1 Samel 2:6 - Maktub gə́ To gə Kəmee

⁶ Njesigənea̰ to njekar dəw wəi ləm, To njekar dəw si kəmba ləm tɔ. Yeḛ ar dəw aw ɓee’d lə njé gə́ d’wəi ləm, Yeḛ aree unda loo teḛ ləm tɔ.

1 Samel 2:6 ပူးပေါင်းရင်းမြစ်များ

1 Mbaije 17:22

Njesigənea̰ oo ndu Eli ndá ar kəmə lə ŋgon lé tel ree rəa’g gogo aree tel si kəmba tɔ.

2 Mbaije 5:7

Loo gə́ mbai gə́ Israɛl lé tura maktub neelé ndá yeḛ til kubuje gə́ rəa’g hao̰-hao̰ pa ne pana: See ma m’to Ala ɓa m’a kar dəw wəi ləm, karee tel si kəmba ləm tɔ ɓa yeḛ ula ne dəw neelé rɔm’g mba kam m’ɔr ba̰ji rəa’g wa. Ooje maji to gə́ yeḛ saŋg loo mba ra səm ta gə́ ra ya.

Maktub gə́ wɔji dɔ Jɔb 5:18

Yeḛ nja ar dəw doo nɛ yeḛ nja tɔ ta doo ləm, Yeḛ ar dəw iŋga doo nɛ jia-yeḛ nja aree ər kəmsə ləm tɔ.

Pakɔsje 116:3

Kulaje gə́ ka̰ yoo lé d’aḭ dɔm kɔr-kɔr ləm, Némeekaar kərm gə́ ka̰ bwa-dɔɓar lé ram ləma, Né gə́ too gə némeeko̰ lé d’ubam d’wam kérég ləm tɔ.

Pakɔsje 30:4

Njesigənea̰, i nja am m’unda loo m’teḛ dan njé gə́ d’wəi’g, I nja am m’tel m’isi kəmba əw gə deḛ gə́ d’uru mee bwa-dɔɓar’g lé.

Pakɔsje 68:20

Maji kar dɔkaisəgərə nai gə Mbaidɔmbaije gə ndɔje kára-kára lai ya! Loo gə́ d’ula kəm sí ndòo ndá Ala nja aji sí.

Pakɔsje 71:20

Dan nékəmndoo’g gə dan némeekonje’g lé I aḭ ne məəm ya, Nɛ i a tel kam m’isi kəmba gogo ɓəi ləm, I a kam m’unda loo m’teḛ mee bwa-dɔɓar’g ləm tɔ.

Njekillamber 3:3

ndɔ tɔl dəwje to keneŋ ləm, ndɔ kaji dəwje to keneŋ ləm tɔ, ndɔ tɔ kəi to keneŋ ləm, ndɔ tel kunda kəi gogo to keneŋ ləm tɔ.

Esai 26:19

Maji kar njé’g ləi gə́ d’wəi lé tel d’isi kəmba, Maji kar nin dəwje ləm d’ḭ tar! Ndelje dɔ ɓi’g, alje rɔ sí gə rɔlel, Seḭ gə́ rogoje babur’g! Mbata mán-tàl ləi to mán-tàl Gə́ ka̰ kar dəw si ne kəmba ləm, Naŋg a teḛ gə ndil njé gə́ d’wəi lé Kar dee d’isi kəmba gogo ləm tɔ.

Ejekel 37:12

Bèe ɓa maji kari tegginta ula dee pana: Mbaidɔmbaije gə́ Njesigənea̰ pa togə́bè pana: Aa ooje, əi koso-dəwje lə neḛ, n’a gə kar ta dɔɓarje lə sí teḛ kar sí undaje loo keneŋ teḛje ləm, n’a tel ree sə sí mee ɓee gə́ Israɛl gogo ləm tɔ.

Ejekel 37:3

Yeḛ dəjim pana: I ŋgon-dəw lé see siŋgaje neelé d’askəm tel si kəmba ya wa. Ma m’ilá keneŋ m’pana: Mbaidɔmbaije gə́ Njesigənea̰, i nja gər gao.

Matiyo 12:40

To gə́ Junas to ne mee ka̰ji-boo’g ndəa munda, dan kàrá gə loondul’g ndá Ŋgon-dəw lé a to mee bwa’g naŋg ndəa munda dan kàrá gə loondul’g togə́bè tɔ.

Tagə́maji gə́ Ja̰ ndang 11:25

Jeju ulá pana: Ma lé m’to njekar dəwje teḛ dɔkumbwa’g ləm, ma m’to gə́ njekula kəmə lé meḛ dee’g ləm tɔ. Nana ɓa gə́ ɔm mée dɔm’g lé wəi gə́ kwəi kara a tel si kəmba ya.

Tel tura Godndu 32:39

Maji kar sí gərje gao To gə́ ma nja m’to Ala, Yeḛ gə́ raŋg gə́ njekorè dɔm’g godo, M’ar dəw si kəmba ləm M’ar dəw wəi ləm tɔ. M’ar dəw doo ləm M’ar doo ləa ər kəmsə ləm tɔ. Ɓó dəw kára kara askəm kɔree jim’g el.

Loo gə́ killa rea kəm Ja̰’g 1:18

Neḛ n’to gə́ dɔtar ləm, n’to gə́ rudu ləma, n’to Njesikəmba ləm tɔ. Neḛ n’wəi kédé mba̰, nɛ aa oo, n’isi kəmba gə ləb neḛ-ləb neḛ gə no̰. Nékɔrtarəw lə yoo gə ɓee lə njé gə́ d’wəi lé n’wa ji neḛ’g.

1 Samel 20:3

Dabid pa ya tɔɓəi gə rɔkubu pana: Bɔbije gər gao to gə́ ma m’taa kəmi rəgm ndá yeḛ a pana: Maji kar dee d’ar Jonatan oo el nà a kar mée ea̰. Nɛ to gə́ Njesigənea̰ si kəmba ləm, i ya kara si kəmba ya ləm tɔ ndá ma kulai to gə́ ta yoom nai tebdé ba bèe ya.