1 Samel 2:5 - Maktub gə́ To gə Kəmee

⁵ Deḛ gə́ kédé nésɔ as dee nag-nag lé D’un rɔ dee tona ne goŋ muru ləm, Deḛ gə́ ɓó tɔl dee kédé lé Yeḛ ar dee d’wa rɔ dee ləm tɔ. Kaokad kara oji ŋganje gɔl siri, Yeḛ gə́ oji ŋganje bula lé rəa jura ne həgədə.

1 Samel 2:5 ပူးပေါင်းရင်းမြစ်များ

Pakɔsje 113:9

Yeḛ gə́ to gə́ kawkad lé Yeḛ nja aree kəi-siée ləm, Yeḛ aree to ko̰ ŋganje gə́ njerɔlel Mbuna ŋganeeje’g ləm tɔ. Pidije Njesigənea̰ ya.

Pakɔsje 34:10

Tədje kag Njesigənea̰, Seḭ gə́ yeḛ ɔr sí unda sí gə kəmee lé! Mbata né kára kara a lal deḛ gə́ ɓəlee lé el.

Esai 33:9

Ɓee lé si dan kəmndoo’g gə dan némeeko̰’g, Liba̰je d’isi dan rɔkul-boo’g ar siŋga dee yɔ. Saron tel to asəna gə dɔdilaloo, Basan gə Karmel lé d’ar kam dee gəḭ naŋg to gə́ kam kag bèe.

Esai 54:1

I ɓee gə́ Jerusalem gə́ to asəna gə kawkad gə́ oji ŋgon el bèe lé Maji kari al rɔi! I gə́ to asəna gə dené gə́ ndóo ulá ndubu gɔl kára el ɓəi lé Ɔr ndui gə́ tar wəl, i gə́ ndòo ulai ndubu kəm kára el ɓəi lé! Mbata dené gə́ deḛ d’ubá d’yá̰ lé Ŋganeeje d’a bula kunda ka̰ dené gə́ njeŋgao ya. Njesigənea̰ ɓa pa bèe.

Jeremi 15:9

Yeḛ gə́ oji ŋganje siri lé unda ndolè Ar kəmə ləa godo, Loo gə́ kàr aar tar ɓəi ndá, Loondul dəb dəa’g, Rɔkul dəb dəa’g ar sɔḭ wa kəmee. Ges dee gə́ nai lé neḛ m’ɓugu dee Ta kiambas’g lə njéba̰je lə dee. Njesigənea̰ ɓa pa bèe.

Lugu 1:53

Yeḛ ar njéɓooje kila kɔd-kɔd loo ɓoo’g lə dee. Nɛ yeḛ un baoje tuba dee ji dee kari kari-kari.

Lugu 16:25

Abrakam ilá keneŋ pana: Ŋgonəm, ar məəi olé dɔ némajije’g ləi loo gə́ i si ne gə kəmi danee’g lé nɛ Lajarə lé loo gə́ yeḛ si gə kəmee ɓəi lé yeḛ si dan némeeko̰’g ya, ɓasinè ndá yeḛ si dan meekulɔm’g ŋga, nɛ i ɓa yḛ̀ i si dan néurti’g gə́ si ya to ŋga.

Njé gə́ Galati 4:27

Mbata deḛ ndaŋg taree mee maktub’g pana: Al rɔi, i kaw kad gə́ oji ŋgon el lé! Ɔr ndui gə́ tar wəl, i gə́ ndòo ulai ndubu kəm kára el ɓəi lé! Mbata dené gə́ deḛ d’ubá d’yá̰ lé Ŋganeeje d’a bula kunda ka̰ dené gə́ njeŋgao ya.

Rudu 4:15

Ŋgon neelé a kari tel idi pug-pug ləm, yeḛ a to njegədi loo gə́ i a ɓuga jɔ-jɔ ləm tɔ, mbata məmije gə́ undai dan kəmee’g lé ɓa ojee ya, ndá Rudu lé to ŋgonkəmi unda ŋganje gə́ diŋgam gə́ siri ɓəi.

1 Samel 1:20

Mee ləbee gən lé An taa kèm ndá yeḛ oji ŋgon gə́ diŋgam gə́ yeḛ unda ria lə Samel mbata yeḛ pana: M’dəjee Njesigənea̰.

1 Samel 1:6

Nɛ Niéje lé ulá ndukɔl gə ta meeyèrje mba kar mée ea̰ ne dɔ Njesigənea̰’d gə́ njekaree aw kad lé.