1 Samel 2:8 - Maktub gə́ To gə Kəmee

⁸ Yeḛ ɔr njendoo dan babur’g ləm, Yeḛ ɔr njenékəmndoo dan siḭ néje’g ləm tɔ Mba kar dee d’isi gə njériɓarje na̰’d. Nénduba gə́ yeḛ ar dee lé To kalimbai ka̰ rɔnduba. Mbata gaji-ŋgɔ-kagje gə́ gəd ne naŋg neelé To ka̰ Njesigənea̰ Ndá yeḛ nja unda naŋg nee dɔ dee’g tɔ.

1 Samel 2:8 ပူးပေါင်းရင်းမြစ်များ

Gḭ-Néje 41:14

Yen ŋga Parao̰ ula kula ɓar Jisəb ndá d’aree unda loo teḛ daŋgai’g gə ŋgwɔd. Yeḛ ndisa mbai təa ləm, ula kubuje gə́ raŋg rəa’g ləm tɔ, ɓa ɔd aw rɔ Parao̰’g ɓəi.

Gḭ-Néje 41:40

Ma m’undai gə́ njekaa dɔ kəi ləm ndá dəwje ləm lai lé d’a ra torndui. Nɛ kalimbai ya kára ba ɓa m’a kuru ne dɔi’g.

2 Samel 7:8

Ɓasinè i a kula kura ləm Dabid pana: Njesigənea̰ gə́ njeboo-néje pa togə́bè pana: To ma ɓa m’ɔri goo badje’g loo-ko̰-mu’g lə dee mba kari to mbai dɔ koso-dəwje ləm gə́ Israɛl ya.

1 Mbaije 16:2

Ma m’ɔree mee nduji naŋg’d ɓa m’undá gə́ mbai dɔ koso-dəwje’g ləm gə́ Israɛl, nɛ yeḛ un dɔ gɔl Jeroboam ləm, yeḛ ar koso-dəwje ləm gə́ Israɛl ra kaiya ləm tɔ gə mba kar məəm ḭ ne səm pu dɔ kaiyaje’g lə dee.

2 Mbaije 9:6

Jehu uba naŋg ḭ aw mee kəi’g ndá basa lé tər ubu dəa’g ulá ne pana: Njesigənea̰, Ala lə Israɛlje pa togə́bè pana: N’wa dɔi gə ubu n’undai gə́ mbai gə́ Israɛl dɔ koso-dəwje’g lə Njesigənea̰.

Maktub gə́ wɔji dɔ Jɔb 1:21

ndá yeḛ pana: M’teḛ mee kɔmje’g kudum dum Ndá m’a tel kaw naŋg gə kudum gə́ dum ya tɔ. Njesigənea̰ ya to njekar né ləm, Njesigənea̰ ya to njetaa né ləm tɔ, Ndá maji kar dɔ ri Njesigənea̰ ai səgərə.

Maktub gə́ wɔji dɔ Jɔb 2:8

Togə́bè Jɔb un seŋgəre ŋgə ne rəa ləm, si ne dan bu’g ləm tɔ.

Pakɔsje 102:25

Gelee gə́ nee ɓa ma m’pana: Ala ləm, Loo gə́ ndɔ kisi kəmba ləm nai bula ɓəi lé Maji kari unm el, I gə́ ləbi to saar-saar gə no̰ lé.

Pakɔsje 104:5

I nja tum gin naŋg neelé Ndá né a yə ŋgirá nda̰ el.

Pakɔsje 107:41

Nɛ yeḛ ɔr njéndooje dan nékəmndooje’g lə dee ləm, Yeḛ ar bula lə njémeekəije lə dee ḭ ne dɔ maree’d gə́ kédé-kédé to gə́ koso-nékulje bèe ləm tɔ.

Pakɔsje 24:2

Mbata yeḛ tum gin naŋg neelé dɔ mán bélm’g Aree ŋgəŋ ŋgəŋ-ŋgəŋ dɔ baa-booje’g ya.

Pakɔsje 75:3

Njesigənea̰ pana: Mee ndɔ gə́ m’wɔji njaŋg lé ndá M’a gaŋgta gə goo rəbee sur ya.

Pakɔsje 75:4

Naŋg yə ləm, deḛ lai gə́ d’isi keneŋ Ndəb ne pəd-pəd ləm tɔ, Nɛ ma lé m’ar gaji kageeje ŋgəŋ ŋgəŋ-ŋgəŋ.

Pakɔsje 75:7

Mbata kun dəw kundá tar ɗaŋg lé Ḭ bər əsé dɔ-gó el ləm, Esé ḭ dɔdilaloo’g el ləm tɔ.

Njekillamber 4:14

Mbata ŋgon neelé lé yeḛ ḭ kəi-daŋgai’g Esé d’ojee gə́ njendoo mee ɓee’g ləa kara Yeḛ askəm tel to njeko̰ɓee ya.

Esai 22:23

N’a ɓəree naŋg to gə́ kag-ŋgaolar Gə́ ɓəree loo gə́ kədərə’g bèe Ndá yeḛ a to gə́ loo-ronduba Mbata lə njémeekəije lə bɔbeeje.

Loo gə́ killa rea kəm Daniel’g 2:48

Gée gə́ gogo, mbai lé un Daniel lad undá ne daŋdɔ ləm, ɔm nébaoje bula jia’g ləm, undá gə́ njeko̰ dɔ dəb ɓeeko̰ gə́ Babilɔn bura ləma, aree to dəw dɔ njékəmkàrje gə́ Babilɔn lai ləm tɔ.

Loo gə́ killa rea kəm Daniel’g 4:17

Kag gə́ i oo gə́ tel teḛ boo ləm, siŋgá to keneŋ ləma, sémee aw njal teḛ mee dara’g ar deḛ gə́ d’isi rudu naŋg’d kara d’ée ləm tɔ lé

Loo gə́ killa rea kəm Daniel’g 6:3

Tɔɓəi yeḛ ɔr mbaije munda gə́ njekaa dɔ dee-deje ar Daniel to yeḛ gə́ kára mbuna dee’g mba kar njékaa dɔ dəb ɓeeko̰je neelé tura goo kula ra dee kar dee ləm, mba kar né lə mbai kára kara tuji el ləm tɔ.

Ǝbrəje 1:3

Yeḛ to bao-ronduba lə Ala ləm, gə njekɔr rəa ləm tɔ. Tapea gə́ ɓar mḭ lé yeḛ gəd ne nékundaje ləa gəd-gəd. Loo gə́ yeḛ ɔr won kaiya gə́ wa naŋg nee mba̰ ndá yeḛ ɔd si dɔ jikɔl Njeboo-ronduba gə́ si sém dara’g.

Maktub gə́ Jak ula ne ar ngan-Allaje 2:5

Ooje ta nee maji, ŋgakɔmje gə́ m’unda sí dan kəm’g: See Ala ɔr kəm deḛ gə́ to gə́ njéndooje kəm dəwje gə́ naŋg nee mba kar dee to bao-meekunje ləm, mba kar ɓeeko̰ gə́ yeḛ un ndia mba kar deḛ gə́ d’undá dan kəm dee’g lé d’a to njeaje ya ləm tɔ lé el wa.

Loo gə́ killa rea kəm Ja̰’g 1:6

yeḛ unda sí gə́ gin ɓeeko̰ gə́ kára ba ar sí n’tojee njékinjanéməsje gə́ ka̰ Bɔbeeje Ala ləm tɔ. Maji karee yeḛ nja to Bao-ronduba gə Njedum dɔ loo gə ləbee-ləbee gə no̰. Amen.

Loo gə́ killa rea kəm Ja̰’g 22:5

Loondul a godo keneŋ ləm, pərndɔ əsé néndogó kára kara d’a kaw ndée keneŋ el ŋga ləm tɔ mbata Ala gə́ to gə́ Mbaidɔmbaije lé ɓa a ndogó rəw no̰ dee’g. D’a ko̰ɓee gə ləb dee ləb dee saar-saar gə no̰.

Loo gə́ killa rea kəm Ja̰’g 3:21

Yeḛ gə́ a kun baŋga lé m’a karee si səm kalimbai’g ləm, to gə́ ma nja m’un baŋga m’isi ne gə Bɔm kalimbai’g ləa-yeḛ lé tɔ.

Loo gə́ killa rea kəm Ja̰’g 5:10

I gɔl dee mbo̰ dee na̰’d gin ɓeeko̰ gə́ kára ba ləm, ar dee to ne njékinjanéməsje gə́ ka̰ Ala ləm tɔ ndá d’a ko̰ɓee dɔ naŋg ne.

1 Samel 15:17

Samel pana: Loo gə́ i oo rɔi gə́ né gə́ əḭ kəmi’g el lé see i tel to mbai dɔ ginkoji Israɛlje el wa. See Njesigənea̰ ɓa wa dɔi gə ubu ari to mbai lə Israɛlje el wa.