1 Samel 2:9 - Maktub gə́ To gə Kəmee

⁹ Yeḛ a tɔs kəmee dɔ panjaa njé’g ləa’g Gə́ yeḛ unda dee dan kəmee’g, Nɛ njémeeyèrje d’a tuji pugudu-pugudu Dan loo gə́ ndul njudu-njudu’g. Mbata dəw lé askəm kun baŋga Gə goo siŋgamoŋ ləa-yeḛ el.

1 Samel 2:9 ပူးပေါင်းရင်းမြစ်များ

Maktub gə́ wɔji dɔ Jɔb 18:18

D’ɔsee lookàr’g d’ila dan loondul’g ləm, Deḛ tɔbee dɔ naŋg nee ləm tɔ.

Maktub gə́ wɔji dɔ Jɔb 40:13

Maji kari iya dee na̰’d ya lai gel naŋg’d ləm, Maji kari ɔm dee duu-loo gə́ ndul njudu-njudu’g ləm tɔ.

Maktub gə́ wɔji dɔ Jɔb 5:16

Yeḛ ar meekundayel gəd njénékəmndooje ləm, Yeḛ ar ta njéra né kori-korije udu rub ləm tɔ.

Maktub gə́ wɔji dɔ Jɔb 5:24

I a kal rɔi gə némajije mee kəi-kubu’g ləi ləm, I a kiŋga koso-nékulje ləi gə loo dee ya lai ləm tɔ.

Pakɔsje 1:6

Mbata njémeekarabasurje lé Njesigənea̰ gər rəw-kaw dee ya, Nɛ rəw-kaw njékaiyaje lé Ɔm dee loo gə́ d’a gə tuji keneŋ pugudu.

Pakɔsje 105:37

Yeḛ ar koso-dəwje ləa d’unda loo teḛ Gə larnda gə larlɔr ji dee’g kel-kel Ar dəw kára gə́ mbuna ginkoji’g lə dee lé unda ndolè el.

Pakɔsje 121:3

Yeḛ a kya̰ loo kar gɔli unda ndolè el. Yeḛ gə́ njekaa dɔi lé ɓi a kwa kəmee nda̰ el.

Pakɔsje 121:5

Njesigənea̰ lé to njekaa dɔi ya ləm, Njesigənea̰ to ndil gə́ aar dɔ jikɔli’g o̰ dɔi ləm tɔ.

Pakɔsje 121:8

Njesigənea̰ a kaa dɔi loo-kabi’g ləm, gə loo-teli’g ləm tɔ, Un kudee ɓasinè saar gə no̰.

Pakɔsje 145:20

Njesigənea̰ lé tɔs kəmee dɔ deḛ lai gə́ d’undá dan kəm dee’g, Nɛ njémeeyèrje lai lé Yeḛ tuji dee pugudu-pugudu.

Pakɔsje 31:17

Maji kari ar kəmi to jḛ̀ dɔ kura’g ləi, Maji kari ajim gə goo meenoji ləi!

Pakɔsje 37:28

Mbata Njesigənea̰ ndigi néra gə́ gə meekarabasur ləm, Yeḛ uba majikojije ləa ya̰ dee el ləm tɔ, Yeḛ tɔs kəmee bao-bao dɔ dee’g. Nɛ ŋgaka njémeeyèrje lé D’a kudu bo̰ dɔ naŋg nee.

Pakɔsje 94:18

Loo gə́ ma m’pa m’pana: Gɔlm unda bala tigi-tigi lé Ǝi Njesigənea̰, meemaji ləi lé to gə́ kag gədm ya.

Pakɔsje 97:10

Seḭ gə́ undaje Njesigənea̰ dan kəm sí’g lé Ǝ̰jije né gə́ majel bəḭ-bəḭ ya. Yeḛ tɔs kəmee bao-bao dɔ majikojije’g ləa Ɔr dee ne ji njémeeyèrje’g.

Gosota-Kəmkàrje 16:9

Mee dəw wɔji rəw-kabee, Nɛ Njesigənea̰ ɓa wɔji loo tila gɔlee keneŋ.

Gosota-Kəmkàrje 2:8

Gə mba ŋgəm ne kila-rəwje Gə́ ka̰ néra gə́ gə dɔ najee ləm, Gə mba gəd ne majikojije ləa Dɔ rəw-kaw dee’g ləm tɔ.

Gosota-Kəmkàrje 3:26

Mbata Njesigənea̰ ɓa a to nékɔm mee dɔ’g ləi ndá Yeḛ a ŋgəm gɔli kar gum wai el tɔ.

Njekillamber 5:17

Aa oo, né gə́ ma m’oo ɓa nee: Né gə́ maji mbata lə dəw lé Karee sɔ gə ai ləm, gə ra rɔlel Dɔ némajije lai gə́ yeḛ iŋga Gə kulaje lai gə́ yeḛ ra dɔ naŋg nee Mee ndɔje bula gə́ Ala aree si ne kəmba lé ləm tɔ lé Yee ɓa gə́ né gə́ maji mbata ləa. Mbata yee nee ɓa gə́ nédɔji ləa.

Njekillamber 9:11

Ma m’tel m’oo dɔ naŋg nee ya ɓəi. To gə́ ŋgwɔd lé To gə mba njékaḭgwɔd kalaŋje ba el ləm, Rɔ lé kara wɔji dɔ bao-rɔje ba el ləm, Nésɔ lé wɔji dɔ njékəmkàrje ba el ləm, Nékiŋga kara wɔji dɔ njégosonégərje ba el ləma, Riɓar kara wɔji dɔ bao-gosɔnégərje ba el ləm tɔ. Mbata néje lai teḛ dɔ dee’g Gə goo ndəaje gə kàreje ɓa.

Esai 27:3

Ma Njesigənea̰ m’to gə́ njeŋgəmee, Ma m’saga mán dɔ’g ta-ta Nà dəw a ree tujee, Ma m’ŋgəm loondul’g gə dan kàrá.

Esai 47:5

Seḭ Kaldeje gə́ toje asəna gə ŋgon gə́ dené bèe lé Sije naŋg gə ta sí mundu ləm, Awje dan loondul’g ləm tɔ, D’a ɓar sí mbai dɔ ɓeeko̰je el ŋga.

Jeremi 8:14

See gelee ban ɓa j’isi naŋg wa. Maji kar sí mbo̰je dɔ na̰, J’awje mee ɓee-booje gə́ siŋga dee to Mba kar sí j’wəije keneŋ! Mbata Njesigənea̰ Ala wɔji kar sí j’wəije, Yeḛ ar sí j’aije mán Gə́ kuma̰ tɔl dəw to keneŋ, Mbata jeḛ n’raje kaiya J’ɔsje ne ta lə Njesigənea̰ rəw.

Jeremi 9:23

Nɛ yeḛ gə́ ndigi kɔs gaji rəa ndá Maji karee ɔs gaji rəa Mbata yeḛ gər gosonégər Gə mbata gər gə́ yeḛ gərm ne ləm. Gə gər gə́ yeḛ gər To gə́ ma m’to Njesigənea̰, Gə́ njera meemaji gə njera né gə́ danasur, Gə njenéra gə́ gə dɔ najee dɔ naŋg nee ləm tɔ, Yee neelé ɓa gə́ né gə́ taa kəm rəgm, Njesigənea̰ ɓa pa bèe.

Nahum 1:8

Nɛ paŋgəm mán gə́ turu tuma̰-tuma̰ lé ɓa Yeḛ a tuji ne loo neelé pugudu. Tɔɓəi yeḛ a tuba njéba̰je ləa Saar kɔm dee dan loo gə́ ndul njudu-njudu’g.

Soponi 1:15

Ndɔ neelé a to ndɔ oŋg-boo ləm, Gə ndɔ nékəmndoo gə néɓəŋgərəti ləm, Gə ndɔ tuji-boo gə ndɔ néurti ləm, Gə ndɔ gə́ loo a ndul njudu-njudu gə loo a dəb rigim ləma, Gə ndɔ gə́ ndi pélé dara gə mumje ləm tɔ.

Jakari 4:6

Tɔɓəi yeḛ tel ilam’g pana: Yee neelé to ta gə́ Njesigənea̰ ula Jorobabel pana: To gə goo né gə́ wɔji dɔ siŋgamoŋ lə njérɔje gə́ d’aw rɔ ne el ləm, Esé gə goo siŋgamoŋ lə dəw el ləm tɔ, Nɛ gə goo Ndil neḛ-neḛ nja kára ba, Njesigənea̰ gə́ njeboo-néje lé ɓa pa bèe.

Bula lə Israɛlje 6:24

Maji kar Njesigənea̰ tɔr ndia dɔi’g ləm, maji karee aa dɔi ləm tɔ!

Matiyo 8:12

Nɛ kojikəije lə ɓeeko̰ lé d’a kɔm dee raga gir loo gə́ ndul njudu-njudu’g ləm, d’a no̰ gə mán-no̰ kəm dee’g sɔ ne ŋgaŋ dee pəgərə-pəgərə ləm tɔ.

Njé gə́ Rɔmə 3:19

Jeḛ n’gər gao taje lai gə́ godndu wɔji lé wɔji ar deḛ gə́ d’isi gel godndu’g lé mba kar nana kara təa to gə loo ndèmee sem-sem ləm, gə mba kar dəwje lai-lai d’isi gə ta dɔ dee’g no̰ Ala’g lé ləm tɔ.

Tel tura Godndu 33:3

Oiyo, yeḛ unda koso-dəwje lé dan kəmee’g, Deḛ gə́ to gə kəmee ləa lai to meḛ jia’g. Deḛ d’isi gel gɔlee’g ləm, Deḛ taa taje ləa ləm tɔ.

1 Piɛrə 1:5

gə mba kar sí-seḭ gə́ siŋgamoŋ lə Ala aḭ ŋgaŋ sí gə goo meekun lə sí lé mbata kaji gə́ a gə nduba rəa gə́ raga ndəa gə́ rudee a kun ɗiao lé.

2 Piɛrə 2:17

Dəwje neelé to d’asəna gə kəm-rəw-mán gə́ mán yi keneŋ tə ləm, deḛ to gə́ ndi gə́ lel-boo ɔree aree unda dɔ ləm tɔ, duu-loo gə́ ndul njudu-njudu lé to wɔji dɔ dee-deḛ ya.

Jude 1:1

Ma Jude, kura lə Jeju Kristi ləm, gə ŋgoko̰ Jak ləm tɔ lé m’ndaŋg maktub nee m’ar dee-deḛ gə́ Ala Bɔ-dəwje ɓar dee ləm, unda dee dan kəmee’g ləma, aḭ bada dɔ dee’g mba kar Jeju Kristi lé ləm tɔ.

Jude 1:13

Deḛje neelé néra gə́ mina̰ lə dee lé uba ndugu-ndugu asəna gə paŋgəm mán baa-boo-kad gə́ tuga ar əmee ḭ bèe. Deḛ to d’asəna gə niŋga-ndɔ gə́ teḛ igi kág gə́ loo gə́ ndul njudu-njudu ɓa wɔji dɔ dee gə no̰.

Jude 1:3

Seḭ gə́ m’unda sí dan kəm’g lé məəm ɔsm ɓɔḭ-ɓɔḭ gə mba karm m’ndaŋg maktub m’ar sí m’wɔji ne dɔ kaji lə sí gə́ jeḛ j’ɔm na̰ keneŋ sad lé. Bèe ɓa m’isi dɔ gɔlm’g kəgəgə gə mba ndəji sí kar sí badara ne rɔ sí dɔ ta meekun gə́ d’ula ji deḛ gə́ to gə kəmee gɔl kára ba kiao gə́ ŋgaŋgee lé tɔ.

1 Samel 25:26

Ɓasinè mbai ləm, tɔgərɔ ya, Njesigənea̰ si kəmba ləm, i kara si kəmba ya ləm tɔ ndá to Njesigənea̰ ɓa wa jii ɔgi ne dɔ kila məs’g ya. Bèe ndá maji kar njéba̰je ləi gə deḛ gə́ saŋg loo ra majel gə mbai ləm lé tel to to gə́ Nabal bèe ya tɔ.