1 Samel 20:30 - Maktub gə́ To gə Kəmee

³⁰ Oŋg lə Sawul ḭ səa pu dɔ Jonatan’g aree ulá pana: I ŋgon gə́ njedum gə njekɔsta-rəw lé kwa gə́ i wa kura gə ŋgolə Isai aree to nérɔkul ləi gə nérɔkul lə kɔinje to lé see ma m’gər el wa.

1 Samel 20:30 ပူးပေါင်းရင်းမြစ်များ

Maktub gə́ wɔji dɔ Jɔb 5:2

Dəw gə́ gər né el lé tuji dan oŋg’d ləa ləm, Mbə-dəw lé wəi dan meekḭ jugugu’g ləa ləm tɔ.

Gosota-Kəmkàrje 14:29

Yeḛ gə́ ar oŋg ḭ səa kalaŋ-kalaŋ el lé To bao-gosonégər, Nɛ yeḛ gə́ ar oŋg ḭ səa kalaŋ-kalaŋ lé Riba dɔ néra mbə ləa gə́ raga.

Gosota-Kəmkàrje 15:2

Ndo̰ njékəmkàrje ar mal gər né ra dəwje, Nɛ ta mbə-dəwje teḛ gə néra mbə gə́ raga-raga.

Gosota-Kəmkàrje 19:12

Oŋg lə mbai lé to asəna gə ndu kinja miḭ lə toboḭ bèe ləm, Koo kəmtondoo ləa lé to asəna gə mán-tàl gə́ wa dɔ mu’g bèe ləm tɔ.

Gosota-Kəmkàrje 19:19

Yeḛ gə́ ar oŋg al dəa sula ndá lé riri kara a koo kea̰, Mbata ɓó lé i ɔree keneŋ ndá yeḛ a tel ra ya tɔɓəi.

Gosota-Kəmkàrje 21:24

Njebeelé gə́ to njekəsta lé to njekula sul dɔ loo’g, Yeḛ ra né gə meekḭ jugugu gə́ ka̰ kəsta.

Gosota-Kəmkàrje 25:28

Dəw gə́ to dəw dɔ rəa el lé To asəna gə ɓee-boo gə́ deḛ tuji ndògo-bɔrɔ ləa d’aree godo.

Gosota-Kəmkàrje 27:3

Kɔr mbal wɔi ləm, nagəra kara to né gə́ wɔi ləm tɔ, Nɛ meeko̰ lə mbə-dəw lé wɔi unda dee joo bɔr.

Matiyo 5:22

Nɛ ma nja m’ula sí woḭ, nana ɓa gə́ ra meeko̰ dɔ ŋgokea̰’g ndá d’a koso səa loo-gaŋg-rəwta’g ya. Yeḛ gə́ taji ŋgokea̰ ɓaree mbə lé ndá d’a koso səa loo-gaŋg-rəwta lə Jibje. Yeḛ gə́ ɓar ŋgokea̰ kɔr ndá pər gehene’g ɓa gə́ bo̰ nérea gə́ a kɔs təa’g.

Njé gə́ Epesə 4:31

Meekad ləm, gə ba̰ gə́ gə ria-ria ləm, gə oŋg ləm, gə kɔl na̰ gə oŋg ləm, gə tajikil ləma, gə meeyèr gə́ gə ria-ria ləm tɔ lé saneeje dan sí’g kɔ ya.

Njé gə́ Epesə 6:4

Seḭ, bɔ ŋganje lé undaje ndu dɔ ŋgan síje’g el nɛ odo deeje ndəji deeje ləm, ndoo deeje ta lə Mbaidɔmbaije ləm tɔ.

1 Samel 20:29

Yeḛ pana: N’ra ndòo rɔm’g mba kam m’ya̰ neḛ m’ar neḛ n’aw mbata mee ɓee-boo’g lə neḛ lé nékinjaməs gə́ wɔji dɔ njémeekəije lə neḛ to keneŋ. Ɓó lé neḛ n’taa kəm rəgm ndá maji kam m’ya̰ neḛ m’ar neḛ n’aw kalaŋ n’aw n’oo ŋgako̰ neḛje lé ɓa. Gelee gə́ nee ɓa yeḛ ree ne ta ka-nésɔ’g lə mbai lé el gə mbəa.

1 Samel 20:31

Mbata ɓó lé loo gə́ ŋgolə Isai lé si kəmba dɔ naŋg nee ndá i a kiŋga meelɔm el ləm, ɓeeko̰ ləi kara a to lɔm el ləm tɔ. Bèe ndá ɓasinè ya, ula kula ar dee saŋgee ree səa d’am mbata yeḛ lé kəm karee wəi ya.