1 Samel 22:15 - Maktub gə́ To gə Kəmee

¹⁵ See ɓogənè ɓəi ɓa m’un kudu dəji ta Ala mbata ləa ɓəi wa. Wah! togə́bè el! Maji kar mbai ila ta kari ba dɔ kura’g ləa əsé dɔ dəw’g kára mbuna njémeekəije’g lə bɔbeeje el tɔ. Mbata ta neelé yeḛ gə́ lam əsé yeḛ gə́ boi kara kura ləi gər kára kara el.

1 Samel 22:15 ပူးပေါင်းရင်းမြစ်များ

2 Samel 15:11

Dəwje gə́ Jerusalem d’as tɔl-joo (200) gə́ Absalɔm ɓar dee lé d’aw səa na̰’d. Deḛ d’aw səa gə́ kaw ya bèe lal gər ginee.

2 Samel 19:18

Bḛjamije gə́ d’aw səa lé d’as tɔl-dɔg (1.000) ləm, gə Siba, kura lə njémeekəije lə Sawul gə ŋganeeje gə́ diŋgam dɔg-gir-dee-mi gə kuraje ləa rɔ-joo səa na̰’d ləm tɔ. Deḛ gaŋg baa gə́ Jurdɛ̰ no̰ mbai’g.

2 Samel 19:19

Too gə́ boi gə́ deḛ gɔlee mbata lə mbai lé d’odo ne njémeekəije ləa mba gaŋg ne baa. Loo gə́ mbai a gə gaŋg baa gə́ Jurdɛ̰ ndá léegəneeya Simei, ŋgolə Gera unda barmba nea̰’g.

2 Samel 5:19

Dabid dəji Njesigənea̰ pana: See m’a kḭ kaw rɔ gə Pilistije wa. See i a kya̰ dee jim’g ya wa. Ndá Njesigənea̰ ila Dabid keneŋ pana: Aw ya mbata m’a kya̰ Pilistije neelé jii’g ya.

2 Samel 5:23

Dabid dəji Njesigənea̰ ndá Njesigənea̰ ulá pana: I a kaw el, nɛ turu rɔi goo dee’g gogo ndá i a kiŋga dee no̰ kag-kɔlje’g.

2 Njé gə́ Kɔrḭtə 1:12

Mbata né gə́ jeḛ n’ti ne rɔ sí dɔ’g lé ɓa to nee: Jeḛ lé ta gə́ meḛ sí ula sí ɓa ar sí j’oo gao kaw gə́ jeḛ j’aw dɔ naŋg nee ləm, gə né gə́ jeḛ n’ra gə mbata lə sí ləm tɔ lé jeḛ n’ra gə meenda gə meemaji no̰ Ala’g ya: jeḛ n’ra gə goo noji lə Ala ya ɓó jeḛ n’ra gə goo kəmkàr gə́ ka̰ naŋg nee el.

1 Samel 22:16

Mbai lé ilá keneŋ pana: I Ahimelek a kwəi, i gə njémeekəije lə bɔbije lai ya.

1 Samel 25:36

Abigayil tel ree rɔ Nabal’g. Nɛ aa oo, yeḛ ra naḭ gə́ boo mee kəi’g ləa asəna gə naḭ gə́ ka̰ mbai bèe. Mee Nabal lelee ləm, kido rəa yaa̰ ləm tɔ. Abigayil ulá ta né gə́ lam əsé gə́ boi kára kara el saar ar loo àr.