1 Samel 20:27 - Maktub gə́ To gə Kəmee

²⁷ Bèlè lookàree, ndɔ gə́ njekɔm’g joo mee ndɔ ra naḭ gə́ teḛ sigi’g lé loo-si Dabid to kari ba ya ɓəi. Sawul dəji ŋgonee Jonatan pana: See gelee ban ɓa ŋgolə Isai lé ree ta nésɔ’g tagə́nè el ləm, gə ɓogənè el ləm wa.

1 Samel 20:27 ပူးပေါင်းရင်းမြစ်များ

Matiyo 13:55

See yeḛ to ŋgolə njekḭjakag lé el wa. See Mari ɓa to gə́ kea̰je el wa. See Jak gə Jisəb gə Simo̰ gə Jude lé to gə́ ŋgakea̰je el wa.

1 Piɛrə 2:4

Yeḛ gə́ to mbal gə́ to kəmba lé awje pər gə́ rəa’g, dəwje mbadee ya nɛ Ala ɔree ée gə́ né gə́ to gə́ ŋgonkəmee.

1 Samel 18:11

Sawul wa ko̰-niŋga ləa mèr-mèr pa ne ta mée’g pana: M’a kur ne Dabid rədee kaar bɔrɔ’g. Nɛ Dabid sa rəa rəa’g as gɔl joo.

1 Samel 19:15

Sawul tel ula dee tɔɓəi mba kar dee d’aw d’oo Dabid ndá yeḛ pana: Uneeje gə tira ləa bura reeje səa mba kam m’tɔlee.

1 Samel 20:26

Mee ndəa’g neelé Sawul pata kára el mbata yeḛ ə̰ji mée’g pana: Banelə né teḛ dəa’g əsé rəa mina̰, tɔgərɔ rəa mina̰ ya.

1 Samel 20:28

Jonatan tel ila Sawul’g pana: Dabid dəjim am m’yá̰ m’aree aw Betlehem.

1 Samel 20:5

Dabid tel ilá keneŋ pana: Aa oo, bèlè ndá a to ndɔ ra naḭ gə́ teḛ sigi ndá to kəm kam m’isi gə mbai na̰’d ta nésɔ’g ya. Nɛ ya̰’m am m’aw m’iya rɔm mee ndɔ’g saar kàrkemetag gə́ mee ndɔ gə́ njekɔm’g munda lé ɓa.

1 Samel 25:10

Nabal tel ila kuraje’g lə Dabid lé pana: See Dabid ɓa gə́ nawa. See na̰ ɓa to ŋgolə Isai wa. Ɓasinè kuraje bula d’ḭ rɔ ɓée deeje’g d’aḭ.