1 Samel 22:14 - Maktub gə́ To gə Kəmee

¹⁴ Ahimelek tel ila mbai’g pana: See na̰ ɓa mbuna kuraje’g ləi gə́ kəm kwɔji ne njekila ŋgonkoji to gə́ Dabid, yeḛ gə́ to məəm mbaije ləm, gə njera tornduije karee ɔr rɔd ləma, gə gə́ d’ila riɓar dəa’g mee kəi’g ləi ləm tɔ wa.

1 Samel 22:14 ပူးပေါင်းရင်းမြစ်များ

1 Samel 17:25

Nana kara pa pana: See ooje dəw gə́ teḛ ree aar neelé ya wa. Yeḛ ree gə mba kuma-rɔ Israɛlje ɓa! Ɓó lé dəw a tɔlee ndá mbai a dəaa gə nébaoje ləm, a karee ŋgonee gə́ dené ləa ləma, njémeekəije lə bɔbeeje kara a kɔr ta dɔ dee’g kar dee d’isi lɔm mee ɓee gə́ Israɛl ləm tɔ.

1 Samel 18:13

Ndá Sawul ɔree rəa’g undá loo gə́ əw’g aree to mbai dɔ njérɔje gə́ tɔl-dɔg (1.000). Dabid teḛ ɔr no̰ njérɔje aw sə dee raga ləm, tel sə dee ɓée ləm tɔ.

1 Samel 18:27

Kédé ɓa kar ndɔ gə́ d’wɔji as ɓəi ndá Dabid ḭ aw gə dəwje ləa aw tɔl ne diŋgamje tɔl-joo (200) mbuna Pilistije’g. Yeḛ ree gə ndar tamɔd dee ar mbai as dɔ lé gə́ yeḛ dəji lé gə mba tel to ne məəm mbaije lé. Togə́bè ɓa Sawul aree ne Mikal, ŋgonee gə́ dené lé gə́ dené ləa ya.

1 Samel 20:32

Jonatan dəji bɔbeeje Sawul pana: See gelee ban ɓa d’a tɔlee lé wa. See ɗi ɓa yeḛ ra wa.

1 Samel 21:2

Dabid aw Nob rɔ njekinjanéməs’d gə́ ria lə Ahimelek. Yeḛ neelé aiŋgwɔd gə kəm ɓəl aw tila kəm Dabid dəjee pana: See gelee ban ɓa i aw gə kari ba bèe wa. See dəw kára kara ree səi el wa.

1 Samel 22:13

Sawul dəjee pana: See ban ɓa seḭ gə ŋgolə Isai o̰je njumam mba kɔsmje ne rəw wa. See ban ɓa i aree muru gə kiambas ləm, i dəji Ala ta gə mbata ləa mba karee ḭ səm gə umum ne rəw to gə́ yeḛ ra ɓogənè bèe lé ləm tɔ wa.

1 Samel 24:11

I nja oo gə kəmi ɓasinè to gə́ Njesigənea̰ ilai jim’g ɓogənè mee bolè mbal’g ya. D’ɔsm ɓɔḭ-ɓɔḭ gə mba kam m’tɔli nɛ ma m’ya̰’i m’pana: M’a kun jim kɔrɔ ne rɔ mbai ləm el, mbata yeḛ to dəw gə́ Njesigənea̰ wa dəa gə ubu lé ya.

1 Samel 25:28

M’ra ndòo rɔi’g, ar məəi oso lemsé dɔ néra gə́ majel’g lə kura ləi gə́ dené mbata Njesigənea̰ a kar kəi lə mbai ləm kiriŋ naŋg kiriŋ-kiriŋ ya. Ar məəi oso lemsé ya mbata i mbai ləm tɔ njekɔs gel rɔje lə Njesigənea̰ ndá dəw a kiŋga néra gə́ majel məəi’g nda̰ el.

1 Samel 26:23

Njesigənea̰ a ra gə nana kara gə goo nérea gə́ gə dɔ najee ləm, gə goo ŋgonkoji ləa ləm tɔ mbata Njesigənea̰ ilai jim’g ɓogənè nɛ ma ɓa m’ndigi kun jim kɔrɔ ne rɔ yeḛ gə́ Njesigənea̰ wa dəa gə ubu lé el.