1 Samel 22:17 - Maktub gə́ To gə Kəmee

¹⁷ Mbai lé ula njéŋgəmeeje gə́ d’aar mbɔree’g lé pana: Telje kəm sí, tɔlje njékinjanéməsje lə Njesigənea̰ mbata deḛ ndigi gə Dabid. Deḛ d’oo gao to gə́ yeḛ aḭ ya nɛ d’ulam taree el. Nɛ kuraje lə mbai lé ndigi kun ji dee tɔl ne njékinjanéməsje lə Njesigənea̰ lé el.

1 Samel 22:17 ပူးပေါင်းရင်းမြစ်များ

2 Samel 15:1

Goo néje’g neelé Absalɔm iŋga pusu-rɔ kára ləm gə kundaje ləm gə dəwje rɔ-mi gə́ to njé k’aḭ nea̰’gje ləm tɔ.

1 Mbaije 1:5

Adonija, ŋgolə Dabid gə́ yeḛ ojee gə Agit lé ar beelé ɔs mée aree ḭ gə dɔ rəa pana: Ma nja m’a to mbai. Yeḛ mbo̰ pusu-rɔje gə njérɔ gə kundaje ləm, ar dəwje rɔ-mi d’aiŋgwɔd nea̰’g ləm tɔ.

1 Mbaije 14:27

Mbai Roboam ra dərje gə larkas taa ne tor dee tɔɓəi yeḛ ɔm dərje lé ji ɓé-njérɔkwɔilɔje’d gə́ to njékaḭ bada dɔ looje gə́ ŋgəm takəije lə mbai mba kar dee ŋgəm dee maji tɔ.

1 Mbaije 18:4

mbata loo gə́ Jejabel tuji njéteggintaje lə Njesigənea̰ ndá Abdias wa njéteggintaje as tɔl (100) iya dee rɔ-mi rɔ-mi mee bolè mbal’g, tɔɓəi yeḛ ar dee muru ləm, gə mán-kai ləm tɔ.

2 Mbaije 10:25

Loo gə́ deḛ tɔl kula nékinjanéməsje gə́ ka̰ roo lé bém ndá Jehu ula njérɔje gə́ njékaḭ bada dɔ looje’g gə ɓée deeje lé pana: Gə́ reeje a̰dje kəi tɔl deeje, arje dəw kára kara teḛ el. Bèe ɓa deḛ tɔl dee ne gə kiambas ya. Njérɔje gə ɓée deeje d’ɔm dee raga ndá deḛ d’aw saar teḛ ne ɓee gə́ kəi gə́ to gə kəmee gə́ to loo-pole magə-Baal lé to keneŋ.

Teḛ-Raga 1:17

Nɛ njétaa-ndóoje neelé ɓəl Ala, gelee gə́ nee ɓa deḛ mbad ra né torndu mbai gə́ njeko̰ɓee gə́ Ejiptə lé ndá d’ar ŋganje gə́ diŋgam d’isi ne kəmba ya.

Néra Njékaḭkulaje 4:19

Piɛrə gə Ja̰ tel d’ila dee keneŋ pana: Ǝ̰jije maji ooje no̰ Ala’g ɓasinè ɓa, see ra torndu sí-seḭ ŋga ɓa maji unda ra ka̰ Ala wa.

1 Samel 14:45

Njérɔje d’ula Sawul pana: Ta ɗi bèe wa! Jonatan gə́ taa Israɛlje ɔm dee tar nee ya a kwəi bèe wa! Bèe el! Njesigənea̰ si kəmba ya! Yiŋga dəa kára kara a kɔr koso naŋg el mbata mee ndəa’g neelé Ala ɓa la səa aree ra né neelé ya. Togə́bè ɓa njérɔje d’aji ne Jonatan d’aree wəi ne el.

1 Samel 2:31

Aa oo, kàree teḛ mba kar neḛ n’gaŋg jikɔli ləm, gə n’gaŋg jikɔl njémeekəije lə bɔbije-je ləm tɔ mba kar ɓuga dəw godo ginkoji’g ləi saar gə no̰ ya.

1 Samel 20:33

Yen ŋga Sawul un ko̰-niŋga ləa tɔjee ne mba kuree ne. Ndá Jonatan gər to gə́ bɔbeeje wɔji mée’g njaŋg mba tɔl Dabid ya.

1 Samel 22:13

Sawul dəjee pana: See ban ɓa seḭ gə ŋgolə Isai o̰je njumam mba kɔsmje ne rəw wa. See ban ɓa i aree muru gə kiambas ləm, i dəji Ala ta gə mbata ləa mba karee ḭ səm gə umum ne rəw to gə́ yeḛ ra ɓogənè bèe lé ləm tɔ wa.

1 Samel 22:16

Mbai lé ilá keneŋ pana: I Ahimelek a kwəi, i gə njémeekəije lə bɔbije lai ya.

1 Samel 25:17

Ɓasinè, maji kari ə̰ji maji oo né gə́ kəm kari ra mbata tuji lə ɓée síje gə njémeekəije ləa lai lé to né gə́ d’wa dɔ gɔlee mba̰ nɛ yeḛ lé to njemeeyèr gə́ dəw oo loo kulá ta el.

1 Samel 8:11

Yeḛ pana: Aa ooje, néje gə́ wɔji dɔ mbai gə́ a gə ko̰ dɔ sí lé ɓa nee: Yeḛ a twa ŋgan síje gə́ diŋgam kunda dee gə́ njékal pusu-rɔje ləm, gə mbuna njérɔ gə kundaje’g ləa ləm tɔ mba kar deḛ d’aḭ ne no̰ pusu-rɔ’g ləa.