1 Samel 20:41 - Maktub gə́ To gə Kəmee

⁴¹ Loo gə́ ŋgon lé ɔd aw mba̰ ndá Dabid ḭ dəb loo gə́ kára gə́ to par gə́ dɔkɔl, tɔɓəi yeḛ oso bəbərə dəb kəmee naŋg naŋg as gɔl munda. Ndá Kuramar-na̰je gə́ joo neelé d’wa na̰ kar na̰’g sud ləm no̰ na̰’d ləm tɔ, nɛ Dabid ɓa no̰ ɓugudu-ɓugudu unda maree ya.

1 Samel 20:41 ပူးပေါင်းရင်းမြစ်များ

Gḭ-Néje 29:11

Jakob il ɓɔl Rasel tɔɓəi yeḛ no̰ gə mán-no̰ kəmee’g tɔ.

Gḭ-Néje 29:13

Loo gə́ Laba̰ oo ta lə Jakob gə́ to ŋgolə lə kɔnanee lé ndá yeḛ aḭ aw tila kəmee ləm, wá kaaree’g sud il ɓɔlee ləma, aree ree səa mee kəi’g ləa ləm tɔ. Jakob ɔr sor néje neelé lai ar Laba̰ oo tɔ.

Gḭ-Néje 33:4

Esawu aiŋgwɔd tila kəmee. Yeḛ wá kaaree’g sud, tuga gwɔbee kea̰’g, wá kaaree’g sud tɔ. Deḛ no̰ gə mán-no̰ kəm dee’g.

Gḭ-Néje 42:6

Jisəb ɓa to njeguburu ɓee gə́ dɔ naŋg’d neelé. Yeḛ nja ɓa dəwje lai mee ɓeeko̰’g ndogo kó rəa’g. Ŋgako̰ Jisepje ree d’unda barmba nea̰’g dəb kəm dee naŋg nea̰’g tɔ.

Gḭ-Néje 43:28

Deḛ d’ilá keneŋ pana: Kura ləi gə́ bɔ síje lé si gə́ majee ya ləm, yeḛ si kəmba ya ləm tɔ. Tɔɓəi deḛ d’ula dɔ dee naŋg, d’unda barmba nea̰’g.

Gḭ-Néje 45:15

Tɔɓəi yeḛ il ɓɔl ŋgakea̰je lai, no̰ ne dɔ dee’g. Gée gə́ gogo ndá ŋgakea̰je d’wɔji səa ta.

2 Samel 1:2

Ndɔ gə́ njekɔm’g munda ndá dəw kára ḭ loo-si njérɔje’g lə Sawul. Kubuje gə́ rəa’g ŋgisi ləm, kor wa dəa lub-lub ləm tɔ. Loo gə́ yeḛ ree aar no̰ Dabid’g ndá yeḛ oso naŋg bəbərə dəb kəmee naŋg.

2 Samel 1:26

Ma m’isi dan meeko̰’g mbata ləi-i, Ŋgokɔm Jonatan! I ra néje lai gə́ taa kəm rəgm, Ndigi gə́ i ndigim lé maji dum ləm, Ur dɔ ndigi gə́ ndigi denéje ləm tɔ.

2 Samel 14:4

Dené gə́ Tekoa lé aw pata ar mbai lé. Yeḛ oso naŋg bəbərə unda barmba dəb kəmee naŋg ndá yeḛ pana: Ǝi mbai, maji kari la səm ya kari!

2 Samel 19:39

Mbai lé pana: Maji kar Kimham aw səm ya ndá m’a ra səa né gə́ a taa kəmi ya, néje lai gə́ i ndigi kiŋga rɔm’g ndá m’a ra kari ya.

2 Samel 9:6

Mepiboset, ŋgolə Jonatan gə́ to ŋgolə Sawul lé ree rɔ Dabid’g ndá yeḛ oso naŋg bəbərə unda barmba dəb kəmee naŋg nea̰’g. Dabid ɓaree pana: Mepiboset! Yeḛ ndigi təa’g pana: To ma kura ləi ya.

1 Mbaije 1:16

Bat-Seba unda barmba dəb kəmee naŋg no̰ mbai’g. Ndá mbai lé dəjee pana: See ɗi ɓa i ndigi wa.

1 Mbaije 1:23

D’ula mbai pana: Aa oo, Natan, njetegginta ree. Yeḛ aw dɔ mbai’g ndá unda barmba dəb kəmee naŋg nea̰’g.

1 Mbaije 1:31

Yen ŋga Bat-Seba dəb kəmee naŋg unda barmba no̰ mbai’g. Ndá yeḛ pana: Maji kar dɔ Dabid, mbai ləm ai səgərə saar-saar gə no̰ ya.

Néra Njékaḭkulaje 20:37

Deḛ lai neelé kəm dee təd gə mán-no̰, ar dee nim na̰ dɔ tamee’g njururu.

1 Samel 10:1

Samel un ku-ubu ndá yeḛ tər dɔ Sawul’g. Yeḛ il ɓɔlee tɔɓəi pana: See Njesigənea̰ ɓa tər ubu dɔi’g mba kari to mbai dɔ né kea̰ yeḛ’g el wa.

1 Samel 18:3

Jonatan man rəa ar Dabid mbata yeḛ ndigee to gə́ ndigi ne darəa-yeḛ bèe.

1 Samel 20:40

Jonatan tel gə nérɔje ləa ar ŋgon ləa lé ulá ne pana: Ɔd aw ne mee ɓee-boo’g.

1 Samel 24:9

Gée gə́ gogo Dabid unda loo mee bolè mbal’g lé teḛ raga tɔ. Yen ŋga yeḛ ra né wəl goo Sawul’g pana: Ǝi mbai ləm! Sawul ɔm rəd gée’g ndá Dabid rəm bəbərə oso dəb kəmee naŋg.

1 Samel 25:23

Loo gə́ Abigayil oo Dabid ndá yeḛ ḭ gə tɔgee dɔ mulayḛ̀je’g ləa ur naŋg unda barmba dəb kəmee naŋg no̰ Dabid’g.