ɓeeko̰ gə́ dara lé d’aw səa kərm-kərm ar njéra-né-kərmje ɓa taa ɓee neelé ya.

Matiyo 11:28

Reeje rɔm’g, seḭ gə́ nékodo gə́ wɔi to dɔ sí’g ar sí daoje ne ɓa m’a kun dɔ sí’g.

Ǝbrəje 2:10

Tɔgərɔ ya, Ala gə́ unda néje lai ləm, nékundaje lai to kea̰-yeḛ ləm tɔ lé yeḛ nja ra gə goo rəbee loo gə́ yeḛ ar njegin bəgərə kaji lə ŋganee bula uru dan néurti’g, mba karee to ne dəw gə́ maji dum ləm, mba karee ɔr no̰ dee ula ne rɔnduba dɔ dee’g ləm tɔ.

Njéga̰g-Rəwtaje 11:3

Bèe ɓa Jepte aḭ ŋgakea̰je aw əw aw si ɓee gə́ Tɔb. Gaim-dəwje mbo̰ dɔ na̰ rɔ Jepte’g ndá d’aw təd wai səa na̰’d.

Njéga̰g-Rəwtaje 18:25

Danje d’ulá pana: Ar ndui ɓar dɔ sí’g el, ɓó lé bèe el ndá dəwje gə́ to njéo̰gje d’a kḭ kɔm na̰ dɔ sí’g karee to gin tuji ləi-i ləm, gə ka̰ njémeekəije ləi ləm tɔ.

1 Samel 1:10

Dan némeekad’g lé An ra tamaji ta Njesigənea̰’g no̰ ne ɓugudu-ɓugudu tɔ.

1 Samel 22:3

Dabid ḭ lée’g neelé aw Mispé mee ɓeeko̰ gə́ Moab. Yeḛ ula mbai gə́ Moab lé pana: M’ra ndòo rɔi’g, maji kari ya̰ loo ar bɔmje gə kɔmje ree d’isi rɔi’g nee saar kam m’oo né gə́ Ala a ra mbata ləm ɓa.

1 Samel 23:13

Yen ŋga Dabid gə njérɔje ləa gə́ d’as tɔl-misa̰ (600) lé d’ḭ Keyila d’aw loo gə́ d’askəm kaw keneŋ. Loo gə́ Sawul oo to gə́ Dabid ḭ Keyila aḭ aw ndá yeḛ ya̰ goo kaw gə́ wɔji kaw rɔ lé.

1 Samel 25:13

Yen ŋga Dabid ula basaje ləa lé pana: Maji kar nana kara tɔ kiambas ləa rḛgee’g rḛgee’g! Deḛ tɔ kiambas lə dee reŋ dee’g reŋ dee’g. Dabid kara tɔ kiambas ləa ya tɔ ndá njérɔje tɔl-sɔ (400) jén ɓa d’un gée. Ges dee nai tɔl-joo (200) ta nékodoje’g tɔ.

1 Samel 30:6

Dabid si dan boo-néurti’g mbata d’wɔji-kwɔji tilá gə kɔri-ər. Meḛ njérɔje lai adə dee mbag-mbag, nana kara mbata ŋganeeje gə́ diŋgam gə njé gə́ dené tɔ. Nɛ Dabid wa mée kɔgərɔ, gəd ne rəa rɔ Njesigənea̰, Ala’g lé ləa.

1 Samel 9:16

Bèlè, kàr gə́ bèe ndá m’a kula dəw gə́ ɓee’g lə Bḛjami karee ree rɔi’g ndá i a kwa dəa gə ubu mba karee to mbai dɔ koso-dəwje ləm gə́ Israɛl. Yeḛ a taa koso-dəwje ləm ji Pilistije’g mbata ma m’aa loo m’oo koso-dəwje ləm ndá ndu no̰ lə dee aw saar teḛ rɔm’g ya.