1 Samel 20:32 - Maktub gə́ To gə Kəmee

³² Jonatan dəji bɔbeeje Sawul pana: See gelee ban ɓa d’a tɔlee lé wa. See ɗi ɓa yeḛ ra wa.

1 Samel 20:32 ပူးပေါင်းရင်းမြစ်များ

Gḭ-Néje 31:36

Oŋg ḭ gə Jakob pu ndá yeḛ kɔl gə Laba̰. Yeḛ un ta pa pana: See né gə́ majel gə́ m’ra lé to ɗi wa əsé ɗi ɓa to kaiya rám ɓa i ndolè ne goom ta pir-pir bèe wa.

Gosota-Kəmkàrje 22:24

Maji kari ɔr kura gə dəw gə́ to njeoŋ el ləm, Dəw gə́ njera né kərm-kərm kara njaa səa el ləm tɔ,

Njekillamber 7:9

Maji kari ḭ kalaŋ ra oŋg el Mbata oŋg lé ra ɓee meḛ mbəje’g.

Njekillamber 9:3

Né kára gə́ majel mbuna néje’g lai Gə́ ra dɔ naŋg neelé ɓa nee: Né gə́ kára ba teḛ dɔ dəwje’g lai ya. Gelee gə́ nee ɓa meḛ ŋgan-dəwje lé Meeyèr gə néra mbə ɓa Taa meḛ dee pəl-pəl loo si kəmba’g lə dee Saar d’aw ne ɓee lə njé gə́ d’wəi’g tɔ.

Jeremi 17:9

Mee dəw ɓa ulá na̰’d Unda néje gə́ raŋg lai, Meeyèr taa loo keneŋ pəl-pəl, See na̰ askəm gər né gə́ to keneŋ wa.

Matiyo 27:23

Njeguburuɓee lé tel dəji dee tɔɓəi pana: See né majel gə́ yeḛ ra lé see to gə́ ɗi wa. Deḛ lai ra né u-u-u pana: Maji ɗaree kaar kag’d ya.

Lugu 23:22

Pilatə tel dəji dee ɔm gə́ gɔl munda pana: See né gə́ majel gə́ yeḛ ra lé gə́ ɗi wa. Ma m’iŋga ta gə́ wa dəa gə́ as yée kára bèe el. Bèe ndá m’a kundá gə ndəi-kɔb ndá m’a kundá kilá tar.

Tagə́maji gə́ Ja̰ ndang 7:51

Godndu lə sí lé see a kila ta dɔ dəw’g lal koo ne né gə́ debee neelé ra wa.

1 Samel 18:11

Sawul wa ko̰-niŋga ləa mèr-mèr pa ne ta mée’g pana: M’a kur ne Dabid rədee kaar bɔrɔ’g. Nɛ Dabid sa rəa rəa’g as gɔl joo.

1 Samel 19:4

Jonatan ɔr ta lə Dabid maji no̰ bɔbeeje Sawul’g pana: Maji kar mbai ra majel gə kura ləa gə́ Dabid lé el mbata yeḛ ra səi né gə́ majel kára kara el. Néje lai gə́ yeḛ ra lé to né gə́ maji mbata ləi ya.

1 Samel 19:5

Yeḛ ila rəa da tɔl ne dəw gə́ Pilisti ar Njesigənea̰ ra ne né gə́ boo taa ne dɔ Israɛlje. I oo gao, i ra rɔlel dɔ’g ya tɔ. See gelee ban ɓa i a ra kaiya kila ne məs yeḛ gə́ ta wa dəa el ləm, a kar dee tɔl Dabid lal né gə́ bèe ləm tɔ ɓəi wa.

1 Samel 20:1

Dabid ḭ Najot gə́ to mbɔr Rama’g lé aḭ. Yeḛ aw iŋga Jonatan dəjee pana: See ɗi ɓa m’ra wa. Néram gə́ gə goo rəbee el lé to ɗi wa. See kaiya ɗi ɓa m’ra kəm bɔbije’g ɓa yeḛ ndigi kam m’udu ne wa.

1 Samel 20:7

Ɓó lé yeḛ pana: Maji ya! ndá né kára gə́ kəm kar kura ləi ɓəl lé godo. Nɛ ɓó lé oŋg ḭ səa ɓəi ndá maji kari gər gao to gə́ yeḛ wɔji mée’g gə mba ra səm majel ya.

1 Samel 22:14

Ahimelek tel ila mbai’g pana: See na̰ ɓa mbuna kuraje’g ləi gə́ kəm kwɔji ne njekila ŋgonkoji to gə́ Dabid, yeḛ gə́ to məəm mbaije ləm, gə njera tornduije karee ɔr rɔd ləma, gə gə́ d’ila riɓar dəa’g mee kəi’g ləi ləm tɔ wa.