1 Samel 21:7 - Maktub gə́ To gə Kəmee

⁷ Yen ŋga njekinjanéməs lé aree muru gə́ d’unda gə kəmee lé mbata muru gə́ raŋg godo. To muru gə́ to gə kəmee gə́ d’un no̰ Njesigənea̰’g gə́ raŋg gə mba kar yeḛ gə́ nuŋga mee ndəa’g neelé taa toree.

1 Samel 21:7 ပူးပေါင်းရင်းမြစ်များ

Gḭ-Néje 26:20

Njékulbadje gə́ Gerar kɔl gə njékulbadje lə Isaak pana: Man lé to ka̰ síjeḛ. Ndá yeḛ unda ri mán neelé lə Esek mbata deḛ ra səa ta dɔ’g.

1 Sôrta Gḭka-Israɛlje 27:29

Sitrai, dəw gə́ Saron ɓa to njekaa dɔ koso-maŋgje gə́ d’ul dee loo-ko̰-mu’g Saron, Sapat, ŋgolə Adlai to njekaa dɔ koso-maŋgje gə́ mee wəl-looje’g tɔ,

1 Sôrta Gḭka-Israɛlje 27:31

Jasis, dəw gə́ Hagare to njekaa dɔ koso-badje. Deḛ lai to njékaa dɔ nékiŋgaje lə mbai Dabid lé.

2 Sôrta Gḭka Israɛlje 26:10

Yeḛ ra kəije gə́ duu dɔ loo dɔdilaloo’g ləm, yeḛ ur bwa-manje bula yaa̰ keneŋ ləm tɔ, mbata yeḛ aw gə nékulje bula yaa̰ mee wəl-looje’g gə ndag-looje’g ləm, njḛ́dɔ-ndɔje ləa, gə njéŋgəm ndɔ-nduúje ləa d’isi dɔ mbal gə́ Karmel ləm tɔ mbata yeḛ unda ndɔ dan kəmee’g ya.

Ejekel 33:31

Deḛ d’aw rɔi’g bula ndá koso-dəwje lə neḛ d’isi naŋg nɔḭ’g, d’oo taje gə́ ḭ tai’g nɛ deḛ ra née el mbata ta dee ɓa deḛ su ne kəm loo ləm, d’ya̰ meḛ dee yag gə́ dɔ mal néje’g gə goo rəbee el ləm tɔ.

Ləbije 22:10

Dəw gə́ to ginkoji’g lə njekinjanéməs el lé a sɔ néje gə́ to gə kəmee lé el, gə́ si mee kəi’g lə njekinjanéməs əsé kura gə́ ra kula mba kiŋga ne lar kara deḛ neelé d’a sɔ néje gə́ to gə kəmee lé el tɔ.

Ləbije 22:13

Nɛ njekinjanéməs gə́ ŋgonee gə́ dené to njekəisiŋga əsé ŋgabeeje tubá gə́ lal ŋganje ɓa tel aw mee kəi’g lə bɔbeeje to gə́ yeḛ nai ne ma̰də ɓəi lé ndá yeḛ a kaskəm sɔ nésɔ lə bɔbeeje ya. Dəw gə́ rara gə́ to gə́ ginkoji’g lə njekinjanéməs el lé a sɔ né neelé el tɔ.

Ləbije 24:5

I a kun nduji gə́ ndá léréré ndá a kila gə́ mbə dɔg-giree-joo, nduji nékwɔji kwɔi-lə-né misa̰ as mbə kára kára tɔ.

Ləbije 24:8

Ndɔ-kwa-rɔje lai lé, d’a ndur mbəje neelé dɔ na̰’d no̰ Njesigənea̰’g ta-ta: yee ɓa to né manrɔ gə́ to gə no̰ gə́ Israɛlje d’a kaa dəa ya.

Amɔs 8:5

Seḭ pajena: See ndɔ gə́ ra ɓa naḭ gə́ sigi a dəs Mba kar sí ndogoje kó lé wa. See ndɔ siri lé a godo kàr gə́ ban ɓa Mba kar sí j’ɔr kó dàmá Mba kaw ndogo wa. J’a rəmje gə nékwɔji-né ləm, Laree kara j’a karee ḭ dɔ maree’g ləma, J’a kərje kəm dee gə nékwɔji-né gə́ ŋgɔm ləm tɔ,

Matiyo 15:8

Koso-dəwje neelé ta dee ɓa deḛ təd ne kagm, Nɛ meḛ dee nai səm əw.

1 Samel 11:5

Nɛ aa ooje, Sawul lé ḭ ndɔ goo maŋgje’g ləa ndá yeḛ pana: See ɗi ɓa ra koso-dəwje ar dee no̰ ne bèe wa. Deḛ d’ɔr goo ta gə́ njé gə́ Jabɛs pa lé.

1 Samel 14:47

Loo gə́ Sawul ar ko̰ gə́ yeḛ o̰ ɓee dɔ Israɛlje’g lé to njaŋg ndá yeḛ rɔ gə njéba̰je ləa gə́ yo gə́ nee. Yeḛ rɔ gə Moabje ləm, gə Amo̰je ləm, gə Edɔmje ləm, gə mbaije gə́ Soba ləma, gə Pilistije ləm tɔ. Looje lai gə́ turu rəa keneŋ lé yeḛ un baŋga-baŋga ya.

1 Samel 21:8

Mee ndəa’g neelé kura lə Sawul kára ɔg rəa naŋg no̰ Njesigənea̰’g. Yeḛ to dəw gə́ Edɔm, ria lə Doɛg gə́ to mbai dɔ njekul nékulje lə Sawul.

1 Samel 22:10

Ahimelek dəji Njesigənea̰ ta mbata ləa ləm, yeḛ aree muru gə kiambas lə Goliat gə́ to dəw gə́ Pilisti lé ləm tɔ.

1 Samel 22:22

Dabid ula Abiatar pana: Mee ndəa gən lé ma m’ə̰ji m’gər gao to gə́ Doɛg, dəw gə́ Edɔm lé a lal kula Sawul el. To ma nja m’to gin yoo dəwje lai gə́ mee kəi’g lə bɔbije ya.

1 Samel 22:9

Doɛg, dəw gə́ Edɔm gə́ aar mbuna kuraje’g lə Sawul lé ilá keneŋ pana: Ma m’oo ŋgolə Isai gə́ ree Nob, rɔ Ahimelek’g, gə́ to ŋgolə Ahitub lé.