1 Samel 20:29 - Maktub gə́ To gə Kəmee

²⁹ Yeḛ pana: N’ra ndòo rɔm’g mba kam m’ya̰ neḛ m’ar neḛ n’aw mbata mee ɓee-boo’g lə neḛ lé nékinjaməs gə́ wɔji dɔ njémeekəije lə neḛ to keneŋ. Ɓó lé neḛ n’taa kəm rəgm ndá maji kam m’ya̰ neḛ m’ar neḛ n’aw kalaŋ n’aw n’oo ŋgako̰ neḛje lé ɓa. Gelee gə́ nee ɓa yeḛ ree ne ta ka-nésɔ’g lə mbai lé el gə mbəa.

1 Samel 20:29 ပူးပေါင်းရင်းမြစ်များ

1 Samel 16:2

Samel pana: See m’a kaw to gə́ ban wa. Sawul a koo taree ndá a tɔlm. Nɛ Njesigənea̰ ulá pana: I a kwa ma̰də maŋg jii’g kaw ne ndá a pana: I ree mba kinja nékinjaməs kar Njesigənea̰.

1 Samel 17:28

Eliab, ŋgokea̰ gə́ to tɔg lə dee lé loo gə́ oo ta gə́ yeḛ dəji njérɔje neelé ndá mée ḭ səa jugugu gə oŋg dɔ Dabid’g. Ndá yeḛ pana: See ɗi ɓa i ree gə́ mbəa wa. See na̰ ɓa i ya̰ badje gə́ bula lam ba lé jia’g dɔdilaloo’g wa. Ma m’gər beelé gə goso gə́ to məəi’g gao. I ree gə mba koo rɔ ɓa.

1 Samel 20:28

Jonatan tel ila Sawul’g pana: Dabid dəjim am m’yá̰ m’aree aw Betlehem.

1 Samel 20:30

Oŋg lə Sawul ḭ səa pu dɔ Jonatan’g aree ulá pana: I ŋgon gə́ njedum gə njekɔsta-rəw lé kwa gə́ i wa kura gə ŋgolə Isai aree to nérɔkul ləi gə nérɔkul lə kɔinje to lé see ma m’gər el wa.